ខេត្តឧត្តរមានជ័យ៖ យុវជន៣នាក់ត្រូវបាននគរបាលចាប់ខ្លួន ខណះពួកគេដើក្នុងភូមិប្រដាប់ដោយអាវុធដាវសាម៉ូរ៉ៃប្រវេងជាង១ម៉ែត្រ ក្នុងគោលបំណងមិនល្អ នគរបាលល្បាតដឹកនាំដោយលោកអនុសេនីយ៍ទោ ឈុំ សុពៅ នាយផ្នែកសណ្តាប់ធ្នាប់ បានធ្វើការស្ទាក់ឃាត់ចាប់យកមកសួរនាំកាលពីវេលាម៉ោង៩និង៣០នាទីយប់ថ្ងៃទី០២ ខែវិច្ឆិការ ឆ្នាំ២០១៥ នៅចំនុចភូមិកំណប់ សង្កាត់បន្សាយរាក់ ក្រុងសំរោង ខេត្តឧត្តរមានជ័យ។
ជនសង្ស័មានទី១ឈ្មោះ ដឿត សុខា ភេទប្រុស អាយុ១៦ឆ្នាំ ទី២ឈ្មោះ ដឿត ចាន់តុល ភេទប្រុស អាយុ ១៨ឆ្នាំ ទី៣ឈ្មោះ ហ៊ុល ហ៊ុន ភេទប្រុស អាយុ ៣០ឆ្នាំ ទាំងបីនាក់មានទីលំនៅភូមិត្រពាំងទូង សង្កាត់កូនក្រៀល។ក្រៅពីនេះដកហូតបានដៅសាម៉ូរ៉ៃ១ដើមផងដែរ។
លោក ស៊ុន សាន អធិការនគរបាលក្រុងសំរោងបានឲ្យដឹងថា មុនចាប់ខ្លួនយុវជន៣នាក់ បានដើរកាន់ដាវក្នុងភូមិ តែមិនទាន់បានធ្វើសកម្មភាពអ្វីទេ ដើម្បីរក្សាបាននូវសន្តិសុខសុវត្ថតិភាពតាមមូលដ្ឋាន កម្លាំងនគរបាលយើងបានឃាត់ខ្លួនពួកគេ យកមកសួរនាំ និងអប់រំឲ្យពួកគេយល់ពីផ្លូវច្បាប់។ក្មេងទំនើងនេះត្រូវបានធ្វើកិច្ចសន្យានិងឲ្យអាណាព្យាបាលមកទទួលយកទៅអប់រំបន្ត តែបើក្នុងករណីមិនរៀងចាលនៅតែបន្តធ្វើឲ្យសង្គមអសន្តិសុខសមត្ថកិច្ចយើងនិងកសាងសំណុំរឿងចាត់ការតាមច្បាប់៕
