ខេត្តឧត្តរមានជ័យ៖លោក ហង្ស បូរ ស្នងការរងទទួលព្រំដែន នៃស្នងការដ្ឋាននគរបាលខេត្តឧត្តរមានជ័យ តំណាង ដ៏ខ្ពង់ខ្ពស់ឧត្តមសេនីយ៍ត្រី ម៉ែន លី ស្នងការខេត្ត បានដឹកនាំក្រុមការងារ និងកម្លាំងនគរបាលវរះសេនា តូចនគរបាលការពារព្រំដែនគោកលេខ៩០៥ ចូលរួមគោរព
វិញ្ញាណខន្ត័ មន្ត្រីនគរបាលម្នាក់ដែលបាន សា្លប់ដោយគ្រោះថ្នាក់ចរាចរណ៍។
ក្រៅពីនេះក៏មានការនាំយកនូវអំណោយជាថវិការ៦០ម៉ឺនរៀល អង្គ១០០គីឡូក្រាម ទឹកត្រី២ យួរ ទឹកស៊ីអ៊ីវ២យួរ ទៅចែកជូនដល់ក្រុមគ្រួសារសព លោក ប៉ាត ពឿន នគរបាលការពារព្រំដែននៃវរះ សេនាតូចលេខ៩០៥ផងដែរ។
គួរបញ្ជាក់ថា កាលពីយប់ថ្ងៃទី១៤ ខែវិច្ឆិការ ឆ្នាំ២០១៥ វេលាម៉ោង១៨និង៣០នាទីយប់ មានគ្រោះថ្នាក់ចរាចរណ៍មួយបានកើតឡើងលើកំណាត់ផ្លូវជាតិ១៧១ ចំណុចខាងកើតភូមិទួលស្វាយ ឃុំត្រពាំងតាវ ស្រុកអន្លង់វែង ខេត្តឧត្តរមានជ័យ រវាងគោយន្តកន្ត្រៃ បានបុកជាមួយម៉ូតូមួយគ្រឿង ដែលបើកបរដោយមន្ត្រីនគរបាលឈ្មោះ ប៉ាត ពឿន បណ្តាលឲ្យម៉ូតូរួញហើយអ្នកបើកបរម៉ូតូបានស្លាប់ ភ្លាមៗនៅកន្លែងគ្រោះថ្នាក់ ភ្លាមនោះភាគីម្ចាស់គោយន្តកន្ត្រៃបានបន្ថែមល្បឿនបើកគេចខ្លួនបាត់។
បច្ចុប្បន្នសពត្រួវបានក្រុមគ្រួសារនាំយកមកធ្វើបុណ្យតាមប្រពៃណី ម៉ូតូត្រូវបាននគរបាលស្រុក នាំយកទៅរក្សាទុក។រីឯម្ចាស់គោយន្តបង្កសមត្ថកិច្ចកំពុងតាមស្រាវជ្រាវចាប់ខ្លួនយកមកផ្តន្ទាទោសតាម ច្បាប់៕
