ខេត្តកំពង់ឆ្នាំង៖ វេទិកាផ្សព្វផ្សាយនិងពិគ្រោះយោបល់ស្តីពីការទទួលព័ត៌មានសាធារណៈរបស់អាជ្ញាធរដែនដីនិងប្រជាពលរដ្ឋរបស់ក្រុមប្រឹក្សាខេត្តកំពង់ឆ្នាំងអាណត្តិទី២ ដំណោះស្រាយទុក្ខកង្វល់ របស់ប្រជាពលរដ្ឋមួយចំនួនដែលអាជ្ញាធរដែនដីបំរើគាត់មិនបានល្អ
កន្លងមក បានធ្វើឡើងនៅព្រឹក ថ្ងៃទី២០ ខែវិច្ឆិកា ឆ្នាំ២០១៥ នៅ ស្រុកទឹកផុស ខេត្តកំពង់ឆ្នាំង ក្រោមអធិបតីភាពលោកជំទាវ ដោក សុទ្ធា ប្រធានក្រុមប្រឹក្សាខេត្ត សមាជិកក្រុមប្រឹក្សាខេត្ត និងសមាជិកសមាជិកា ក្រុមប្រឹក្សាស្រុកទឹកផុស គណៈអភិបាលស្រុក មន្ទីរអង្គភាពជំនាញជុំវិញខេត្ត ប្រធាការិយាល័យជំនាញ អង្គភាពជុំវិញស្រុក អាជ្ញាធរដែនដីនិងប្រជាពលរដ្ឋមកពីឃុំក្នុងស្រុកទឹកផុសសរុបចំនួន២៣០នាក់ស្រី២៥នាក់។
តំណាងប្រជាពលរដ្ឋនិងអាជ្ញាធរមូលដ្ឋានជាច្រើននាក់បាន លើកឡើងអំពីក្តីកង្វល់ របស់ពួកគាត់កន្លងមកសំណូមពរដល់ក្រុមប្រឹក្សាខេត្ត និងគណៈអភិបាលខេត្តមានដូចជា៖ ដីប្រជាពលរដ្ឋជាមួយកងកាំភ្លើងធំ ,ដីតំបន់ខ្សាច់ពូនឃុំក្បាលទឹក ,ដីសហគមន៍ភ្នំបាណន់ និងតំណាក់ខ្លុង,សុំប្រឡាយទឹកនៅឃុំអភិវឌ្ឍន៍និ ងសុំរកទីផ្សារអោយស្រូវរបស់គាត់ផលិតបានមានតម្លៃសមរម្យ និងបញ្ហាមួយចំនួនទៀតសរុបមាន២១សំណួរ និងសំណូមពរ នៅក្នុងមូលដ្ឋានឃុំរបស់ពួកគាត់។
ចំពោះបញ្ហានិងកង្វល់សំខាន់ៗ ដែលត្រូវដោះស្រាយជូនប្រជាពលរដ្ឋ ឯកឧត្តម ហ៊ី ណាត អភិ បាលរងខេត្តបានធ្វើការបកស្រាយ និងបានអោយមន្ទីរជំនាញ បកស្រាយជូនអាជ្ញាធរដែនដី និងប្រជាពលរដ្ឋ ហើយសំណួរនិងសំណូមពរនៅសេសសល់ របស់អាជ្ញាធរដែនដី និងប្រជាពលរដ្ឋដែលបានលើកឡើងមួយចំនួនទៀត ក្រុមប្រឹក្សាខេត្តនិងគណៈអភិបាលខេត្ត និងទទួល យកទៅពិភាក្សាជាមួយជំនាញនិងសុំយោបល់ថ្នាក់លើ ដោះស្រាយជូនអោយបានសមស្រមតាមច្បាប់ ដើម្បីអោយអាជ្ញាធរនិងប្រជាពលរដ្ឋទទួលយកបានទាំងអស់គ្នា។
លោកជំទាវ ដោក សុទ្ធា ប្រធានក្រុមប្រឹក្សាខេត្តកំពង់ឆ្នាំងបានមានប្រសាសន៍បិទអង្គវេទិកានាពេលនោះដោយបានថ្លែងបញ្ជាក់ថា៖ រាជរដ្ឋាភិបាលកម្ពុជាដែលដឹកនាំគណបក្សប្រជាជនកម្ពុជា តែងតែគិតគូរដល់ បងប្អូនជានិច្ច ហើយរដ្ឋាភិបាល មិនចង់អោយប្រជាពលរដ្ឋក្រីក្រនោះទេ ទាំងកម្មករ កម្មការិនី មន្ត្រីរាជការ ប៉ុន្តែការដោះស្រាយផ្អែកទៅលើកំណើនសេដ្ឋកិច្ចជាតិ ដូច្នេះប្រជាពលរដ្ឋត្រូវតែមាន ជំនឿទុកចិត្តលើរាជរដ្ឋាភិបាល ដែលដឹកនាំគណៈបក្សប្រជាជនកម្ពុជា កុំចាញ់ការញុះញង់របស់អ្នកដទៃនិងអ្នកនយោបាលបោកប្រាស់របស់ជនអគិតអោយមួយក្តាប់តូចអោយសោះគឺត្រូវជឿទុកចិត្តលើការដឹកនាំរបស់ថ្នាក់ដឹកនាំគណបក្សប្រជាជនដែលមានសម្តេចអគ្គមហាសេនាបតីតេជោ ហ៊ុនសែន ជាប្រមុខ ។
ក្រោយពីបានស្តាប់ការបកស្រាយរបស់គណៈអធិបតីនិងជំនាញរួចមក ធ្វើអោយអាជ្ញាធរដែនដីនិងប្រជាពលរដ្ឋមានសេចក្តីរីករាយយ៉ាងខ្លាំង ទោះបីការដោះស្រាយមិនទាន់បានមួយចំនួនតូចក៏ដោយ នូវបញ្ហានិងកង្វល់ដែលពួកគាត់បានលើកឡើងក៏ដោយ ក៏ពួកគាត់បានអស់ចិត្តដែរ ព្រោះតែក្រុមប្រឹក្សានិងគណៈអភិបាលខេត្ត និងជំនាញទាំងអស់យកបញ្ហាដែលបានលើកឡើងនូវក្តីកង្វល់របស់ពួកគាត់ថានឹងយកទៅដោះស្រាយអោយបានសមស្រប និងអាចទទួលយកបានទាំងអស់គ្នា៕
