សៀមរាប៖ មន្ត្រីនគបាលស្រុកបន្ទាយស្រីនិយាយថារថយន្តកាមរីឆ្លាម១គ្រឿងដឹកឈើក្រញូងបានឆាបឆេះយ៉ាងសន្ធោសន្ធៅនៅសល់តែគ្រោងឆ្អឹងក្នុងហេតុការណ៍បើកបុករឺម៉កដឹកស្រូវធ្វើដំណើរស្របទិសគ្នារ។ គ្រោះថ្នាក់ចរាចរណ៍នេះបានកើតឡើងនៅម៉ោង៩និង១០នាទីព្រឹកថ្ងៃទី៧ខែឧសភាឆ្នាំ២០១៤ស្ថិតនៅភូមិខ្នារឃុំខ្នារសណ្ដាយស្រុកបន្ទាយស្រីខេត្តសៀមរាបបណ្ដាលឲ្យអ្នកបើករឺម៉កម៉ូតូរងរបួស ធ្ងន់បាក់ជើងខាងស្ដាំចំណែកអ្នកបើករថយន្តបង្ករបើកធ្វារត់យកតែអាយុ។
នាយនគរបាលប៉ុស្តិ៍ខ្នារសណ្ដាយលោកអ៊ឹមអុនបានឲ្យដឹងថារថយន្តបង្ករម៉ាកកាមរីឆ្លាមព័ណសពាក់ស្លាកលេខភ្នំពេញ២អា២៦៣៣បានបើកមកពីទិសខាងជើងស្របនិងរឺម៉កបើកមកពីខាងជើង ដែរលុះមកចំណុចកើតហេតុរថយន្តក៍បានបុករឺម៉កពីក្រោយតែម្ដង។
សាក្សីបានឃើញហេតុការណ៍និយាយថាពួកគាត់បានឃើញរថយន្តនេះបុករឺម៉កពីក្រោយ ហើយរេទៅម្ខាងឆ្វេងបុកនិងដើមកាស្យាទៅមុខលែងរួចភ្លាមៗនោះពួកគាត់បានឃើញមនុស្ស៣នាក់ចេញពីរថយន្តបង្ករត់គេចខ្លួនបាត់ស្រម៉ោល។ មន្ត្រីប៉ូលិសបន្ថែមថាជនរងគ្រោះដែលជាអក្នបើករឺម៉កមានឈ្មោះកែវវណ្ណះប្រុសអាយុ៤៣ឆ្នាំ រស់នៅភូមិត្រពាំងសេះសង្កាត់គោកចកក្រុង.ខេត្តសៀមរាបក្រោយកើតហេតុត្រូវបានហៅរថយន្ត សង្គ្រោះដឹកយកទៅកាន់មន្ទីរពេទ្យភ្លាមៗផងដែរ។ចំណែករឺម៉កត្រូវបានយកទៅរក្សាទុកនៅប៉ុស្តិ៍រដ្ឋបាលខ្នារសណ្ដាយឯស្រូវក្រុមគ្រួសាររងគ្រោះបានមកយកទៅលំនៅឋាន។
