ឧត្តរមានជ័យ៖ស្ត្រីម្នាក់និងកូនតូចម្នាក់កំពុងជិះកង់ឌុបគ្នា ត្រូវបានរថយន្តកាម៉ារីមួយគ្រឿងបើកបញ្ជ្រាសទិស បានមកបុកពេញទំហឹង បណ្តាលឲ្យរបួសធ្ងន់ធ្ងរកាលពីវេលាម៉ោង១២និង២០នាទីយប់ ថ្ងៃទី១ ខែ វិច្ឆិការ ឆ្នាំ២០១៥ លើកំណាត់ផ្លូវជាតិលេខ៥៦អា ក្នុងភូមិគោក
ឪឡោក ឃុំអំពិល ស្រុកបន្ទាយអំពិល ខេត្តឧត្តរមានជ័យ ភ្លាមៗនោះរថយន្តបានបើករត់គេចខ្លួនបាត់ស្រមោលរហូតដល់ស្រុកចុងកាល់ទើប សមត្ថកិច្ចចាប់បាន។
ជនរងគ្រោះមានឈ្មោះ សឹម វឿន ភេទស្រី អាយុ៣១ឆ្នាំ ជាម្តាយ និងឈ្មោះ ផុន ស្រីវៃ ភេទស្រី អាយុ១៣ឆ្នាំ ភាគីខាងជិះកង់ បានរងបួសធ្ងន់ទាំង២នាក់ម៉ែកូន។រីឯម្ចាស់រថយន្តបង្កមាន ឈ្មោះ កៅ បូណារុនភេទប្រុស អាយុ២៨ឆ្នាំ រស់នៅភូមិកូនដំរី សង្កាត់និមិត្ត ក្រុងប៉ោយប៉ែត ខេត្តបន្ទាយមានជ័យ។
លោក ហម ភិរម្យ អធិការនគរបាលស្រុកបន្ទាយអំពិលបានឲ្យដឹងនៅថ្ងៃទី០១ ខែវិច្ឆិការ ឆ្នាំ២០១៥នេះថា មុនពេលកើតហេតុស្ត្រីរងគ្រោះនិងកូនបានជិះម៉ូតូឌុបគ្នាលើផ្លូវជាតិលេខ៥៦អា មក ដល់ចំនុចខាងលើស្រាប់តែមានរថយន្តកាំម៉ារីមួយគ្រឿងពណ៌សំបកឪឡឹក សេរីឆ្នាំ១៩៩៥ ពាក់ស្លាក លេខ2C:4413 បើបញ្ច្រាស់ទិសបានមកបុកពេញទំហឹង បណ្តាលឲ្យស្ត្រីពីរនាក់ម៉ែកូនរបួសធ្ងន់ឃើញ ដូច្នោះម្ចាស់រថយន្តបានបន្ថែមល្បឿនបើករត់ សមត្ថកិច្ចបានដេញតាមនិងសហការគ្នាជាមួយខាងកងរា ជអាវុធហត្ថស្រុកចុងកាល់ទើបចាប់រថយន្តបង្កបាន និងបានបញ្ជូនរថយន្តនោះមកអធិការដ្ឋានដើម្បី ចាត់ការតាមច្បាប់៕
