ខេត្តឧត្តរមានជ័យ៖ស្ត្រីវ័យ២៥ឆ្នាំម្នាក់ ត្រូវបាននគរបាលការិយាល័យព្រហ្មទ័ណ្ឌកម្រិតធ្ងន់ នៃស្នងការដ្ឋាននគរបាលខេត្តឧត្តរមានជ័យ ចាប់ខ្លួនពីបទឆបោក កាលពីវេលាម៉ោង៩និង៣០ព្រឹក ថ្ងៃទី១៦ ខែវិច្ឆិការ ឆ្នាំ២០១៥ នៅចំនុចភូមិពុល សង្កាត់/ក្រុងសំរោង ដើម្បីយកទៅ
សួរនាំ។ស្ត្រីដែលស្ត្រីដែលត្រូវនគរបាលចាប់ខ្លួនមានឈ្មោះ ធួន សុភាព ហៅអ៊ាប ភេទស្រី អាយុ២៥ឆ្នាំ រស់នៅក្នុងភូមិឃុំកើតហេតុខាងលើ។មានមុខរបរមិនពិតប្រាកដ។
នគរបាលព្រហ្មទណ្ឌ័កម្រិតធ្ងន់បានឲ្យដឹងថា ការចាប់ខ្លួនស្ត្រីខាងលើគឺសមត្ថកិច្ចយើងអនុវត្តន៍ តាមដីការបង្គាប់ឲ្យចាប់ខ្លួនរបស់សាលាដំបូងខេត្ត លេខ០២១ដប.ចខ ចុះថ្ងៃទី០២ ខែវិច្ឆិការ ឆ្នាំ២០១៥ ចេញដោយ លោក កូយ កាន់យ៉ា ព្រះរាជអាជ្ញាអមសាលាដំបូងខេត្តឧត្តរមានជ័យ។ ស្ត្រីឈ្មោះ ធួន សុភាព ហៅអ៊ាប ត្រូវបានចាប់ខ្លួនពីបទឆបោក។
បច្ចុប្បន្នស្ត្រីជនសង្ស័យ ត្រូវបានសមត្ថកិច្ចកំពុងសួរនាំនៅស្នងការដ្ឋាននគរបាលខេត្តឧត្តរមានជ័យ ដើម្បីកសាងសំណុំរឿងបញ្ជូនទៅតុលាការចាត់ការតាមនិតិវិធីច្បាប់នារសៀលម៉ោង២នេះ៕
