ភ្នំពេញ៖ បុរសមិនស្គាល់អត្តសញ្ញាណម្នាក់ស្រវឹងបើករថយន្តឡើងគងលើរបាំងថ្មពុះទ្រូងផ្លូវមួយកន្លែងដែលស្ថិតតាមបណ្តោយផ្លូវព្រះសីហនុ ទល់មុខផ្សារទំនើបឡាក់គី ក្នុងសង្កាត់បឹងកេងកងទី១ ខណ្ឌចំការមន កាលពីវេលាម៉ោង ២៣និង០០នាទីយប់ថ្ងៃទី៦ ឧសភា ឆ្នាំ២០១៤។
យោងតាមសាក្សីដែលបានឃើញហេតុការណ៍បានឲ្យដឹងថា នៅមុនពេលកើតហេតុគេសង្គេតឃើញបុរសមិនស្គាល់អត្តសញ្ញាណច្បាស់លាស់ ម្នាក់ជិះរថយន្តមួយគ្រឿងម៉ាក ECLIPSE ពណ៌ខ្មៅ ពាក់ស្លាកលេខភ្នំពេញ 2E-1751 បើកបរធ្វដំណើរតាមបណ្តោយផ្លូវព្រះសីហនុ ទិសដៅពីលិចទៅ កើត ក្នុងល្បឿនយ៉ាងលឿន លុះមកដល់ចំណុចកើតហេតុស្រាប់តែ
រថយន្តខាងលើជ្រុលល្បឿនរេចង្កូតបុកឡើងលើរបាំងថ្មពុះទ្រូងផ្លូវបណ្តាលឲ្យកង់ រថយន្ត គៀបជាប់នឹងរបាំងថ្មបន្តដំណើរទៅមុខលែងរួចទៀត ហើយចំណែកបុរសជាម្ចាស់រថយន្តវិញក្រោយកើតហេតុបានបើកទ្វារ រត់ចេញបាត់ស្រមោល សូន្យឈឹង
តែម្តង បន្សល់ទុកតែរថយន្តចោលនៅនឹងកន្លែងកើតហេតុ។ ក្រោយកើតហេតុសមត្ថកិច្ចមូលដ្ឋានបានសហការជាមួយជំនាញចុះធ្វើការអន្តរាគមន៍វាស់វែង ដកហូតយករថយន្តខាងលើទៅរក្សាទុកនៅ ការិយាល័យចរាចរណ៍ជើងគោករាជធានីភ្នំពេញរងចាំដោះស្រាយតាមផ្លូវច្បាប់៕
