កំពង់ធំៈ ប្រជាការពារគឺជាសរសៃឈាមរបស់ភូមិឃុំ និងជាចង្វាក់បេះដូងសំខាន់របស់ប្រជាពលរដ្ឋ ក្នុងការទទួលបាននូវសុខសុវត្តិភាព និងធានាបាននូវទ្រព្យសម្បត្តិគង់វង្ស និងជាកំលាំងសំខាន់សេនាធិការឲ្យសមត្ថកិច្ចនិងអាជ្ញាធរដែន ដី ក្រោមការយកចិត្តទុកដាក់របស់ ប្រមុខរាជរដ្ឋាភិបាល បានបង្កើតឲ្យមានប្រជាការពារតាមភូមិ ឃុំ ដើម្បីជាជំនួយការពិសេស មានតួនាទីការពារសុវត្តិភាពភូមិរបស់ខ្លួន ដែលត្រូវបានទទួលស្គាល់យ៉ាងទូលំទូលាយ ពីសំណាក់ប្រជាពលរដ្ឋ ក្នុងកិច្ចការពារនិងជួយរៀបចំសណ្តាប់ធ្នាប់ ទប់ស្កាត់រាល់បទល្មើសតាមគោលនយោបាយភូមិឃុំមានសុវត្តិភាព។
ជាក់ស្តែងលោក សោម ស៊ុន ប្រធានក្រុមការងារ ចុះជួយឃុំបន្ទាយស្ទោង ព្រមទាំងគណៈប្រតិភូ បានយកចិត្តទុកដាក់ ចំពោះប្រជាការពារ ដែលបានអនុវត្តតាមតួនាទី ការពារសុខសុវត្តិភាពជូនប្រជាពលរដ្ឋនៅក្នុងឃុំបន្ទាយស្ទោងនេះ ទើបាននាំយកមកនូវ ខោ អាវចំនួន២០កំប្លេរ បំពាក់ជូនប្រជាការពារចំនួន២០រូប មាន៣ភូមិ ក្នុងឃុំបន្ទាយស្ទោង ស្រុកស្ទោង ខេត្តកំពង់ធំ នៅព្រឹកថ្ងៃទី ១១ ខែ វិច្ឆិកា ឆ្នាំ ២០១៥ ក្នុងនោះមានភូមិស្លាកក១០នាក់ ភូមិ ឈើទាល ៥នាក់ និងភូមិ ពោធិ ៥នាក់ ក្នុងនោះមានប្រជាការពារចំនួន១២០នាក់ក្នុងឃុំបន្ទាយស្ទោងលោកសន្យាថា និងជួយជាបន្តបន្ទាប់តាមលទ្ធភាព ។
លោក សោម ស៊ុន បានបញ្ជាក់ពីតួនាទីរបស់ប្រជាការពារសម្រាប់ការអនុវត្ត ទី១ ចូលរួមជាមួយនគរបាល ឬអាវុធហត្ថ និងអាជ្ញាធរដែនដី ក្នុងការយាមល្បាតការពារសន្តិសុខ រៀបចំសណ្តាប់ធ្នាប់ក្នុងភូមិឃុំ តួនាទីភារៈកិច្ចទី២ ប្រជា ការពារគឺជួយរំលឹកដាស់ទឿនប្រជាពលរដ្ឋ ក្នុងមូលដ្ឋានឲ្យចេះប្រុងប្រយ័ត្ន ការពារទ្រព្យសម្បត្តិអប់រំយុទ្ធជន យុទ្ធនារីឲ្យប្រព្រឹត្តអំពើល្អ រាយការអំពីមុខសញ្ញាបាតុភាពសង្ស័យ មកនគរបាលដើម្បីចាត់វិធានការ ការពារសុវត្តិភាពភូមិជុំ តួនាទីភារៈកិច្ចទី៣ ឃាត់ចាប់ជនល្មើសដែលប្រព្រឹត្តបទល្មើសជាក់ស្តែងនានា ប្រគល់ឲ្យសមត្ថកិច្ចដើម្បីចាត់ការតាម ផ្លូវច្បាប់។
លោក សោម ស៊ុន ប្រធានក្រុមការងារ បានកោតសរសើរយ៉ាងខ្លាំងចំពោះ ភាពស្ម័គ្រចិត្តនិងហ៊ានចំណាយពេលដ៏ មានតំលៃរបស់បងប្អូន ចូលរួមការពារសន្តិសុខ និងការពារសុវត្តិភាពជូនប្រជាពលរដ្ឋ ទោះជាពុំមានប្រាក់ខែ ប្រាក់ថ្ងៃ ក៏ដោយតែដោយការស្រឡាញ់សន្តិភាព ស្រឡាញ់សន្តិសុខ ទើបឈានជើងចូលក្នុងអង្គភាពប្រជាការពារដើម្បីបំរើប្រជាពលរដ្ឋ ដើម្បីការពារនិងអនុវត្តគោរពនូវគោលនយោបាយភូមិឃុំមានសុវត្តិភាពទាំង៩ចំនុច ដើម្បីទប់ស្កាត់ ក្នុងនោះមាន ទី១ គ្មានសកម្មភាពលួច ឆក់ ប្លន់គ្រប់ប្រភេទ ទី២ គ្មានការដាំដុះ ការផលិត ការចរាចរ ការជួញដូរ និងចែក ចាយប្រើប្រាស់គ្រឿងញៀនខុសច្បាប់ទី៣ គ្មានអំពើអាណាចារ្យ ការជួញដូរស្ត្រី និងកុមារ និងអំពើហឹង្សាក្នុងគ្រួសារ ទី៤ គ្មានក្មេងទំនើង ទី៥ គ្មានល្បែងស៊ីសងគ្រប់ប្រភេទ គ្មានការប្រើប្រាស់អាវុធខុសច្បាប់ និងបទល្មើសគ្រប់ប្រភេទ ទី៦ គ្មានគ្រោះថ្នាក់ចរាចរណ៍ ទី៧ គ្មានគ្រោះថ្នាក់ដោយសារយុទ្ធភ័ណ្ទមិនទាន់ផ្ទុះ ទី៨ មានវិធានការទប់ស្កាត់គ្រប់គ្រង់ និងឆ្លើយតបចំពោះគ្រោះមហន្តរាយទី ៩ គ្មានការត្រួត ពិនិត្យខុសច្បាប់ ។ ដោយ ប៊ុន រដ្ឋា
