ខេត្តកំពង់ឆ្នាំង៖ ជនល្មើសម្នាក់ត្រូវបានសមត្ថកិច្ចនគរបាលព្រហ្មទ័ណ្ឌ ក្រុងកំពង់ឆ្នាំងសហការណ៍ជា មួយនគរបាលស្រុកកំពង់ត្រឡាចចាប់ខ្លួនបាន បន្ទាប់ពីបានលួចម៉ូតូ គេមួយគ្រឿង ដែលបានប្រព្រឹត្តឡើងនៅវេលាម៉ោង ១១និង២០នាទី ព្រឹកថ្ងៃ០៤ ខែវិច្ឆិកា ឆ្នាំ ២០១៥
នៅភូមិដំណាក់ពពូល សង្កាត់កំពង់ឆ្នាំង ក្រុងកំពង់ឆ្នាំង ហើយបានកសាងសំណុំរឿងបញ្ជូនទៅស្នងការដ្ឋាននគរបាលខេត្ត នៅព្រឹកថ្ងៃទី ០៥ ខែវិច្ឆិកា ឆ្នាំ២០១៥។ លោក ម៉ា យន្ត នាយផ្នែកនគរបាលព្រហ្មទ័ណ្ឌ ក្រុងកំពង់ឆ្នាំងបាននិយាយអោយដឹងថាៈ ជនល្មើសរូបនោះមានឈ្មោះ សុខ សយ ហៅឡឹង អាយុ២៥ឆ្នាំ រស់នៅភូមិថ្នល់ ឃុំដា ស្រុកកំពង់លែង រូបគេជាមុខសញ្ញាចាស់ ទើបតែចេញពីពន្ឋនាគារខេត្តបានជាង១ខែ ពីបទលួចម៉ូតូដូចគ្នានេះដែរ ។ មុនពេលកើតហេតុ ម្ចាស់ម៉ូតូឈ្មោះ ឈិត វណ្ណៈ អាយុ៣១ឆ្នាំ មានទីលំនៅភូមិដំណាក់ពពូល សង្កាត់កំពង់ឆ្នាំង ក្រុងកំពង់ឆ្នាំង បានទុកម៉ូតូម៉ាកគ្លីក ពណ៌ខៀវ ស ពាក់ស្លាកលេខ ភ្នំពេញ 1X. 7673 នៅចំណុចមុខយានដ្ឋាន ជួសជុល រថយន្ត ក្បែផ្ទះ របស់ខ្លួន។ ខណៈនោះ ជនល្មើសខាងបានលួចយកម៉ូតូ ជនរងគ្រោះរួចជិៈតាមផ្លូវជាតិលេខ៥សំដៅយកទៅលក់ទៅភ្នំពេញ ។ប៉ុន្តែពេលម្ចាស់បានដឹងក្រោយពេលបាត់ភ្លាមៗ ក៏បានប្តឹងសមត្ថកិច្ចនគរបាលមូលដ្ឋាន ហើយសមត្ថកិច្ចក៏បានសហការជាមួយសមត្ថកិច្ចនគរបាលស្រុកកំពង់ត្រឡាច ស្ទាក់ចាប់ខ្លួនបាននៅចំណុចផ្សារសាលាលេខ៥ ស្ថិតក្នុងស្រុកកំពង់ត្រឡាចតែម្តងយកមកខេត្ត ។ ជនល្មើសខាងលើនេះត្រូវបានសមត្ថកិច្ចក្រុងកំពង់ឆ្នាំង និងការិយាល័យនគរបាលព្រហ្មទ័ណ្ឌកំរិតស្រាលខេត្ត កសាងសំណុំរឿងបញ្ជូនខ្លួន និងវត្ថុតាងទៅកាន់សាលាងដំបូខេត្ត ដើម្បីធ្វើការចោទប្រកាន់និងផ្តន្ទាទោសតាមផ្លូវច្បាប់។ ដែលករណីនេជនល្មើសត្រូវជាប់ពន្ធនាគារជាលើកទី២ ពីបទលួចយកម៉ូតូរបស់គេ « លួចគេបានវាគ្រាន់ហើយ តែពេលគេទាន់ពិតជាប់គុក ៕
