ខេត្តកំពង់ឆ្នាំង៖ លៀសស្អុយរាប់រយការ៉ុងត្រូវបានជនមិនស្គាល់មុខដឹកយកមកបោះចោ
លស្អុយពេញដីនៅចំណុចខាងកើតស្ពានអូឬស្សីខ្សាច់ ឃុំមេលំ ស្រុកបិបូណ៌ ដែលបញ្ហានេះធ្វើអោយប៉ះពាល់ក្លិនស្អុយដល់អ្នកធ្វើដំណើរតាមផ្លូវជាតិលេខ៥ ឆ្លងកាត់ចំណុចនេះ និងបាន
រិះគន់ថា៖ ការបោះចោលលៀសស្អុយនេះជាង១០ថ្ងៃហើយ គេមិនឃើញអាជ្ញាធរនិងសមត្ថកិច្ចមូលដ្ឋានមានវិធានការទប់ស្កាត់ឡើយ។
ប្រជាពលរដ្ឋដែលជាអ្នកធ្វើដំណើរចេញចូលឆ្លងកាត់ចំណុចនេះជារៀងរាល់ថ្ងៃបាននិយាយអោយដឹងថា៖ នៅពេលពួកគាត់ធ្វើដំណើរឆ្លងកាត់ម្តងៗ គឺបានធំក្លិនស្អុយខ្លាំងណាស់ចេញពីគំនរលៀសស្អុយរាប់រយការ៉ុងនេះ ដែលពួកគាត់សំណូមពរដល់អាជ្ញាធរ
ស្រុកសមត្ថកិច្ចមូលដ្ឋាន និងមន្ទីរបរិស្ថានខេត្តជួយដោះស្រាយបញ្ហនេះផង។
ប្រជាពលរដ្ឋអោយដឹងទៀតថា៖ អ្នកដឹកលៀសស្អុយយកមកបោះចោលនៅចំណុច
នេះ គ្មានអ្នកណាក្រៅពីរថយន្តមួយក្រុម ដែលធ្លាប់ធ្វើអាជីវកម្មដឹកលៀសពីស្រុកក្រគរឬដឹកពីឃុំឆ្នុកទ្រូ ជារៀងរាល់ថ្ងៃ យកទៅលក់នៅក្នុងទីក្រុងភ្នំពេញនោះឡើយ ដែករណីនេះសមត្ថកិច្ចគួរតែស្រាវជ្រាវ និងឃ្លាំមើលចាំចាប់ជនខិលខូចនេះអោយបាន ដើម្បីផាកពិន័យអោយគេរៀងចាល និងអោយគេដឹកលៀសយកលៀសស្អុយនៅចំណុចខាងលើនេះយកទៅចោលកន្លែងមានសុវត្តិភាព ដែលមិនប៉ះពាល់ដល់បរិដ្ឋានមនុស្សរស់នៅ។
គួរបញ្ជាក់ថា៖នៅចំណុចខាងលើនេះជាទីតាំងចាស់របស់យោធាស្រុកឈរជើងការ
ស្ពានអូរឬស្សីខ្សាច់ជំនាន់សង្គ្រាមវាយ ប៉ុលពត ពីឆ្នាំ១០៧៩ដល់ឆ្នាំ១៩៩៣ និងកន្លងមកចំណុចនេះក៏ធ្លាប់មានជនល្មើសសម្លាប់មនុស្សពីខេត្តផ្សេងៗ ដឹកតាមរថយន្តយកមកបោះចោលទីនេះផងដែរ ព្រោះតែចំណុចនេះស្ងាត់និងមានផ្លូវជំរាលចុះមកពីផ្លូវជាតិងាយស្រួលរថយន្តចេញចូល។
ទាក់ទងនិងបញ្ហាខាងលើនេះករណីនេះ លោក ឃួន សៅរ៉ុម អភិបាលស្រុកបរិបូណ៌ នៅព្រឹកថ្ងៃទី២៤ ខែវិច្ឆិកា ឆ្នាំ២០១៥នេះ បាននិយាយបញ្ជាក់អោយដឹងថា៖ កន្លងមក
លោកបានអោយសមត្ថកិច្ចកងរាជអាវុថហត្ថស្រុកឃ្លាំមើលនិងចាប់បានរថយន្ត១គ្រឿង
នៅឃុំឆ្នុកទ្រូដែលបានដឹកលៀសស្អុយមកចោលនៅចំណុចខាងលើនេះ យកមកផាកពិន័យ តែក្រោយមកក៏នៅតែមានគេលួចដឹកលៀសស្អុយមកចោលទៀត។
បញ្ហានេះលោកនឹងជំរុញអោយសមត្ថកិច្ចបន្តការឃ្លាំមើលជាបន្តទៀតដើម្បីចាប់ជនខិលខូច។ចំពោះលៀសស្អុយនៅចំណុចនេះ លោកនិងជួលត្រាក់ទ័រអោយគេឈូសលប់ចោលក្នុងពេកឆាប់ៗខាងមុខនេះហើយ៕
