ខេត្តព្រះសីហនុ៖ រសៀលថ្ងៃទី១៧ ខែវិច្ឆិកា ឆ្នាំ២០១៥ ប្រតិភូចិនមួយក្រុមដឹកនាំដោយ លោកWang Jinjian អភិបាលក្រុងមWu Xi នៃខេត្តJiang Su នៃសាធារណះរដ្ឋប្រជាមានិតចិន បានមកធ្វើទស្សនកិច្ចសិក្សាស្វែងយល់ពីការអភិវឌ្ឍន៍តំបន់នៅខេត្តព្រះសីហនុ ពិសេសតំបន់
សេដ្ឋកិច្ចពិសេស ស្ថិតនៅឃុំបិតត្រាង ស្រុកព្រៃនប់ ខេត្តព្រះសីហនុ ។ លោក Wang Jinjian អភិបាលក្រុង Wu Xi និងជាប្រធានប្រតិភូមានប្រសាសន៍ឪ្យដឹងថា ការមកទស្សនះកិច្ច សិក្សាស្វែងយល់ពីសក្តានុពល វិនិយោគនៅខេត្តព្រះសីហនុនាពេលនេះ ក្នុងគោលបំណងស្វែងយល់ ពីវិស័យទេសចរណ៍ វិនិយោគ នៅងសក្តានុពលខេត្តព្រះសីហនុ ហើយក៍បានទៅទស្សនះកិច្ចតំបន់ឆ្នេរក្នុងខេត្តព្រះសីហនុផងដែរ ដើម្បីទាក់ទាញភ្ញៀវទេសចរណ៍ និងអ្នកវិនិយោគចិនមកបណ្តាក់ទុនរកស៊ីនៅក្នុងប្រទេសកម្ពុជា ពិសេសមកវិនិយោគនៅខេត្តព្រះសីហនុកាន់តែច្រើនឡើងបន្ថែមទៀត ។ លោកអភិបាលក្រុង Wu Xi មានប្រសាសន៍បន្តថា ខេត្តWu Xi និងខេត្តព្រះសីហនុបាមចងសម្ព័ន្ធមេត្រីភាពនិងគ្នា គឺដើម្បីផ្លាស់ប្តូរបទពិសោធន៍ពីគ្នាទៅវិញទៅមក រវាងរាជរដ្ឋាភិបាលចិន និងរាជរដ្ឋាភិបាលកម្ពុជា ក៍ដូចប្រជាជននៃប្រទេសទាំងពីរផងដែរ ។
លោក Wang Jinjian បានបន្តថា ដំណើរទស្សនកិច្ចនាពេលនេះ ក្នុងគោលបំណងជម្រុញអ្នកវិនិយោគគិនចិនមកធ្វើការវិនិយោគនៅខេត្តព្រះសីហនុកាន់តែច្រើនឡើងថែមទៀត ។ ក្នុងដំណើរ ទស្សនកិច្ចនាពេលនេះ ក៍មានក្រុមហ៊ុនចំនួន១០ បានចុះហត្ថលេខាមកធ្វើការវិនិយោគលើវិស័យចំនួន០៣ ក្នុងនោះទី១មានកាវិនិយោគនៅរោងចក្រតំបន់សេដ្ឋពិសេសខេត្តព្រះសីហនុមានដូចជា កាត់ដេរ និងគ្រឿងអេឡិចត្រូនិក ទី២វិនិយោគលើវិស័យទេសចរណ៍ និងទី៣វិនិយោគលើវិស័យអាកាសចរណ៍ ដើម្បីធ្វើការហោះហើរត្រង់មកកាន់ខេត្តព្រះសីហនុ និងពីខេត្តព្រះសីហនុទៅកាន់ប្រទេសចិន ។
