ខេត្តរតនគិរី៖ នៅរសៀលថ្ងៃទី៤ខែវិច្ឆិការឆ្នាំ២០១៥សាខាកាកបាទក្រហមកម្ពុជា ខេត្តរតនគិរី បាននាំយកអំណោយមនុស្សធម៍ផ្តល់ជូនគ្រួសារស្ត្រីមេម៉ាយទីទាល់ក្រនឹងជនចាស់ជរាគ្មានទីពឹងចំនួន២០គ្រួសារក្នុងសង្កាត់កាចាញក្រុងបានលុង។តាមការលើកឡើងពីលោកទន់ ពៅ ចៅសង្កាត់កាចាញ បានឲ្យដឹងថា ស្ត្រីមេម៉ាយទីទាល់ក្រនឹងជនចាស់ជរាទាំង២០គ្រួសារដែលមកទទួលអំណោយមនុស្សធម៍នាពេលនេះគឺជាជនក្រីក្រពិតប្រាកដដែលសង្កាត់ជ្រើសរើសមកពីភូមិចំនួន៤។ ជំនួសមុខឲ្យប្រជាពលរដ្ឋទាំង២០គ្រួសារលោកបានថ្លែងអំណរគុណយ៉ាងជ្រាលជ្រៅចំពោះសម្តេចគតិព្រឹត្វបណ្ឌិត ប៊ុនរ៉ានីហ៊ុនសែន ប្រធានកាកបាទក្រហមកម្ពុជា ដែលជានិច្ចជាកាលសម្តេចតែងតែយកចិត្តទុកដាក់ចំពោះសុខទុក នឹងជីវភាពរស់នៅរបស់ប្រជាពលរដ្ឋនៅគ្រប់ច្រកល្ហក ទូទាំងប្រទេស ។
លោក លី វិន អនុប្រធានគណ:កម្មាធិការសាខាកាកបាទក្រហមខេត្តមានប្រសាសន៍លើកឡើង ពីសកម្មភាពមនុស្សធម៍របស់កាកបាទក្រហមកម្ពុជាក្នុងការជួយដល់ប្រពលរដ្ឋ ដែលជួបប្រទះនូវគ្រោះមហន្តរាយផ្សេងៗដោយមិនប្រកាន់ពូជសាសន៍ ឬនិន្នាការនយោបាយអ្វីឡើយ ពោលគឺទីណាមានទុកលំបាកទីនោះមានវត្តមានកាកបាទក្រហមចុះជួយជានិច្ច ។ លោកបន្តថាថ្វីត្បិតតែអំណោយដែលសាខាផ្តល់ជូននាពេលនេះមានតិចតួចក៍ពិតមែនតែនេះបញ្ជក់ឲ្យឃើញពីសល្ប:នៃការចែករំលែករបស់ប្រជាពលរដ្ឋយើង ពីព្រោះថាអំណោយទាំងនេះគឺបានមកពីការបរិច្ឆាករបស់សប្បុរសជននានាតាមរយ:សាខាកាកបាទក្រហមខេត្តហើយសាខាធ្វើការចែកជូនបន្តដល់ប្រជាពលរដ្ឋយើងដែលជូបប្រទះគ្រោះមហន្តរាយ ប្រជាពលដ្ឋទីទាល់ក្រនឹងជនចាស់ជរាគ្មានទីពឹងជាដើម ។
អំណោយដែលសាខាផ្តល់ជូននាពេលនេះ ក្នុងមួយគ្រួសារទទួលបានអង្ករ៣០ គីឡូក្រាម មី១កេះតូច ត្រី ខ១យួរ ឃីត១ នឹងថវិការ៤០.០០០រៀល ៕ ដោយ:វន័ ឦសាន
