ខេត្តកំពត៖សាច់ញាតិបានប្រទះឃើញបុរសជាប្តីរងរបួសធ្ងន់ ចំណែកស្ត្រីជាប្រពន្ធបាត់បង់ជីវិត បន្ទាប់ពីបើកទ្វារចូលមើលក្នុងបន្ទប់ដេកនាជាន់ទីបីព្រោះតែមិនឃើញចុះហាត់ប្រាណដូចសព្វដងភាពភ្ញាក់ផ្អើលនេះបានកើតឡើងកាលពីម៉ោងជាង៨ព្រឹកថ្ងៃទី១៤ ខែវិច្ឆិកា ឆ្នាំ
២០១៥ ស្ថិតនៅក្បែរ ផ្សារសាមគ្គី ក្នុងភូមិកំពង់បាយខាងជើង សង្កាត់កំពង់បាយ ក្រុងកំពត។កម្លាំងសមត្ថកិច បានឲ្យដឹងថា: ជនរងគ្រោះពីរនាក់ប្តីប្រពន្ធ: ប្តីឈ្មោះ អឿ គាន ហៅអាង អាយុ៥៦ឆ្នាំ ស្លាប់ ពេល ក្រុមគ្រួសារ ដឹកយកទៅព្យាបាលនៅប្រទេសវៀតណាម និងប្រពន្ធឈ្មោះអ៉ឹង សួក អាយុ៥៥ឆ្នាំ ស្លាប់នៅលើគ្រែដេកក្នុងផ្ទះ ២នាក់ប្តីប្រពន្ធប្រកបរប ជាថៅកែបារីសេក និងស្រាបៀរ ហិនណើកែន (ដេប៉ូចែកចាយក្នុងទូទាំងខេត្តកំពត) ។កម្លាំងសមត្ថកិច្ចនានា កំពុងដុតដៃដុតជើង ដោយឆ្លងកាត់ធ្វើកោសល្យវិច្ច័យយ៉ាងយកចិត្តទុកដាក់បំផុត ដើម្បីឈានទៅបំបែកសំណុំរឿង ក្នុងករណីកាប់សម្លាប់យ៉ាងសាហាវទៅលើពីរនាក់ប្តីប្រពន្ធ ដោយមិនទាន់ កំណត់មុខសញ្ញាបាននៅឡើយទេ។ប្រពភពីកន្លែងកើរហតុបានរៀបរាប់ថាដោយសារមិនឃើញពីរនាក់ប្តីប្រពន្ធចុះហាត់ប្រាណ ដូចសព្វដង សាច់ញាតិក៏បានឡើងទៅជាន់លើបំផុតនៃផ្ទះល្វែងនោះស្រាប់តែពេលកាន់មួលសោទ្វារ មិនឃើញមានការខ្ទាស់គន្លឹះ។ លុះមើលទៅលើគ្រែស្រាប់តែឃើញបុរសជាប្តីរងរបួស ដោយឈាម ជោកខ្លួន ។ចំណែកស្ត្រីជាប្រពន្ធបានស្លាប់ទៅហើយ។ ភ្លាមៗអ្នកឃើញហេតុការណ៍ក៏ស្រែកប្រាប់អ្នក នៅខាងក្រោម រួចបន្តផ្តល់ព័ត៌មានជូនសមត្ថកិច្ចដើម្បីចុះត្រួតពិនិត្យមើល។ ចំណែកបុរសជាប្តីត្រូវ សាច់ញាតិបញ្ជូនទៅកាន់ប្រទេសវៀតណាមដើម្បីបានការសង្គ្រោះបន្ទាន់ពាក់ព័ន្ធបញ្ហាខាងលើសមត្ថកិច្ចមិនទាន់អាចសន្និដ្ឋានថា ជាករណីអ្វីពិតប្រាដកនៅឡើយទេ ដែលមកដល់វេលាម៉ោង១០ព្រឹកថ្ងៃដដែលនេះ ទាំងផ្នែកស្រាវជ្រាវទាំងផ្នែកបច្ចេកទេសកំពុងតាម ដានធ្វើការងារយ៉ាងសស្រាក់សស្រាំបំ៕
