តាកែវ៖ ពីរថ្ងៃជាប់គ្នាគឺថ្ងៃទី១៨ ១៩ ខែវិច្ឆិការ ឆ្នាំ២០១៥នេះ មានករណីគ្រោះថ្នាក់ចរចរណ៍គួរឲ្យរន្ធត់២ករណីផ្សេងគ្នាបណ្តាលឲ្យមានអ្នកស្លាប់៦នាក់និងរងរបួសធ្ងន់៣នាក់។ ករណីទីមួយកើតឡើងកាលពីថ្ងៃទី១៨នៅផ្លូវជាតិលេខ២ចន្លោះបង្គោលគីឡូម៉ែត្រ ៣៣ ៣៤ ស្ថិតនៅ
ភូមិទន្លេបាទី ឃុំក្រាំធ្នង់ ស្រុកបាទី ខេត្តតាកែវ ។ បើតាមរបាយកាណ៍លោកវរសេនីត្រី ឈន ទ្រឿន អធិការរងទទួលបន្ទុកផ្នែកសណ្តាប់ធ្នាប់បានឲ្យដឹងថា នៅវេលាម៉ោង១៣ និង៣០នាទី ស្ថឹតនៅភូមិឃឃុំកើតហេតុខាងលើ មានករណីគ្រោះថ្នាក់ចរាចរណ៍មួយកើតឡើង ដែលបណ្តាលមកពីម៉ូតូពីរគ្រឿងបុកគ្នារួចបានប្លោងអ្នកបេើកម៉ូតូទៅប៉ះនិងរថយន្តដែលបើកបរស្របទិសគ្នា ធ្វើឲ្យអ្នកបើកបរម៉ូតូម៉ាក់ហុងដាឌ្រីម ពាក់ស្លាកលេខ 1D៩៤៩៥ រងរបួសធ្ងន់ត្រូវបានបញ្ជូនទៅព្យាបាលនៅរាជធានីភ្នំពេញ ចំណែកម៉ូតូមួយគ្រឿងទៀតម៉ាកស៊ុយស៊ូគីនិចពណ៌ស ពាក់ស្លាកលេខ1FK ៣៥៤៧ ជិះគ្នាពីរ ទីមួយឈ្មោះខៀវ សុខា អ្នកបេីកបរ រស់នៅភូមិដំណាក់ពង្រ ឃុំមាន ស្រុកព្រៃឈ ខេត្តកំពងចាម ត្រូវបានស្លាប់ពេលបញ្ជូនដល់មន្ទីពេទ្យបង្អែកស្រុកបាទី និង អ្នករួមដំណើរពីក្រោយឈ្មោះណាក់ ភេទប្រុស អាយុ១៨ឆ្នាំ ជាកម្មកររបស់ក្រុមហ៊ុនស៊ិនទ្រី ស្នាក់នៅខណ្ឌដង្កោ ក្រុងភ្នំពេញ រងរបួសធ្ងន់ រីឯរថយន្តដែលអ្នកជិះម៉ូតូប្លោងប៉ះត្រូវនោះម៉ាកហ៊ីយ៉ាន់ដាយពណ៌ខៀវ ស្លាក់លេខភ្នំពេញ2A ៥២៥៥ ធ្វើដំណើរស្របទិសគ្នា អ្នកបើកបរឈ្មោះផាត់ តោហ៊ា ភេទប្រុសអាយុ២២ឆ្នាំ មុខរបរបេីកបរ រស់នៅភូមិព្រែកហូ សង្កាត់ដើមលាប ក្រុងតាខ្មៅ ខេត្តកណ្តាល មិនមានរងរបួសនោះទេ។បច្ចុប្បន្នវត្ថុតាងទាំងបីគ្រឿងបានរក្សាទុកនៅអធិការដ្ឋាននគបាលស្រុកបាទីរងចាំធ្វើការដោះស្រាយតាមនិតិវិធី។
ឯករណីទី២ កើតឡើងនៅវេលាម៉ោង៥ និង៣០នាទីព្រឹកថ្ងៃទី១៩ ខែវិច្ឆិកា ឆ្នាំ២០១៥នៅផ្លូវជាតិលេខ៣ ចន្លោះបង្គោលគីឡូម៉ែត្រលេខ ៥៦ ៥៧ ស្ថិតនៅភូមិទួលតាចិន ឃុំខ្វាវ ស្រុកសំរោង ខេត្តតាកែវ ដែលបន្តាលមកពីរថយន្តធំពីរគ្រឿងបុកគ្នា។
បេីតាមរបាយការណ៍ លោកវរសេនីយ៍ទោមឿន សារុន អធិការនគបាលស្រុកសំរោងបានឲ្យដឹងថា មុនពេលកេីតហេតុមានរថយន្តមួយគ្រឿងម៉ាកហ៊ីយ៉ាន់ដាយ ពណ៌ស ពាក់ស្លាកលេខភ្នំពេញ 3C ៧៦៩៦ ដឹកស៊ីម៉ងពេញធ្វើដំណេីរពីត្បូងទៅជេីងលុះដល់ចំណុចកេីតហេតុរថយន្តបើកវ៉ាឡើងលើស្ពានយ៉ាងលឿនក៏បានបុកពេញទំហ៊ឹងជាមួយរថយន្តដឹកភេសជ្ជៈរបស់ក្រុមហ៊ុនខារ៉ាបាវ ម៉ាកហ៊ីយ៉ាន់ដាយ ពណ៌ខៀវស្លាកលេខភ្នំពេញ 3C ៨០០៤ បន្តាលឲ្យអ្នកបើកនិងអ្នករួមដំណើរគៀបស្លាប់៤នាក់និង របួសធ្ងន់ម្នាក់។ លោកបន្តទៀតថា អ្នកបើកបររថយន្តដឹកស៊ីម៉ងត៍ ឈ្មោះទឹម សុខវើន ភេទប្រុស អាយុ១៩ឆ្នាំ មុខរបរបើកបរ រស់នៅភូមិ ជូនទូក ឃុំញ៉ែងញ៉ង ស្រុកត្រាំកក់ ខេត្តតាកែវ គៀបស្លាប់ក្នុងរថយន្ត។ ចំណែកអ្នកបើកបររថយន្តក្រុមហ៊ុនខារ៉ាបាវ ឈ្មោះសុង អូន ភេទប្រុស អាយុ៣៥ឆ្នាំ រស់នៅភូមិថ្មពេជ ឃុំត្បូងឃ្មុំ ស្រុកត្បូងឃ្មុំ ខេត្តតកបូងឃ្មុំ គៀបស្លាប់ក្នុងរថយន្ត និង អ្នករួមដំណេីរ៤នាក់ ទី១ ឈ្មោះ ហេង ផល្លា ភេទប្រុស អាយុ៣៣ឆ្នាំ ជាកម្មករ (ស្លាប់) ទី២ ឈ្មោះធា ភេទប្រុស អាយុ ៣២ឆ្នាំ ជាកម្មករ (ស្លាប់) អ្នកទាំងពីររស់នៅភូមិជុប ឃុំត្បូងឃ្មុំ ស្រុកត្បូងឃ្មុំ ខេត្តត្បូងឃ្មុំ ទី៣ឈ្មោះហួន ភេទប្រុស អាយុ៣០ ស្រុកកំណើតនៅខេត្តស្វាយរៀង (ស្លាប់) និងទី៤ ឈ្មោះស៊ី ណាវុន ភេទប្រុស កម្មករ រស់នៅសង្កាត់ចោមចៅ ក្រុងភ្នំពេញ របួសធ្ងន់ ត្រូវបានបញ្ជូនទៅសង្គ្រោះនៅរាជធានីភ្នំពេញ។ ក្រោយពេលហេតុការណ៍នេះកើតឡេីង សមត្ថកិច្ចជំនាញស្រុកបានធ្វើការវាស់វែង ដកហូតរថយន្តទាំងពីរគ្រឿងយកមករក្សារទុកនៅអធិការដ្ឋាននគបាលស្រុកសំរោងរងចាំការដោះស្រាយតាមនិតិវិធី៕
