បន្ទាយមានជ័យ៖នេះជាពាក្យរបស់យុវសិស្សក្នុងការសម្តែងរឿងក្នុងពិធីបើកបវេសនកាលនាឆ្នាំសិក្សា២០១៥ ២០១៦នៅសាលាវិទ្យាល័យសម្តេចឪស្ថិតនៅកណ្តាលក្រុងសិរីសោភ័ណខេត្តបន្ទាយមានជ័យនាព្រឹកថ្ងៃទី១វិច្ឆិកា២០១៥ក្រោមការអញ្ចើញចូលរួមបើកបវេសនកាល
របស់លោក លី សារី អភិបាលរងខេត្តបន្ទាយមានជ័យនិងការចូលរួមពីអស់លោកតំណាងមន្ទីរស្ថាប័ណ្ណជុំវិញខេត្តលោកគ្រូ អ្នកគ្រូនិងសិស្សានុសិស្សជាច្រើន។
ក្នុងការសម្តែងរឿងក្នុងន័យអប់រំកុំអោយប្អូនៗជាសអោយឆ្ងាយកុំយកគំរូតាមគឺបានសម្តែងពីការចូលរៀនរបស់សិស្សក្នុងបវេសនកាលថ្មីដោយមានសិស្សខ្លះក្រនិងសិស្សខ្លះមានធ្វើអោយមានការបែងចែកឋានះស្អុបខ្ពើមហើយសិស្សខ្លះសប្បាយនិងការដើរលេងប្រើប្រាស់ចែកចាយថ្នាំញៀនបានអូសទាញសិស្សផ្សេងទៀតដើរលេងប្រើប្រាសថ្នាំញៀនដែរ។មិនថែមតែប៉ុណ្ណោះបានសម្តែងបង្ហាញពីអាណាព្យាបាលដែលគិតតែលេងល្បែងស៊ីសងមិនខ្វល់ពីកូនរហូតដល់ទីបញ្ចប់នៃសាច់រឿងត្រូវបានសមត្ថកិច្ចប៉ូលិសចាប់ខ្លួនទាំងអស់ហើយពួកគេបាននិយាយថា”ដើម្បីក្លាយខ្លួនជាកូនល្អ សិស្សល្អត្រូវនិយាយថាទេចំពោះគ្រឿងញៀន គ្មានការរើសអើមក្នុងសាលាបង្កើតមិនលុបបំបាត់សត្រូវ ការពារជីវិតនាក់ពាក់មួកសុវត្តិភាព។
បន្ទាប់ពីអានសារសម្តេចអគ្គមហាសេនាបតិតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជាស្តីពីការបើកបវេសនាសិក្សាថ្មី។
លោក គឹម ស្រួយ នាយកវិទ្យាល័យសម្តេចឪ បានប្រាប់អោយដឹងថាសំរាប់ឆ្នាំសិក្សា២០១៥-២០១៦នេះមានសាស្ត្រាចារ្យចំនួន៩៩នាក់ស្រី៤៤នាក់និង សិស្សដែលបានមកចុះឈ្មោះសិក្សាមានចំនួន១៦៩៥នាក់ស្រី៨៦០នាក់បើប្រៀបធៀបនិងឆ្នាំសិក្សា២០១៤-២០១៥ថយចុះ១៥៧នាក់ស្រី៦០នាក់។
ថ្លែងទៅកាន់សិស្សានុសិស្សនាឱកាសនោះផងដែរលោក លី សារី បានក្រើនរំលឹកដាស់តឿនថាបើយើងស្រឡាញ់ខ្លួន ស្រឡាញ់ឪពុកម្តាយនិងស្រឡាញ់អនាគតដ៏រុងរឿងគឺត្រូវខិតខំសិក្សារៀនសូត្រហើយ នៅអោយឆ្ងាយពីគ្រឿងញៀន ចូរខិតខំប្រតិបត្តិច្បាប់ចរាចរអោយបានច្បាប់ខ្ជាប់ខ្ជួនដើម្បីធានាបាននូវសុវត្ថិភាព សេចក្តីថ្លៃថ្នូរដល់សង្គមជាតិទាំងមូល។ជាមួយនោះលោកក៏បានស្នើអោយមាតាបិតានិងអាណាព្យាបាលសិស្សទាំងអស់ សហគមន៍និងអាជ្ញាធរដែនដីគ្រប់ថ្នាក់ត្រូវចូលរួមអោយសកម្មក្នុងការជួយអប់រំកូនចៅអោយបានល្អ ទាំងផ្នែកអនាម័យ សុខភាព ចំណេះដឹងនិងសិលធម៌ ដើម្បីបន្តលើកកម្ពស់កិត្តិយសសង្គមជាតិកម្ពុជាសក្តិសមជាប្រជាជាតិមួយដែលមានឈាមជ័របន្តពីសម័យអង្គរដ៏រុងរឿងនៃយើង។
ជាមួយគ្នានោះលោក លី សារី ក៍បានផ្តល់ប័ណ្ណសរសើរដល់សិស្សដែលមានចំណាត់ថ្នាក់ល្អនិងបានផ្តល់អំណោយជាសំភារះសិក្សារួមមានសៀវភៅ ការបូប មួយចំនួនដែលបាមមកពីការឧបត្ថមរបស់សប្បុរស់ជនក្នុងខេត្តហើយក៍បសនសំណូមពរដល់សប្បុរស់ជនក្នុងខេត្តមេត្តាជួយឧបត្តមដល់សិស្សក្រីក្រអោយបានបន្តការសិក្សាទៅមុខទៀត៕
