សៀមរាប : ជនសង្ស័យភេទប្រុសទាំងបីនាក់ដែលមានមុខរបរខាងលើនៅក្នុងខេត្តសៀមរាប ត្រូវបាន កម្លាំងកងរាជអាវុធហត្ថខេត្តសៀមរាបធ្វើការចាប់ឃាត់ខ្លួនរួចយកមកកាន់មន្ទីរជំនាញដើម្បីធ្វើការសួរនាំជាប់ពាក់ព័ន្ធក្នុងករណីរក្សាទុកដឹកជញ្ជូនឫជួញដូរដោយខុសច្បាប់នូវសារធាតុញៀន កាលពីថ្ងៃទី០៥ខែឩសភា ឆ្នាំ២០១៤ កន្លងទៅនេះ
។ ក្នុងកិច្ចចុះប្រតិបត្តិការណ៍ធ្វើការបង្ក្រាបនេះដែល លោកវរសេនីយ៌ឯក ស្រី យូរ៉ា មេបញ្ជាការរងនៃទីបញ្ជាការដ្ឋានកងរាជអាវុធហត្ថខេត្តសៀមរាបនិងជាប្រធានមន្ទីរស្រាវជ្រាវនិងយុត្តិធម៌បានឲ្យដឹងថាដោយអនុវត្តតាមការយកចិត្តទុកដាក់ខ្ពស់ជាប្រចាំពីសំណាក់ ឯ.ឩ ឃឹម ប៊ុនសុង អភិបាលខេត្តសៀមរាបនិងជាប្រធានគណះបញ្ជាការឯកភាពខេត្ត និង
ឯ.ឩ ឧត្តមសេនីយ៌ត្រី ម៉ន សាម៉ុន មេបញ្ជាការកងរាជអាវុធហត្ថខេត្តសៀមរាបក្នុងកិច្ចចុះប្រតិបត្តិការណ៍បង្ក្រាបមុខសញ្ញាក្នុងករណីរក្សាទុកដឹកជញ្ជូនឫជួញដូរដោយខុសច្បាប់នូវសារធាតុញៀន នេះបន្ទាប់ពីសមត្ថកិច្ចជំនាញបានធ្វើការសួរនាំជាប់ពាក់ព័ន្ធក្នុងករណីខាងលើរួចមកជនសង្ស័យទាំងបីនាក់នេះបានឆ្លើយសារភាពថាពួកគេពិតជាបានប្រព្រឹត្តនូវករណីទាំងអស់ខាងលើពិតប្រាកដមែន ។
លោកវរសេនីយ៌ឯក ស្រី យូរ៉ា បានបញ្ជាក់ថាក្នុងកិច្ច ចុះប្រតិបត្តិការណ៍នេះ សមត្ថកិច្ចយើងបានធ្វើការដកហូតវត្ថុតាងពីជនសង្ស័យបានទូរស័ព្ទដៃចំនួន បី គ្រឿង ម៉ូតូ ១ គ្រឿង ម៉ាទឹកកក០៨កញ្ចប់ ស្មើនិង ៣,៨១ក្រាម ។ បច្ចុប្បន្នជនសង្ស័យនិងវត្ថុតាងត្រូវបានកម្លាំងកងរាជអាវុធហត្ថខេត្តសៀមរាប កសាងសុំណុំរឿងនិងបញ្ជូនទៅកាន់សាលាដំបូងខេត្តសៀមរាបហើយកាលពីថ្ងៃទី០៦ ឩសភា នេះ ដើម្បីចំណាត់ការទៅតាមនីតិវិធីបន្ត ៕ ដោយ លោក ខេង ខេមរា
