កណ្តាល ៖ ព្រឹត្តិការណ៍គ្រោះថ្នាក់ចរាចរណ៍ដ៏រន្ធតមួយដែលបង្កឡើងដោយសាររថយន្ដដឹកស្រាបៀរ អាន់ឆ័រមួយគ្រឿង បានបើកបរលេឿនហួសល្បេឿនកំណត់ជ្រុល បុករះម៉ូតូ និងរ៉ឺម៉កម៉ូតូ ដែលកំពុងចតស្ងៀម និងលក់ដូរនៅមុខផ្សារគគីរ បណ្ដាលឱ្យរងការខូចខាត ម៉ូតូចំនួន ៧គ្រឿង ម៉ូតូកង់បី ចំនួន២គ្រឿង បណ្តាលឲ្យមនុស្សប្រុស ស្រីរងរបួសធ្ងន់ស្រាល ៥នាក់ កាលពីវេលាម៉ោង ៩និង១០នាទីព្រឹក ថ្ងៃទី៦ ខែឧសភា ឆ្នាំ២០១៤នេះ ស្ថិតនៅតាមកំណាត់ផ្លូវជាតិលេខ១ ឃុំគគីរ
ស្រុកកៀនស្វាយ ខេត្តកណ្តាល។ យោងតាមប្រភពព័ត៍មានពីសាក្សីនៅជុំវិញហេតុ ការណ៍ចរាចរខាងលើនេះបានឱ្យដឹងថា មុនពេលកើតហេតុ រថយន្ដដឹកស្រាបៀរអាន់ឆ័រ១គ្រឿង ម៉ាក ហ៊ីយ៉ាន់ដាយ ពាក់ស្លាកលេខ បន្ទាយមានជ័យ 3A-0722 បានធ្វើដំណើរ តាមបណ្ដោយផ្លូវលេខ១ ក្នុងទិសដៅមកពីអ្នកលឿង លុះដល់មុខផ្សារគគីរ មិនដឹងជាហេតុអី ស្រាប់តែរថយន្តរ៉េ ចង្កូតមកខាងឆ្វេងដៃ ហើយរថយន្តបានជ្រុលបុករះម៉ូតូ៧គ្រឿង រួចហើយជ្រុល ទៅបុកម៉ូតូកង់បី ២គ្រឿង
បណ្តាលឲ្យមនុស្សរងរបួសធ្ងន់ស្រាល ៥នាក់ និងជ្រុលទៅបុកធុងទឹកកកថែមទៀត ។ ប្រភពដដែរបន្តថាបន្ទាប់ពីមានករណីនេះសមត្ថកិច្ចមូលដ្ឋានបានចុះអន្តរាគមន៍នឹងបានឃាត់ខ្លួនបុរសម្នាក់ជាអ្នកបើកបររថយន្តបង្កហេតុ។ ហើយបុរសនោះ ឈ្មោះ វ៉ា សេងហួត ភេទប្រុស អាយុ ៣៤ឆ្នាំ មានស្រុកកំណើត នៅភូមិពោធិស្រុក ឃុំកោងកាង ស្រុកពញាក្រែក ខេត្តកំពង់ចាម ។ ក្រោយឃាត់ខ្លួននៅចំពោះមុខសមត្ថកិច្ចនឹងប្រជាពលរដ្ឋ រួមអ្នកចោមរោមមើលហេតុ ការណ៍គ្រោះថ្នាក់
ឈ្មោះ វ៉ា សេង ហួត អ្នកបើកបររថយន្តបង្កបាននិយាយទាំងទឹកមុខតក់ស្លុតថា មូលហេតុនាំអោយរថយន្ត បុករះ ហើយបង្កអោយ មនុស្សរងគ្រោះដល់ទៅ ៥នាក់នេះ បណ្តាលមកពី ខ្លួនគេដេកលក់មួយភាំង ទើបជាហេតុ េរចង្កូតទៅបុក រះតែម្តង ។ គួរបញ្ជាក់ថាក្រោយកើតហេតុ រថយន្តបង្កនឹងម៉ូតូ រួមជាមួយរ៉ឺកម៉កកង់បី នឹងអ្នកបើកបរត្រូវឃាត់ខ្លួន មកកាន់អធិការដ្ឋាននគរបាលស្រុកកៀនស្វាយ ដើម្បីដោះស្រាយជាក្រោយ ៕ 
