ឧត្តរមានជ័យ៖ កាលពីវេលាម៉ោង១៨និង៣០នាទី ថ្ងៃទី១៨ ខែវិច្ឆិកា ឆ្នាំ២០១៥ មានករណីគ្រោះថ្នាក់ចរាចរណ៍ មួយបានកើតឡើងនៅលើកំណាត់ផ្លូវជាតិលេខ៦៧B.ចំណុចក្រោមរូបចម្លាក់យាយម៉ៅប្រហែល២០០ម៉ែត្រ ស្ថិតនៅក្នុងភូមិជើងភ្នំ ឃុំត្រពាំងប្រិយ៍ ស្រុកអន្លង់វែង
ខេត្តឧត្តរមានជ័យ ដោយរថយន្ត ថៃដឹកទំនិញទៅតាំងពិពណ៍ នៅខេត្តសៀមរាប ក្រឡាប់ដោយខ្លួនឯង បណ្តាលឲ្យរងរបួសធ្ងន់២នាក់និងស្រាល២នាក់ អ្នករបួសធ្ងន់២នាក់នោះ និងរថយន្តត្រូវខូចខាត។ជនរងគ្រោះបញ្ជូនទៅកាន់មន្ទីរពេទ្យថៃចំនួន២នាក់និងម្នាក់បញ្ជូនមកសង្គ្រោះមន្ទីរពេទ្យបង្អែកស្រុកអន្លង់វែង រថយន្តពណ៍ស លឿង ពាក់ស្លាក់លេខ៨២៤១៧៦។សូមបញ្ជាក់ថា នៅពេលកើតហេតុគ្រោះថ្នាក់ចរាចរណ៍រថយន្តរបស់ថៃក្រឡាប់នោះ មានសមត្ថកិច្ចប៉ូលិសការពារព្រំដែនគោកលេខ៩០៥និងអធិការនគរបាលស្រុកនិងកងរាជអាវុធហត្ថស្រុក បានចុះទៅជួយអន្តរាគមន៍ ទាន់ពេលវេលាផងដែរ៕
