កំពត៖ បុរសម្នាក់បានរងរបួសយ៉ាងធ្ងន់ធ្ងរសន្លប់ស្តូកស្តឹងនៅនិងកន្លែងកើតហេតុ ខណៈ
ជិះម៉ូតូក្នុងស្ថានភាពស្រវ៉ឹងហើយត្រូវរថយន្តសាំយ៉ុងដឹកអ្នកដំណើរមួយគ្រឿងកៀរប៉ះនិងចង្កូតម៉ូតូដួលសន្លប់ស្តូកស្តឹងនៅកន្លែងកើតហេតុ ត្រូវបានសាច់ញាតិជួយរឹតនិងហៅរថយន្តឈ្នួលដឹកទៅសង្គ្រោះនៅមន្ទីរពេទ្យបង្អែកខេត្ត។ហេតុការនេះកើតឡើងកាលពីវេលាម៉ោង៦ ; ៣០នាទីល្ងាចថ្ងៃទី០៣ ១១ ២០១៥ នៅលើផ្លូវជាតិលេខ៣ កំពត ភ្នំពេញ ត្រង់ចំណុចមុខក្លោងវត្កំពូលមាស ស្ថិតក្នុងភូមិចក្រីទីងទីង ឃុំព្រៃថ្នង ស្រុកទឹកឈូ។តាមប្រភពពត៌មានពីសាក្សីនៅកន្លែងកើតហេតុបានឲ្យដឹងថាៈ មុនពេលកើតហេតុ គេឃើញបុរសជាជនរងគ្រោះជិះម៉ូតូម៉ាកវីវ៉ា០៨ពណ៌ខ្មៅមិនចាំស្លាកលេខបើកបរក្នុងស្ថានភាពស្រវ៉ឹងក្នុងទិសដៅពីកើតទៅលិច លុះមកដល់ចំណុចកើតហេតុ ក៍មានរថយន្តម៉ាកសាំយ៉ុងដឹកស៊ីទែនទឹកមួយគ្រឿងមិនចាំស្លាកលេខ
បានបើកបរមកពីក្រោយក្នុងទិសដៅស្របគ្នា ស្រាប់តែរថយន្តមកដល់បុរសដែលជិះម៉ូតូបានរេចង្កូតមករកផ្លូវខាងរថយន្ត ហើយត្រូវរថយន្តបានបួងចង្កូតគេចផុតពីមុខរថយន្ត តែចៃដន្យត្រូវកន្ទុយរថយន្តដែលផ្ទុកសូទែនទឹកពីក្រោយគេចមិនផុតក៍ប៉ះនិងចង្កូតម៉ូតូជនរងគ្រោះបណ្តាលាឲ្យដួលច្រងាប់ច្រងិលសន្លប់ស្តូកស្តឹងនៅកន្លែងកើតហេតុត្រូវបានញាតិមិត្តដែលធ្វើដំណើរតាមក្រោយឈប់ម៉ូតូជួយរឹតនិងអន្តរាគមន៍ជួលរថយន្តឈ្នួលដឹកទៅសង្ភ្រ្លោះភ្លាមៗនៅមន្ទីរពេទ្យឯកជនមួយ រីឯរថយន្តដែលប៉ះនិងម៉ូតូនោះបានបង្កើនល្បឿនទៅមុខបាត់ស្រម៉ោល ទំនងជាអ្នកបើកបរមិនដឹងថាកន្ទុយរថយន្តប៉ះនិងចង្កូតម៉ូតូផងក៍មិនដឹង។ប្រភពពីសមត្ថកិច្ចនៅកន្លែងកើតហេតុបានឲ្យដឹងថាៈ ជនរងគ្រោះមានឈ្មោះ អ៊ូច វ៉ន ភេទប្រុស អាយុ៤៦ឆ្នាំ មានទីលំនៅភូមិទ្វាថ្មី ឃុំព្រៃថ្នង ស្រុកទឹកឈូ។សមត្ថកិច្ចឲ្យដឹងទៀតថា ជនរងគ្រោះក្រោយពីសាច់ញាតិដឹកមកសង្គ្រោះនៅមន្ទីរពេទ្យឯកជនមួយនៅក្នុងខេត្តបានបន្តិច ដោយរបួសធ្ងន់ធ្ងរក្រុមគ្រូពេទ្យ
ក៍បានឲ្យសាច់ញាតិបញ្ជូនទៅសង្គ្រោះបន្តនៅមន្ទីរពេទ្យប្រទេសវៀតណាមនាយប់នោះ។ សមត្ថកិច្ចបានឲ្យដឹងទៀតថាៈ បើតាមស្លាកស្នាមរបួសពុំមានស្លាកស្នាមប៉ុន្មានទេគឺគ្រាន់តែរលាត់ដៃជើងបន្តិចបន្តួច ប៉ុន្តែដោយសារជនរងគ្រោះដួលបោកក្បាលនិងថ្នល់ធ្ងន់ដោយគ្មានពាក់មួកសុវត្ថិភាព៕
