កំពង់ធំ = កាលពីវេលា ម៉ោង ១១ថ្ងៃត្រង់ ថ្ងៃទី៣១ ខែតុលា ឆ្នាំ២០១៥ ក្រុមគ្រួសារទីទាលក្រលំបាកតោកយ៉ាក ៤នាក់ ម្ដាយ ឪពុក កូន គ្មានបាយហូប ក៏សំរេចចិត្តយកកំពតដែលគេបង់សំណាញបានតែគេមិនយកហើយទុកចោលលើភ្លឺស្រែ មកដុតស៊ី ធ្វើអោយពុលទាំងម្ដាយ 
ទាំងឪពុកនិងកូន២នាក់ តែអកុសលម្ដាយបានហូបច្រើនជាងគេធ្វើអោយអ្នកជួយសង្គ្រោះអស់លទ្ធភាពក៏ដាច់ខ្យល់ស្លាប់ក្រោយពីបញ្ចូនមកដល់ផ្ទះ ចំណែកកូន និងឪពុកបានហូបតិចតួចអាចជួយសង្គ្រោះបាន ហេតុការណ៍ដ៏រន្ធតនេះបានកើតឡើងនៅភូមិកងមាស ឃុំត្នោតជ្រុំ ស្រុកបារាយណ៍ ខេត្តកំពង់ធំ ។
បើតាមប្រភពពត័មានពីប្រជាពលរដ្នក្នុងភូមិបានប្រាប់អ្នកសារពត័មានយើងថា ក្រុមគ្រួសារមួយនេះមានតំណរពូជសតិមិនសូវគ្រប់ តាំងពីជីដូនជីតាពួកគេ តគ្នាជាយូរមកហើយរហូតមកដល់ពេលនេះ ហើយមុខរបរ របស់ពួកគេ គឺ ដក់ព្រលឹត ត្រាវកៀត ម្អម និងដើរលាងចាន តាមវត្ត តាមរោងបុណ្យ តែប៉ុណ្ណោះ ពុំមានរបរពិតប្រាកដនោះទេ ពេលខ្លះម្ដាយបានដើរសុំបាយលោកនៅតាមវត្តយកទៅអោយកូនស៊ី ចំណែកឪពុកវិញពុំដឹងអ្វីទាំងអស់ ព្រោះសតិមិនគ្រប់និងពេលខ្លះដន្ដើមនំពីកូនមកស៊ីក៏មាន ក្នុងនោះប្រជាពលរដ្នបាននិយាយបន្ថែមថា តើអត់ពីម្ដាយទៅតើកូនបានអីស៊ីបើឪពុកសតិមិនគ្រប់បែបនេះ។
ជនរងគ្រោះដែលស្លាប់មានឈ្មោះ ឆែម ញ៉ អាយុ ៤៦ឆ្នាំ មានកូន២នាក់ ប្រុស១ ស្រី១ ឪពុកឈ្មោះថាន់ទិន អាយុ ៤០ឆ្នាំ ក្នុងនោះក៏មានសាច់ញាតិ ឈ្មោះ ឆែម ឈី ប្អូនប្រុសបង្កើតជនរងគ្រោះនិងឈ្មោះអាតជាប្អូនថ្លៃស្រីតាមមើលថែផងដែរ បន្ទាប់មកក៏បញ្ចូលសាកសពទៅធ្វើបុណ្យនៅវត្តកងមាស រៀបចំធ្វើដោយ គណះកម្មាវត្ត ព្រះសង្ឃ និងពុទ្ធបរិស័ទនៅក្នុងភូមិជួយជាសទ្ធាជ្រះថ្លា ជួយធ្វើបុណ្យ និងរលាយសាកសពនៅរសៀលថ្ងៃទី១ ខែវិច្ចិការ ឆ្នាំ២០១៥នេះ។
មិនតែប៉ុណ្ណោះក៏មានក្រុមគ្រួសារទីទាល់ក្រចំនួន ៦គ្រួសារទៀត ដែលជាស្ដ្រីមេម៉ាយ និងចាស់ជរាគ្មានទីពឹង ដែលមានឈ្មោះ អូយ សៀង, ខេនញេះ, ពេជញ៉, យាយសូន , និងស្ដ្រីម៉េម៉ាយ២នាក់ឈ្មោះ ម៉ិក ,និង យឿង ដែលសុទ្ធតែជាគ្រួសារក្រីក្ររកព្រឹកខ្វះល្ងាច នៅក្នុងភូមិ កងមាស ឃុំត្នោតជ្រុំ ស្រុកបារាយណ៍ខេត្តកំពង់ធំផងដែរ កំពុងតែដង្ហោយ រកសប្បុរសធម៍ លោកឧញ្ញា និងអភិបាលខេត្ត ព្រមទាំងសម្ដេច ប៊ុនរ៉ានី ហ៊ុនសែន ជួយពួកគាត់ផង ព្រោះតែភាពក្រលំបាកខ្លាំងពេក។ ប៊ុន រិទ្ធី
