តាកែវ៖ កាលពីវេលាម៉ោង ៥ និង ៣០នាទីព្រឹកថ្ងៃទី១៩ខែវិច្ឆិកា ឆ្នាំ២០១៥នេះ មានករណីគ្រោះថ្នាក់ចរាចរណចរណ៍រវាងរថយន្តដឹកស៊ីម៉ងត៍បុកជាមួយនិងរថយន្តដឹកភេសជ្ជៈរបស់ក្រុមហ៊ុនខារ៉ាបាវនៅលើផ្លូវជាតិលេខ២ ស្ថិតនៅក្នុងភូមិទួលតាចិន ឃុំខ្វាវ ស្រុកសំរោង ខេត្ត
តាកែវ។ តាមសាក្សីដែលនៅជិតកន្លែងកើតហេតុបានឲ្យដឹងថា នៅវេលាម៉ោងកើតហេតុខាងលើគាត់ឃើងរថយន្តទាំងពីរធ្វើដំណើរច្រាស់ទិសគ្នាដោយរថយន្តដឹកស៊ីម៉ងត៍បើកបរមកពីទិសខាងត្បូងទៅជើងចំណែករថយន្តដឹកភេសជ្ជៈរបស់ក្រុមហ៊ុនខារ៉ាបាវបើកបរមកពីជើងទៅត្បូងលុះមកដល់ចំណុចកើតហេតុមិនដឹងជាយ៉ាងម៉េចបានរថយន្តទាំងពីរបុកគ្នាយ៉ាងពេញទំហ៊ឹងរហូតដល់ស្រុញក្បាល់រថយន្តខារ៉ាបាវចំណែករថយន្តដឹកស៊ីម៉ងត៍បានក្រឡាប់បាចស៊ីម៉ងត៍ចោលពេញផ្លូវ។ ក្នុងហេតុការណ៍គ្រោះថ្នាក់ចរាចរណ៍នេះបន្តាលឲ្យមានអ្នកស្លាប់និងរងរបួសទាំងសងខាង ដោយ តៃកុងនិងអ្នកជិះរថយន្តដឹកភេសជ្ជៈស្លាប់៤នាក់និងរងរបួសធ្ងន់ម្នាក់ ចំណែកតៃកុងរថយន្តដឹកស៊ីម៉ងត៍ក៏បានស្លាប់ដែរ។បច្ចុប្បន្នសាកសពកំពុងត្រូវបានស្រាវជ្រាវរកសាច់ញាតដើម្បីប្រគល់យកទៅធ្វើបុណ្យ ឯអ្នករងរួសត្រូវបញ្ជូនទៅព្យាបាល ចំណែករថយន្តបង្កទាំងពីរត្រូវបានវាស់វែងធ្វើកំណត់ហេតុ រួចស្ទួចយកទៅទុកនៅអធិការដ្ឋាននគរបាលស្រុកសំរោងដើម្បីរង់ចាំធ្វើការដោះស្រាយតាមនីតិវិធីច្បាប់៕
