ខេត្តកំពង់ឆ្នាំង៖ ប្រជាពលរដ្ឋជាង១០គ្រួសាររស់នៅខាងជើងផ្សារលើ ក្នុងភូមិត្រពាំងបី សង្កា ត់ផ្សារឆ្នាំង ក្រុងកំពង់ឆ្នាំង នៅព្រឹកថ្ងៃទី១៥ ខែវិច្ឆិកា ឆ្នាំ២០១៥នេះ បាននិយាយអោយអ្នកសាព័ត៌មានយើងដឹងថា៖ ជាង១ឆ្នាំរហូតដល់ពេលនេះពួកគាត់ពិបាករស់នៅខ្លាំងណា ស់
ដោយ សារផ្ទះបោចមាន់លក់មួយកន្លែងជាប់ផ្ទះពួកគាត់បានបង្កផលប៉ះពាល់យ៉ាងខ្លាំង។
គឺរៀងរាល់ថ្ងៃចាប់ពីម៉ោង២ឬ៣ទាបភ្លឺទៅ គេបានបញ្ឆេះម៉ាស៊ីនបោចមាន់រាប់រយក្បាល
ដែលមានសំឡេងឮខ្លាំង រំខានអ្នកជិខាងគ្មានអ្នកណាដេកពួនបានឡើយ។ នៅក្នុងកន្លែងបោ
ចមាន់ក្រោយផ្ទះគេគ្មានអនាម័យឡើយធំក្លិនស្អុយយ៉ាងខ្លាំងមកលើអ្នករស់នៅជុំវិញ ក្នុងនោះ
ដែរជារៀងរាល់ថ្ងៃ គេបានបង្ហូរទឹកលាងមាន់ដ៏ស្អុយចេញមកក្រៅ ហូរចូលក្រោមផ្ទះអ្នករស់នៅជិតខាង ធ្វើអោយពិបាកដកដង្ហើម និងពិបាករស់នៅខ្លាំងណាស់។
លោកតា អឹម ម៉ាង អាយុ៨១ឆ្នាំ បានចង្អុលបង្ហាញស្នាមទឹកស្អុយលាងមាន់ដែលគេបាន
បង្ហូរមកលើដីផ្ទះរបស់គាត់ធំក្លិនស្អុយជារៀងរាល់ថ្ងៃ និងបាននិយាយអោយដឹងថា៖កន្លងមក
ពួកគាត់បាននាំអ្នកភូមិដែលរងផលប៉ះពាល់ជាង១០គ្រួសារ ទៅរាយការណ៍អោយមេភូមិត្រពាំ ងបី និងចៅសង្កាត់ផ្សារឆ្នាំង សុំជួយដោះស្រាយនិងទប់ស្កាត់ ប៉ុន្តែមកដល់ពេលនេះមិនទាន់ដោះស្រាយបាននៅឡើយ គឺគេទុកអោយប្រជាពលរដ្ឋនៅហិតក្លិនសំស្អុយនេះដដែល។
ទាក់ទងនិងបញ្ហានេះ លោក គង់ កូយ មេភូមិត្រពាំងបី នៅល្ដាចថ្ងៃទី១៥ ខែវិច្ឆិកានេះបាននិយាយអោយដឹងថា៖ នៅក្នុងដើមខែកញ្ញាមុននេះ អាជ្ញាធរសង្កាត់និងរូបលោកបានចុះទៅពិនិត្យមើលផ្ទះបោចមាន់ របស់លោក នួន រត្ន័សុផាន់ណា ហៅភី ម្តងរួចមកហើយ និងបានណែនាំអប់រំអោយគេរៀបចំធ្វើអនាម័យក្នុងមុខរបរបោចមាន់នេះ កុំអោយប៉ះពាល់អ្នករស់នៅជិតខាង ដោយសុំអោយលោក នួន រត្ន័សុផាន់ណា ទៅធ្វើកិច្ចសន្យានៅសាលាសង្កាត់ ហើយលោក នួន រត្ន័សុផាន់ណា ក៏បានថានឹងអនុវត្តតាមការណែនាំរបស់អាជ្ញាធរសង្កាត់។ ប៉ុន្តែពេ លដល់ថ្ងៃកំណត់ធ្វើកិច្ចសន្យាជាមួយចៅសង្កាត់ បែរជាលោក នួន រត្ន័សុផាន់ណា មិនព្រមមកទៅវិញ គឺបានបិតទូរសព្ទ័គេចវេះមិនចូលរួមតាមការសន្យានោះឡើយ។
ប្រជាពលរដ្ឋជាង១០គ្រួសារសំណូមពរដល់លោកអភិបាលខេត្ត ពិសេសលោកប្រធាន
ការិយាល័យផលិតកម្ម និងបសុព្យាលបាលខេត្ត ដែលជាអ្នកគ្រប់គ្រងអាជីវកម្មខាងលើនេះ
មេត្តាចុះមកត្រួតពិនិត្យ និងដោះស្រាយផលប៉ះពាល់ខាងលើនេះ ជូនប្រជាពលរដ្ឋអោយគាត់រស់នៅក្នុងបរិស្ថានល្អ និងបានសុខសប្បាយរស់នៅបានយូរផង។ ប្រសិនបើម្ចាស់ផ្ទះបោចមាន់នេះ អនុវត្តមិនបានទេនោះ គឺសំណូមពរអោយគាត់រកទីតាំងថ្មីដែលនៅឆ្ងាយពីផ្ទះប្រជាពលរដ្ឋ ធ្វើអាជីវកម្មរបស់ខ្លួនទៅ ទើបមិនប៉ះពាល់ដល់អ្នកស្រុក៕
