ខេត្តសៀមរាប៖រថយន្តដឹកអ្នកដំណើររបស់ក្រុមហ៊ុន ថេរ៉ូអ៊ិចប្រេស ពណ៌ស ពាក់ស្លាកលេខ ភ្នំពេញ ២.AF.០០១២ បានគេចពីម៉ូតូ ក្រឡាប់ធ្លាក់ចូលទៅក្នុងប្រឡាយ តាមបណ្តោយផ្លូវជាតិលេខ៦ធ្វើឱ្យរថយន្តខូចខាតយ៉ាងដំណំ បង្កដោយខ្លួនឯង បណ្តាលឱ្យអ្នកបើកបររងរបួស
ស្រាល។រីឯរថយន្តមួយគ្រឿងទៀត ម៉ាកហ៊ីយ៉ាន់ដាយ ពណ៌ស ចំណុះ៥តោន ពាក់ ស្លាកលេខភ្នំពេញ ៣C០៦០៩ បានក្រឡាប់ធ្លាក់ពីលើផ្លូវជាច្រើនត្រឡប់ ធ្វើឱ្យទ្រុងរថយន្តនេះបាក់ខូចខាតយ៉ាងធ្ងន់ធ្ងរ បណ្តាលឱ្យរងរបួសធ្ងន់ស្រាល២នាក់បងប្អូន។
ហេតុការគ្រោះថ្នាក់ចរាចរណ៏នេះកើតឡើង នៅចំណុច២កន្លែងផ្សេងគ្នាក្នុងស្រុកពួកកាលពីវេលាម៉ោង១៤និង ម៉ោង ១៦និង១៥នាទី ថ្ងៃទី២២ខែវិច្ឆិកាឆ្នាំ២០១៥ស្ថិតនៅចំនុចខាងកើត ខាងកើតវត្តខ្នាត ភូមិ/ឃុំខ្នាត ស្រុកពួក ខេត្តសៀមរាប បង្កដោយរថយន្ត តូរីស(១៥កៅអី)និងមួយគ្រឿងទៀតត្រង់ចំណុចភូមិទួលរវៀង ឃុំល្វា ស្រុកពួក. រថយន្តបង្កដោយខ្លួនឯង ប្រភេទដឹកទំនិញ (៥តោន)។
តាមសាក្សីដែលបានឃើញហេតុការណ៍គ្រោះថ្នាក់ចរាចរណ៍នោះបានឱ្យដឹងថា នៅវេលាដូចម៉ោងខាងលើ មានរថយន្តដឹកអ្នកដំណើរ ម៉ាក តូយូតា របស់ក្រុមហ៊ុន ថេរ៉ូអ៊ិចប្រេស បានធ្វើដំណើរពី ទិសខាងលិច មក កើតក៏បាន វ៉ាក់នឹងម៉ូតូមួយគ្រឿងដែលឌុបគ្នាបីនាក់ ធ្វើដំណើរស្របទិសគ្នា ស្រាប់តែមកដល់ចំណុចផ្លូវកោងនោះ។ ម៉ូតូបានបត់នៅមុខរថយន្ត ហើយដួលម៉ូតូទៅលើផ្លូវជាតិលេខ៦នៅមុខរថយន្តនោះ ហើយរថយន្តនេះក៏បានរ៉េចង្កូតទៅខាងឆ្វេង ក្រឡាប់ធ្លាក់ថ្ងារជើងទៅក្នុង ប្រឡាយ នៅខាងជើងផ្លូវ តែមិនបង្កឱ្យគ្រោះថ្នាក់ធ្ងន់ធ្ងរអ្វីឡើយ។ ហើយអ្នកទាំងបី ឃើញហេតុការណ៍ដូច្នេះ ក៏បាននាំគ្នាលើកម៉ូតូជឹះចេញទៅបាត់ស្រមោលតែម្តង បណ្តាលឱ្យអ្នកបើកបររងរបួសស្រាលតែម្នាក់ឯង ។ លុះដល់វេលាម៉ោង១៦ និង២០នាទីថ្ងៃខែឆ្នាំដដែល មានគ្រោះថ្នាក់ក្រឡាប់រថយន្តមួយគ្រឿងទៀត ស្ថិតនៅក្នុងភូមិ ស្ទឹងតាស្រុក ឃុំល្វា ស្រុកពួក ខេត្តសៀមរាប ។
លោក វរសេនីយត្រី ទេព ពុំសែន អធិការស្រុកពួកបានអ្នកសារព័ត៍មានយើងដឹងថា នៅល្ងាចថ្ងៃទី២២ខែវិច្ឆិកាឆ្នាំ២០១៥នេះថា មុនកើតហេតុមានពលរដ្ឋបានរាយការមកថា មានរថយន្តក្រឡាប់២គ្រឿងនៅកន្លែងផ្សេងគ្នា មួយនៅភូមិខ្នាតនិងមួយទៀតនៅភូមិទួលរវៀង ប៉ុន្តែមិនមានអ្នករបួសធ្ងន់ធ្ងរទេ។លោកបន្តថា អ្នកបើកបរទី១/ឈ្មោះ ជួប គឹមលាន ភេទប្រុស អាយុ៣៦ឆ្នាំ រស់នៅភូមិឃុំខាងលើ បើកបររថយន្តដឹកអ្នកដំណើរ របស់ក្រុមហ៊ុន ថេរ៉ូអ៊ិចប្រេស ម៉ាក តូយូតា ពណ៌ស ពាក់ស្លាកលេខ ២.AF.០០១២ បានធ្វើដំណើរពីទិសខាងលិចទៅកើត មកដល់ផ្លូវកោងក៏បាន វ៉ាក់អើរនឹងម៉ូតូមួយគ្រឿងដែលឌុបគ្នាបីនាក់ ក្នុងទិសដៅស្របទិសគ្នា ។ពេលបើកមកដល់ចំណុចខាងលើ រថយន្ត នោះបានគេចម៉ូតូ ហើយរអិលធ្លាក់ទៅក្នុងប្រឡាយទឹក ខាងជើងថ្នល់ជាតិលេខ៦ បណ្តាលឱ្យរបួសស្រាល១នាក់ មូលហេតុបើកគេចម៉ូតូ ដែលបត់នៅខាងមុខមិនប្រយ័ត្ន។ លោកបន្តថា ចំណែកម៉ោង ១៦និង១៥នាទី ថ្ងៃដដែរ មានករណីគ្រោះថ្នាក់ចរាចរណ៏ មួយផ្សេងទៀត បង្កដោយ រថយន្តម៉ាកហ៊ីយ៉ាន់ដាយពណ៌ ចំណុះ៥តោន ពាក់ ស្លាកលេខភ្នំពេញ ៣C.០៦០៩ បានក្រឡាប់ខ្លួនឯង បើកបរមកពីទិសដៅពីលិចទៅកើត ត្រង់ចំណុចភូមិទួលរវៀង ឃុំល្វា ស្រុកពួក. រថយន្ត ប្រភេទដឹកទំនិញ (៥តោន) ។អ្នកបើកបរមានឈ្មោះ យុន ឧត្តមវាសនា ភេទប្រុសអាយុ២៧ឆ្នាំនិងអ្នករួមដំណើរជាព្រូឡានឈ្មោះ ស៊ឹម ភូ ភេទប្រុសអាយុ២៥ឆ្នាំ អ្នកទាំងពីរ មាន ស្រុកកំណើតភូមិរកាខ្សុក ឃុំ មេបុណ្យ ស្រុកស្វាយសន្ធរ ខេត្តព្រៃវែង ។ពេលបើកបរងងុយដេកមកដល់ចំណុចកើតហេតុខាងលើ ក៏បើករថយន្ត ខុសផ្លូវ ធ្លាក់ ទៅខាងត្បូងថ្នល់ជាតិលេខ៦ ក្រឡាប់ផ្ងារជើង។ ធ្វើឱ្យទ្រុងរថយន្តបាក់ខូចខាតយ៉ាងធ្ងន់ធ្ងរ ។ប៉ុន្តែឈ្មោះយុន ឧត្តមវាសនា ដែលជាអ្នកបើកបរបានប្រាប់សមត្ថកិច្ចឱ្យដឹងថា ក្រោយពីបានដឹកម៉ាស៊ីន ច្រូតស្រូវ ទៅដាក់ វាលស្រែហើយនោះ ខ្លួនក៏ បើករថយន្តត្រឡប់មកផ្ទះវិញ ខណៈពេលដែលបើកមកវិញនោះភ្លៀងកំពុងមួយមេយ៉ាងធំ ហើយខ្លួនក៏ងងុយដេកផងនោះ ទើបធ្វើឱ្យ ជ្រុលចង្កូតយកមកវិញមិនទាន់ ក៏ក្រឡាប់ធ្លាក់ពីលើផ្លូវចូលស្នាមភ្លោះជាច្រើនត្រឡប់តែម្តង ធ្វើឱ្យទ្រុងរថយន្តបាក់ខូចខាតយ៉ាងធ្ងន់ធ្ងរ បណ្តាលឱ្យឈ្មោះ សឹម ភួរ ជាព្រូឡាន ហើយត្រូវជាប្អូនរងរបួសធ្ងន់ រួចដឹកយកទៅសង្គ្រោះនៅមន្ទីរពេទ្យស្រុកពួក។បច្ចុប្បន្ន រថយន្ត ទាំង២គ្រឿង ត្រូវបានសមត្ថកិច្ចប្រគល់ឱ្យម្ចាស់ យកទៅជួសជុល រៀងៗខ្លួន។រីឯ អ្នករបួស ធ្ងន់ស្រាល៣នាក់ ត្រូវបានក្រុមគ្រួសារ ដឹកយកទៅព្យាបាលនៅមន្ទីរពេទ្យស្រុកពួក ដោយខ្លួនឯង៕
វេហាស៍
