ខេត្តកំពង់ឆ្នាំង៖ បុរសម្នាក់បានរងរបួសធ្ងន់ និងនារីម្នាក់ទៀតបានរងរបួលស្រាល ក្នុងករណីគ្រោះថ្នាក់ចរាចរណ៏មួយ ដោយជនរងគ្រោះទាំង២នាក់បានជិៈម៉ូតូបុកគ្នាពេញទំហឹងក្នុងទិសដៅច្រាស់គ្នា ។ ហេតុការណ៍នេះបានកើតឡើង នៅវេលាម៉ោង៤និង៥០នាទីល្ងាចថ្ងៃទី
១៩ ខែវិច្ឆិកា ឆ្នាំ២០១៥ នៅតាមបណ្តោយផ្លូវជាតិលេខ៥ ចំណុចភូមិព្រៃកោះ ឃុំជ្រៃបាក់ ស្រុករលាប្អៀរ ។
សមត្ថកិច្ចនគរបាល ស្រុករលាប្អៀរបានអោយដឹងថា៖ បុរសរងគ្រោះមានឈ្មោះ ប៉ិច សុភាព អាយុ៣៥ឆ្នាំ មានទីលំនៅ ភូមិត្រពាំងអន ឃុំជ្រៃបាក់ ស្រុករលាប្អៀរ ជិៈម៉ូតូម៉ាកហុងដាឌ្រីម សេ១២៥ពាក់ស្លាកលេខកំពង់ឆ្នាំង1C.0887 រងរបួសធ្ងន់។ ចំណែកភាគីម្ខាងទៀតឈ្មោះ ស្រី ស អាយុ២០ឆ្នាំ ភេទស្រី មានទីលំនៅ ភូមិពាមឆ្កោក ឃុំព្រៃគ្រី ស្រុកជលគីរី រងរបួសស្រាល ជិៈម៉ូតូហុងដាស្គុបពី ព័ណ ស គ្មានស្លាកលេខ ។
មុនពេលកើតហេតុ បុរសឈ្មោះ ប៉ិច សុភាព បានជិៈម៉ូតូពីជើងទៅត្បូង លុះមកដល់ចំណុចកើតហេតុ បានជ្រុលទៅបុកម៉ូតូម៉ាក ហុងដា ស្គុបពី ក្នុងដំណើរច្រាស់ទិសគ្នាពេញទំហឹង បណ្តាលអោយរងរបួសធ្ងន់ខ្លួនឯង ចំណែកនារី ជិៈម៉ូតូស្គុបពី គ្រាន់តែរងរបួសស្រាល ។
ក្រោយពេលកើតហេតុ ជនរងគ្រោះត្រូវបានដឹកយកទៅសង្គ្រោះនៅមន្ទីរពេទ្យខេត្ត ចំណែកមធ្យោបាយទាំង២គ្រឿង ត្រូវបានសមត្ថកិច្ចយកទៅរក្សាទុកនោះ អធិការដ្ឋាននគរបាលស្រុករលាប្អៀរ ដើម្បីរង់ចាំការដោះស្រាយជាមួយភាគីតាមផ្លូវច្បាប់៕
