ស្ទឹងត្រែង៖រថយន្តយីឌុបរបស់ក្រុមហ៊ុនឧកញ៉ាអាន ម៉ាឌី ចំនួន៣គ្រឿងដឹកឈើខុសច្បាប់ ត្រូវបានសមត្ថកិច្ចជំនាញរដ្ឋបាលព្រៃឈើ សហការជាមួយកំលាំងអាវុធហត្ថបង្ក្រាប ដែលមានចំនួន៨៨ម៉ែត្រគូប៤៦៦និងបានប្រកាសអោយម្ចាស់ចូលបង់ផាកពិន័យក្នុងរយៈ៣០ថ្ងៃនោះ ម្ចាស់រថយន្តមួយគ្រឿង បានចូលខ្លួនបង់ពិន័យជាង៨១លានរៀល។ចំណែក២គ្រឿងទៀត មិនបានបង់ ត្រូវបានបញ្ជូនសំណុំរឿងទៅតុលាការ។
គួរំលឹកផងដែរថារថយន្តយីឌុបទាំង៣គ្រឿងត្រូវបានសមត្ថកិច្ចជំនាញបង្ក្រាប កាលពីល្ងាច ថ្ងៃទី១៦ខែកញ្ញាឆ្នាំ២០១៥ស្តិតក្រោមការបញ្ចាពីលោកជា ពេជ្រព្រះរាជអាជ្ញាសាលាដំបូងខេត្ត រថយន្តទាំង៣គ្រឿងនោះផ្ទុកឈើប្រភេទលេខ១ជាប្រភេទឈើ សុក្រំ និងឈើផ្ចឹកដែលមានរថយន្តទីមួយផ្ទុកឈើចំនួន២៨៦ដុំ ស្មើនិង២៥ម៉ែត្រគូប ៧២១ រថយន្តទី២មានចំនួន២៨២ដុំស្មើនិង២៥ម៉ែត្រគូប៣៣៩និងរថយន្តទី៣ចំនួនចំនួន៤៧៨ដុំស្មើនិង៣៧ម៉ែត្រគូប៤០៩ សារ៉ុបទាំង៣គ្រឿងមានចំនួន១០៤៦ដុំស្មើនិង៨៨ម៉ែត្រគូប៤៦៦។
រថយន្តយីឌុបដឹកឈើចំនួន៣គ្រឿងដែលសមត្ថកិច្ចជំនាញអះអាងថាជារបស់ក្រុមហ៊ុនឧកញ៉ាអានម៉ាឌីនិងថាមានច្បាប់ត្រឹមត្រូវនោះ គឺគ្រាន់តែជាពាក្យដោះសាររបស់លោកឈាង តុលានាយខណ្ឌតែប៉ុណ្ណោះ។ក្រោយការបញ្ជារបស់លោកជា ពេជ្រព្រះរាជអាជ្ញាសាលាដំបូងខេត្ត ចុះស្រាវជ្រាវ រកលិខិត្យអនុញ្ញាត្តពីជំនាញរដ្ឋបាលព្រៃឈើ ទើបដឹងថារថយន្តយីឌុបទាំង៣គ្រឿងនេះ ដឹកឈើគ្មានច្បាប់ឡើយ។ឈើទាំង៣រថយន្តយីឌុបគឺបានមកពីការកាប់ព្រៃឈើ ពីខាងក្រៅក្រុមហ៊ុន ដែលមិនបានបង់ពន្ធជូនរដ្ឋ ក្រោមការឃុបឃិតជាមួយជំនាញរដ្ឋបាលព្រៃឈើ ដែលធ្វើអោយថវិការជាតិជាច្រើនត្រូវខាតបង់។
មន្ត្រីរដ្ឋបាលព្រៃឈើខេត្តបានអោយដឹងថាឈើទាំង៣រថយន្តដែលមានចំនួនជាង៨៨ម៉ែត្រគូបនោះ ត្រូវបានអោយម្ចាស់ក្រុមហ៊ុចូលខ្លួនមកបង់ផាពិន័យតាមច្បាប់ព្រៃឈើ ក្នុងម៉ែត្រគូប១.០៥០.០០០(មួយលានប្រាំម៉ឺនរៀល)គុណនិង៣ស្មើនិងមួយម៉ែត្រគូប៣.១៥០.០០០(បីលានដប់ប្រាំម៉ឺនរៀល)ឈើដែលមានចំនួនសារ៉ុប៨៨ម៉ែត្រគូប៤៦៦នោះ ត្រូវបានបង់ផាកពិន័យរហូតដល់ទៅជិត៣០០លានរៀលឯណ្ណោះ។
មន្ត្រីរដ្ឋបាលព្រៃឈើខេត្តបានបន្តថាចាប់ពីថ្ងៃបង្ក្រាបរហូតមកដល់ពេលនេះ មានរយះពេលជាងមួយខែហើយគេបានឃើញម្ចាស់រថយន្តមួយគ្រឿងដែលបានផ្ទុកឈើ២៥ម៉ែត្រគូប៤០៩បានចូលខ្លួនមកបង់ផាកពិន័យ ដែលមានទឹកប្រាក់ជាង៨១លានរៀល (ជាងប៉ែតសិបមួយលានរៀល)។ចំណែក២គ្រឿងទៀតដែលមិនបានចូលបង់ផាកពិន័យ ត្រូវបានជំនាញបញ្ជូនសំណុំរឿងទៅកាន់តុលាការដើម្បីចាត់ការបន្តតាមផ្លូវច្បាប់។
ប្រភពដោយឡែកមួយត្រូវបានគេរាការណ៍ថា ម្ចាស់រថយន្ត២គ្រឿងដែលមិនបានចូលបង់ពិន័យ ម្ចាស់រថយន្តបានប្តឹងទៅក្រុមហ៊ុនលោកឧកញ៉ា ដែលបានជួលរថយន្តដឹកឈើថាឈើមានច្បាប់ តែក្រោយពីមានការបង្ក្រាបរបស់សមត្ថកិច្ច បែរជាឈើគ្មានច្បាប់ទៅវិញ ក្រុមហ៊ុនមិនបានទទួលខុសត្រូវឡើយ ហើយរហូតមកដល់ពេលនេះ គេមិនទាន់ដឹងថាពាក្យបណ្តឹងនេះ បានដាក់ដល់ដៃតុលាការ ហើយឬនៅនោះទេ?បើដល់ក៏គេមិនទាន់ដឹងថាតុលាការមានចំណាត់ការយ៉ាងណាដែរ?៕
