ថៃ ៖ លោកស្រីយីងឡាក់ ជានាយករដ្ឋមន្ត្រីស្និទ្ធថាក់ស៊ីនទី៣ ត្រូវតុលាការដកតំណែងការដកហូតតំណែងរបស់លោកស្រីយីងឡាក់ នេះជាការសម្រេចដកហូតតំណែងនាយករដ្ឋមន្ដ្រីថៃស្និទ្ធលោកថាក់ស៊ីនទី៣ ហើយបន្ទាប់ពីការដកហូតតំណែងនាយករដ្ឋមន្ដ្រី២រូបមុន កាលពីឆ្នាំ២០០៨ ដោយតុលាការធម្មនុញ្ញនោះ ។
តុលាការនេះត្រូវបានគេចោទប្រកាន់ថាកាន់ជើងពួកបាតុករប្រឆាំង ហើយគេគិតទុកជាមុនស្រេចថា លោកស្រីយីងឡាក់ នឹងមិនអាចគេចផុតឡើយ ។ លោក DAVID STRECPUSS អ្នកវិភាគឯករាជ្យម្នាក់និយាយថា ដោយគិតទៅលើនិន្នាការរបស់បណ្ដាចៅក្រមនៃតុលាការធម្មនុញ្ញពិតណាស់រឿងចោទប្រកាន់ប្រឆាំងលោកស្រីយីងឡាក់ ប្រាកដជាលោកស្រីមិនអាចរួចខ្លួនឡើយ។លោកស្រីនឹងត្រូវគេកាត់ឱ្យមានទោស ហើយត្រូវបង្ខំឱ្យដកខ្លួនថយ ។ បើដូច្នេះ លោកស្រីអាចជំនួសដោយឧបនាយករដ្ឋមន្ដ្រីមួយរូប ។
ប៉ុន្ដែតុលាការសម្រេចដកតំណែងរដ្ឋមន្ដ្រីច្រើនរូប ដែលបើកនូវទំព័រមិនច្បាស់លាស់ថ្មីមួយ ដោយសារគ្មានសភាដែលត្រូវរំលាយចោលកាលពីខែធ្នូ ឆ្នាំ២០១៣ ដើម្បីតែងតាំងនាយករដ្ឋមន្ត្រីថ្មី ។ ការបោះឆ្នោតសភាថ្ងៃទី២ កុម្ភៈ ត្រូវប្រកាសថា មោឃៈដោយតុលាការ មកពីមានការរាំងខ្ទប់ដោយពួកបាតុករប្រឆាំង ។ ទោះបីរដ្ឋាភិបាលប្រកាសពីការបោះឆ្នោតថ្មីគ្រោងធ្វើនាថ្ងៃទី២០ កក្កដា ខាងមុខនេះ ក៏ព្រះរាជក្រិត្យ នៅពុំទាន់ចេញជាផ្លូវការនៅឡើយ ។
ពួកបាតុករប្រឆាំងសន្យារាំងខ្ទប់រាល់ការបោះឆ្នោះថ្មី ហើយគណបក្សប្រជាធិបតេយ្យជាគណបក្សប្រឆាំងសំខាន់ដែលធ្វើពហិកាដល់ការបោះឆ្នោតថ្ងៃទី២ កុម្ភៈ បានបដិសេធមិនគាំទ្រការបោះឆ្នោតជាថ្មីដែរ ។ លោក EKKANAT PROMPAN អ្នកនាំពាក្យរដ្ឋាភិបាលនិយាយថា ប្រសិនបើរដ្ឋាភិបាលពុំទទួលយកការសម្រេចចិត្តនេះ គឺស្ថិតនៅលើប្រជាជនដែលត្រូវចេញមុខ ហើយធ្វើការកៀបសង្កត់ ។
ទោះបីមានការសម្រេចចិត្តថ្ងៃទី៧ ឧសភា របស់តុលាការធម្មនុញ្ញក៏ដោយ ក៏ការប្រជែងគ្នារវាងពួកអ្នកគាំទ្រលោកថាក់ស៊ីន គឺពួកអាវក្រហម និងពួកប្រឆាំងពិសេសពួកអាវលឿង នឹងបន្តរហូតទាល់តែមានការទទួលយកការសម្របសម្រួលគ្នាមួយ ។ នេះបើតាមការព្យាករណ៍របស់អ្នកវិភាគម្នាក់លោក THILINAN PONGSUDHIRAK ៕
