ព្រះវិហារ តាមសេចក្ដីរាយការណ៍បានអោយដឹងថាក្មេងស្រីជាអនីតិជនអាយុ១៤ឆ្នាំម្នាក់ត្រូវបានបុរសម្នាក់ជាជនល្មើសចាប់រំលោភសេពសន្ថវបានសម្រេចចំនួន០៣ដងក្នុងខែកញ្ញានិងតុលាឆ្នាំ២០១៥ហើយត្រូវបានបងប្រុសដឹងរឿងអាស្រូវក៍សម្រេចទៅដាក់ពាក្យបណ្តឹងដល់សមត្ថកិច្ចនគបាលមូលដ្ឋាននៅថ្ងៃទី៣១តុលា២០១៥ថ្មីៗនេះ។
បុរសម្នាក់ឈ្មោះគ្លយសឿងជាបងប្រុសជនរងគ្រោះអាយុ៣១ឆ្នាំមុខរបរកសិករបានរៀបរាប់ប្រាប់សមត្ថកិច្ចនគរបាលពីរឿងរ៉ាវជនសង្ស័យបានចាប់រំលោភប្អូនស្រីរបស់ខ្លួនបានសម្រេចចំនួន៣លើកជាបន្តបន្ទាប់ក្នុងខែកញ្ញានិងតុលា២០១៥កន្លងមក។បុរសរូបនេះបានប្តឹងពីឈ្មោះសែនសុឃីនភេទប្រុសអាយុ៣០ឆ្នាំជាមន្ដ្រីប៉ុស្ដិ៍នគរបាលរដ្ឋបាលស្តៅហើយក្មេងស្រីរងគ្រោះឈ្មោះគ្លយស្រីណុចអាយុ១៤ឆ្នាំដែលចំណុចកើតហេតុនៅវាលស្រែពន្លាចាន់ភូមិស្តៅឃុំស្តៅស្រុកសង្គមថ្មីខេត្តព្រះវិហារ។
សមត្ថកិច្ចនគបាលជំនាញព្រហ្មទណ្ឌខេត្តបានអោយដឹងនៅព្រឹកថ្ងៃទី០៣វិច្ឆិការនេះថាជនសង្ស័យនិយាយសារភាពចំពោះមុខសមត្ថកិច្ចថាបានរួមភេទជាមួយក្មេងស្រីរងគ្រោះចំនួន៣ដងប្រាកដមែនតែជាការត្រូវរ៉ូវគ្នាមិនមែនចាប់រំលោភនោះទេ។ជនសង្ស័យត្រូវបានលោកព្រះរាជអាជ្ញាអមសាលាដំបូងខេត្តនិងតំណាងអយ្យការបញ្ជូនសំណុំរឿងព្រហ្មទណ្ឌនោះទៅកាន់លោកវែងមួយគីចៅក្រមសើបសួរបន្ទាប់មកលោកចៅក្រមបានសម្រេចចេញដីកាឃុំខ្លួនជនសង្ស័យឈ្មោះសែនសុឃីនដាក់ពន្ធគារខេត្តកាលពីរសៀលថ្ងៃទី០២វិច្ឆិកា២០១៥៕
