ខេត្តសៀមរាប៖ យោងតាមពាក្យរបស់ជនរងគ្រោះឈ្មោះ សាប់ នីតាស់ ភេទប្រុសអាយុ២៤ឆ្នាំមុខរបរបុគ្គលិកក្រុមហ៊ុនSIGROUP ដែលត្រូវជនសង្ស័យលួចម៉ូតូម៉ាកស្គុបពី ពណ៌ខៀវមួយគ្រឿង កាលពីវេលាម៉ោង០៣និង៤៧នាទី ទៀបភ្លឺឈានចូលថ្ងៃទី០២ខែវិច្ឆិការឆ្នាំ២០១៥
ស្ថិតនៅចំនុចផ្ទះសំណាក់ យីហោ ម្យួ រ៉ា ក្នុងភូមិ២០ឧសភា សង្កាត់ស្វាយប៉ោ ក្រុងបាត់ដំបង ខេត្តបាត់ដំបង។ ទើបកម្លាំងកងរាជអាវុធហត្ថខេត្តបាត់ដំបងបានសហការជាមួយកម្លាំងកងរាជអាវុធហត្ថខេត្តសៀមរាប ស្រាវជ្រាវរហូតឈានដល់ឃាត់ខ្លួនបានជនសង្ស័យភា្លមៗផងដែរ។
ជនសង្ស័យដែលលួចម៉ូតូបានសម្រចពីបាត់ដំបងកាលពីវេលាម៉ោង០៣និង៤៧នាទី ទៀបភ្លឺឈានចូលថ្ងៃទី០២ខែវិច្ឆិការឆ្នាំ២០១៥ ពីជនរងគ្រោះនោះ ត្រូវបានកម្លាំងកងរាជអាវុធហត្ថខេត្តសៀមរាប ស្រាវជ្រាវ ឈានដល់ធ្វើការឃាត់ខ្លួនបានភ្លាមៗនៅវេលាម៉ោង១៦និង០០នាទីថ្ងៃទី០២ខែវិច្ឆិការឆ្នាំ២០១៥ស្ថិតនៅចំនុចភូមិមណ្ឌល៣ សង្កាត់ស្លក្រាម ក្រុងសៀមរាប។
តាមសម្តីរបស់លោកអនុសេនីយឯក អ៊ុយ ចយ នាយការិយាល័យបទល្មើសព្រហ្មទណ្ឌ
ខេត្តសៀមរាបបានឲ្យដឹង នៅល្ងាចថ្ងៃទី០២ខែវិច្ឆិកាឆ្នាំ២០១៥ថា ដោយមានការយកចិត្តទុកដាក់ពីសំណាក់ឧត្តមសេនីយត្រី ប៉ោ វណ្ណនិត មេបញ្ជាការកងរាជអាវុធហត្ថខេត្ត និងដោយមានការសហការគ្នាបានល្អពីកម្លាំងកងរាជអាវុធហត្ថខេត្តបាត់ដំបង ទើបឈានដល់ធ្វើការឃាត់ខ្លួនបានជនសង្ស័យនិងវត្ថតាងភ្លាមៗផងដែរ។លោកបន្តថា ជនសង្ស័យដែលលួចម៉ូតូពីបាត់ដំបង មានឈ្មោះ គង់ រ៉ូហ្សា ភេទប្រុសអាយុ២១ឆ្នាំមុខរបរបុគ្គលិកផ្ទះសំណាក់ យីហោ ភូមិ១ សង្កាត់ច្រាំងចំរេះ១ ខ័ណ្ឌប្ញស្សីកែវ រាជធានីភ្នំពេញ ដែលលួចម៉ូតូបានម៉ាកស្កុបពីពណ៌ខៀវ ពាក់ស្លាកលេខ.១A.៨៦៣៨។ ចំណែក ជនរងគ្រោះមានឈ្មោះសាប់ នីតាស់ ភេទប្រុសអាយុ២៤ឆ្នាំមុខរបរបុគ្គលិកក្រុមហ៊ុនSIGROUP ក្នុងភូមិ២០ឧសភា សង្កាត់ស្វាយប៉ោ ក្រុងបាត់ដំបង ខេត្តបាត់ដំបង បានបាត់ម៉ូតូម៉ាកស្កុបពីពណ៌ខៀវ ពាក់ស្លាកលេខ.១A.៨៦៣៨។
បច្ចុប្បន្នជនសង្ស័យនិងវត្ថុតាងត្រូវបានកម្លាំងជំនាញកងរាជអាវុធហត្ថខេត្តសៀមរាបបានធ្វើការប្រគល់ឱ្យទៅកម្លាំងកងរាជអាវុធហត្ថខេត្តបាត់ដំបង ដើម្បីចាត់ការបន្តតាមច្បាប់៕ ដោយ ឧត្តម
