ខេត្តសៀមរាប៖សមត្ថកិច្ចចម្រុះរួមមាន កម្លាំងកងរាអាវុធហត្ថខេត្ត មន្ត្រីសាខាគយខេត្តសៀមរាបនិង បញ្ជាផ្ទាល់ដោយតំណាង នៃអយ្យការអម សាលាដំបូងខេត្តសៀមរាប បានចុះប្រតិបតិ្តការឆែកឆេរទីតាំងស្តុបទំនិញដុះស្លែគេចពន្ធមួយកន្លែង ខណៈពេលដែលម្ចាស់ទីតាំងបាននាំចូលពីប្រទេសថៃ តាមច្រកទ្ធារអន្តរជាតិប៉ោយប៉ែត ចំណែកទីតាំងឃ្លាំងដែលជាបន្ទប់ទាំងបីខាងលើនោះត្រូវបានបិទជាបណ្តោះអាសន្ននៅថ្ងៃទី០៥ខែវិច្ឆិការតាមបញ្ជារបស់ព្រះរាជអាជ្ញាអមសាលាដំបូងខេត្តសៀមរាប។
ប្រតិបត្តិការបង្ក្រាប ទីតាំងឃ្លាំងស្តុបទំនិញគេចពន្ធមួយកន្លែងនេះ ធ្វើឱ្យមានការភ្ញាក់ផ្អើលក្នុងក្រុងសៀមរាប ទាំងយប់ ហេតុការនេះធ្វើឡើងកាលពីយប់នាថ្ងៃទី០៤ខែវិច្ឆិការឆ្នាំ២០១៥ រហូតដល់ រសៀលថ្ងៃទី៥ខែ វិច្ឆិការឆ្នាំ២០១៥ ស្ថិតនៅទល់មុខអតីតសាលាខេត្តចាស់(ខាងក្រោយមន្ទីរពេទ្យកុមារអង្គរ) ក្នុងភូមិមណ្ឌល២ សង្កាត់សា្វយដង្គំ ក្រុងនិងសៀមរាប ។
តាមប្រភពពីមន្ត្រីគយ បានប្រាប់នៅរសៀលថ្ងៃទី០៥ខែវិច្ឆិការនេះថា មុនឈានដល់ធ្វើការត្រួតពិនិត្យ(ឆែកឆេរ)ទីតាំងមួយកន្លែង ទល់មុខអតីតសាលាខេត្តសៀមរាបចាស់ ដោយមានការសហការ ពីកម្លាំងកងរាជអាវុធហត្ថខេត្ត និងសុំយោបល់ពីតំណាងអយ្យការខេត្ត។លោកបន្តថា ក្រោយពីត្រួតពិនិត្យ(ឆែកឆេរ)រួចមករកឃើញទំនិញគេចពន្ធមានទំនិញចម្រុះចំនួន២០មុខស្មើនឹង២៩៨០មុខ ដែលមានម្ចាស់ទីតាំងមានឈ្មោះ មួ ជូរ ភេទប្រុសអាយុ៥៦ឆ្នាំ មានស្រុកកំណើត នៅទីរួមខេត្តកំពង់ចាម បច្ចុប្បន្នសា្នក់នៅភូមិមណ្ឌល២ សង្កាត់ស្វាយដង្គំ ក្រុងសៀមរាប ត្រូវបានសមត្ថកិច្ចកងរាជអាវុធហត្ថខេត្តឃាត់ខ្លួនបណ្តោះអាសន្ននៅនឹងកន្លែងតាមបញ្ជារ។
ប្រភពពីមន្ត្រីកងរាជអាវុធហត្ថខេត្តបានប្រាប់នៅថ្ងៃទី០៥ខែវិច្ឆិការថា ក្រោយពីបានធ្វើការឆែកឆេរទីតាំងខាងលើ ត្រូវបានថ្នាក់លើឱ្យកម្លាំងដេកយាមការពារទីតាំងនិងម្ចាស់ទីតាំងជាមួយនិងមន្ត្រីគយ អស់មួយយប់រង់ចាំបញ្ជាពីថ្នាក់លើចាត់ការបន្ត។
រីឯទំនិញគេចពន្ធទាំង២៨៩០មុខ ត្រូវបានខាងមន្ត្រីសាខាគយនិងរដ្ឋាករខេត្តសៀមរាប យកទៅរក្សាទុកនៅកន្លែង ចំណែកម្ចាស់ត្រូវធ្វើការពិន័យទៅតាមច្បាប់គយ ។
ពលរដ្ឋទូទៅដែលឃើញហេតុការបង្ក្រាបនេះ បានរិះគន់ផងដែរ លើសមត្ថកិច្ចជំនាញ ថាឃ្លាំងស្តុបទំទិញនេះ ដំណើរការរាប់ខែមកហើយ គឺមិនដែលឃើញមានសមត្ថកិច្ច ចេញមុខបង្ក្រាបម្តងណាសោះ ចុះហេតុអី ?ទើបតែពេលនេះចេញមុខបង្ក្រា ក្រោមក្លៀកអាវុធហត្ថខេត្ត៕ វេហាស៍