ខេត្តបន្ទាយមានជ័យ៖បុរសម្នាក់ត្រូវបាននគរបាលចាប់ខ្លួន កាលពីវេលាម៉ោង២រសៀលថ្ងៃទី១៦ ខែវិច្ឆិកា ឆ្នាំ២០១៥ នៅចំនុចភូមិត្បែង ឃុំអំពិល ស្រុកបន្ទាយអំពិល ខេត្តឧត្តរមានជ័យ ខណះកំពុងធ្វើដំណើរតាមផ្លូវ បាន មកដល់ប៉ារ៉ាស់ត្រួតពិនិត្យនិងផ្សព្វផ្សាយច្បាប់ចរាចរណ៍
របស់នគរបាលស្រុកបន្ទាយអំពិលនៅចំនុចខាងលើ សមត្ថកិច្ចធ្វើការឆែកឆេឃើញក៏ឃាត់ទាំងមនុស្សនិងកាំភ្លើងតែម្តង។
ជនសង្ស័យដែលនគរបាលចាប់ខ្លួនមានឈ្មោះ កែម ណាវ ភេទប្រុស អាយុ៣៤ឆ្នាំ រស់នៅភូមិ ត្រពាំងគ្រង ឃុំស្រុកកេះ ស្រុកដងទង់ ខេត្តកំពង ជាកម្មករនៅក្រុមហ៊ុនតៃនិញ ស្រុកត្រពាំងប្រាសាទ ធ្វើដំណើរទៅស៊ីឈ្នួលដកដំឡូងនៅខេត្តប៉ៃលិនវិញតែដោយឃើញកាំភ្លើងដូច្នេះសមត្ថកិច្ចបានឃាត់ ខ្លួនយកទៅសួរនាំសិន។
ប្រតិបតិ្តការនេះដឹកនាំដោយលោក សំ សាត អធិការរងស្រុកបន្ទាយអំពិល ក្នុងគោលបំណងចុះ ពង្រឹងនិងផ្សព្វផ្សាយច្បាប់រាចររណ៍ ទប់ស្កាត់រថយន្តពាក់ស្លាកលេខ( ខ ម) កញ្ចក់បិតស្កុតខ្មៅ រថយន្តដឹក ទំនិញគេចពន្ធ និងបទល្មើសផ្សេងៗ។
ជុំវិញករណីនេះ លោក ហម ភិរម្យ អធិការនគរបាលស្រុកបន្ទាយអំពិលបានឲ្យដឹងថា ពលរដ្ឋ ម្ចាស់កាំភ្លើងច្នៃបានសារភាពថា កាំភ្លើងឈើនេះគឺកាត់ធ្វើទុកបាញ់កណ្តុរ ក្រោយសួរនាំ ត្រូវបានសមត្ថកិច្ចធ្វើអប់រំណែនាំឲ្យយល់ពីផ្លូវច្បាប់ ហើយក៏បានដោះលែងឲ្យបន្តដំណើរវិញ៕
