ស្ទឹងត្រែង៖ជនសង្ស័យម្នាក់ជាប្តីផឹកស៊ីស្រវឹងតែងតែរាមបាញ់គេអែង និងប្រពន្ធកូនរបស់ខ្លួនត្រូវបានកំលាំងអធិការដ្ឋាននគរបាលស្រុកសៀមប៉ាង ចាប់ឃាត់ខ្លួនកាលពីវេលាម៉ោង២និង៥៥នាទីរសៀលថ្ងៃទី២០ខែវិច្ឆិកាឆ្នាំ២០១៥នៅផ្ទះជនសង្ស័យ ស្ថិក្នុងភូមិលុន ឃុំសេកុង ស្រុក
សៀមប៉ាង ខេត្តស្ទឹងត្រែង។ លោកអធិការស្រុកសៀមប៉ាងលោកវ៉ា សុផាន់បានអោយុស ដឹងថាជនសង្ស័យដែលសមត្ថកិច្ចចាប់ឃាត់ខ្លួនមានឈ្មោះនុន ធូនភេទប្រុស អាយុ៣៥ឆ្នាំ(ប្តី) មានទីលំនៅក្នុងភូមិ ឃុំ កើតហេតុខាងលើ។
លោកអធិការបានបន្តអោយដឹងទៀតថាបើតាមប្រពន្ធជាជនរងគ្រោះបាននិយាយថា ប្តីរបស់គាត់ តែងតែដើរផឹកស៊ីមិនសូវជួយធ្វើការផ្ទះទេ ពេលស្រវឹងម្តងៗ តែងតែរករឿងគាត់និងបងថ្លៃរបស់គេរួមទាំងអ្នកជិតខាងនិងបានយកកាំភ្លើងកិប មកគំរាមបាញ់គាត់។លោកបន្តថានៅថ្ងៃកើតហេតុខាងលើប្តីរបស់គាត់បានមកពីផឹកស៊ីស្រវឹង ហើយបានអោយគាត់កោសខ្យល់អោយ ហើយប្រពន្ធបានប្រាប់ថាទើបមកពីធ្វើការអស់កំលាំងណាស់ ហើយមិនស្រួលខ្លួនមិនបានកោសអោយទេ? គ្រាន់តែលឺប៉ុហ្នឹង ប្តីរបស់គាត់បានឡើងទៅលើផ្ទះ ទាត់ចានឆ្នាំងនិងយកកាំភ្លើងថាបាញ់សម្លាប់ចោល។
លោកបន្តថាក្រោយពីលឺថាបាញ់សម្លាប់ចោល ប្រពន្ធបានរត់ចេញពីផ្ទះ ធ្វើអោយមានការភ្ញាក់ផ្អើលដល់ប្រជាពលរដ្ឋរស់ជិតខាង បានរាយការដល់លោក ហើយលោកបានបញ្ជាកំលាំង ចុះឃាត់ខ្លួនភាមៗនៅកន្លែងកើតហេតុ ដកហូតកាំភ្លើងគិបមួយដើមនិងបាននាំខ្លួនមកកាន់អធិការស្រុកសៀមប៉ាងសួរនាំ។
លោកអធិកាបានញ្ជាក់ថាការឃាត់ខ្លួនជនសង្ស័យខាងលើ ពាក់ព័ន្ធការប្រើអាវុធខុសច្បាប់និងមានការគំរាមកំហែងបាញ់ប្រពន្ធនិងអ្នកជិតខាង។ជននេះក៏ជាមុខសញ្ញាបទល្មើសយ៉ាងសកម្មប្រើប្រាស់ឧបករណ៍ឆក់ត្រីខុសច្បាប់ផងដែរ។
នៅព្រឹកថ្ងៃទី២១ខែវិច្ឆិកានេះជនសង្ស័យ ត្រូវបានកំលាំងអធិការដ្ឋាននគរបាលស្រុកសៀមប៉ាងបញ្ជូនខ្លួនរួមនិងវត្ថុតាង(កាំភ្លើងគិប)មកកាន់ស្នងការដ្ឋាននគរបាលខេត្តសាសួរបន្តដើម្បីកសាងសមណុំរឿងនាំខ្លួនទៅកាន់តុលាការចាត់ការតាមនីតិវិធី៕
