អាជ្ញាធរខេត្តកំពតបានផ្លាស់ប្តូរពន្ធនាគារដោយជន្លៀសទណ្ឌិតចេញពីពន្ធនាគារចាស់ក្នុងក្រុងកំពតទៅពន្ធនាគារថ្មីដែលនៅក្រៅក្រុង ដែលមានទីធ្លាធំទូលាយ ធានាសន្តិសុខ និងសុវត្ថិភាព ដល់ទណ្ឌិតនៅព្រឹកថ្ងៃទី ១០ ខែ វិច្ចិការ ឆ្នាំ២១០៥។
ពន្ធនាគាថ្មីស្ថិតក្នុងភូមិព្រែកអំពិលឃុំកោះតូច ស្រុកទឹកឈូ ចំងាយប្រមាណជិត ២០គីឡូម៉ែត្រ ពីទីតាំងចាស់ហើយមានទំហំដី៤ហិចតា ។
លោកឧត្តមសេនីយ៍ត្រី អែម បូ ប្រធានកងអនុរក្សពន្ធនាគារខេត្តកំពតបានឱ្យដឹងនៅថ្ងៃទី ១០ វិច្ចិការ ថា អ្នកទោសបានបញ្ជូនចេញពីពន្ធនាគារចាស់ដែលមានទីតាំងនៅក្រុងកំពតទៅកាន់ពន្ធនាគារថ្មីមានចំនួន ៣៧៤ ក្នុងទណ្ឌិតស្រីចំនួន ១៤ នាក់ ។
លោកឧត្តមសេនីយត្រី ម៉ៅ ចន្ទ័មៈធុរិទ្ឋស្នងការនរគបាលខេត្តកំពតបានឲដឹងទៀតថាៈ ការជម្លៀសទណ្ឌិតចេញពន្ធនាគាចាស់ទៅកាន់ពន្ធនាគារថ្មីត្រូវកំលាំងសរុបចំនួន ១៤៥ នាក់ កំលាំងនរគបាលខេត្តចំនួន ៤០ នាក់ដឹកនាំដោយរូបលោកផ្ទាល់ កំលាំងកងរាជអាវុធហត្ថខេត្តដឹកនាំលោកវរៈសេនីយ៏សៀក អាង ចំនួន ៣៥ នាក់ និងកំលាំងកងអនុរក្សពន្ធនាគារខេត្តចំនួន ៧០ នាក់ ។
ការជន្លៀសអ្នកទោសចេញពីពន្ធនាគារចាស់នេះ ស្របពេលដែលមន្ត្រីសង្គមស៊ីវិលបានរិះគន់ថា ស្ថានភាពក្នុងពន្ធនាគារខេត្តកំពតតូចចង្អៀត ខ្វះខ្យល់អាកាស ចេញ ចូល និងស្របពេលដែលចំនួនអ្នកជាប់ពិរុទ្ធបានកើនឡើង។
រីឯមន្ត្រីកងអនុរក្សពន្ធនាគារខេត្តជាច្រើនបាននិយាយត្អូញត្អែថា ការផ្លាស់ប្តូរទីតាំងពន្ធនាគារថ្មីវាពិតជាពិបាកព្រោះផ្លូវឆ្ងាយរហូតទៅដល់ចំងាយផ្លូវ១៨គីឡូម៉ែត្រចេញពីក្រុងកំពត ។ ជាមួយនឹងការ ពិបាកផ្លូវឆ្ងាយហើយ ថែមទាំងវាមានការពិបាកសម្រាប់ការដឹកជញ្ជូនអ្នកទោសត្រឡប់ចុះត្រឡប់ឡើងដើម្បីទៅចូលរួមក្នុងសវនាការនៅសាលាដំបូងខេត្តទៀតផង។
យោងតាមតំណាងក្រុមហ៊ុនឯកជនដែលទទួលបានសិទ្ធិវិនិយោគលើទីតាំងពន្ធនាគារចាស់បានអោយដឹងថា ទីតាំងពន្ធនាគារចាស់នេះនឹងត្រូវកែប្រែទៅជាមជ្ឈមណ្ឌលចំនួន៣ផ្សេងៗគ្នា។
ទី១-គឺអភិរក្សទុកនៅអគារទទឹងថ្ងៃចំនួនពីរ ដែលកសាងពីជំនាន់បារាំង ដើម្បីទាក់ទាញភ្ញៀវទេសចរបរទេសមកកំសាន្ដ , ទី២-កែប្រែទៅធ្វើជាមជ្ឈមណ្ឌលកីឡាមានដូចជាកន្លែងហាត់ប្រាណ ទីធ្លាទាត់បាល់ កន្លែងហែលទឹក ម៉ាស្សា សូណាស្ទីម ជាដើម និងទី៣-សាងសង់ជាសាលាមត្តេយ្យដើម្បីឲ្យកុមារា កុមារី នៅក្នុងខេត្តកំពតបានចូលរៀន ៕
