ខេត្ត្តឧត្តរមានជ័យ៖ជនសង្ស័យ២នាក់ត្រូវនគរបាលចាប់ខ្លួនកាលពីវេលាម៉ោង៨និង៣០ នាទីយប់ថ្ងៃទី២៤ ខែវិច្ឆិការ ឆ្នាំ២០១៥ នៅចំណុចផ្លូវ ភូមិត្រពាំងប្រាសាទ.ឃុំនិងស្រុកត្រពាំងប្រាសាទ ខេត្តឧត្តរមានជ័យ ខណះដែលសមត្ថកិច្ចចម្រុះ ចុះត្រួតពិនិត្យអាវុធជាតិផ្ទុះតាម
គោលដៅសំខាន់ៗក្នុងស្រុក។ជនសង្ស័យដែលត្រូវនគរបាលចាប់ខ្លួន១- ឈ្មោះម៉ក សុខុន ភេទប្រុស អាយុ២៩ឆ្នាំ កើតនៅ ភូមិជ្រៃ ឃុំហៃសាន. ស្រុកបាត់ដំបង ខេត្តបាត់ដំបង បច្ចុប្បន្ន រស់នៅភូមិអូរជញ្ចៀន ឃុំអន្លង់វែង ស្រុកអន្លង់វែង ខេត្តឧត្តរមានជ័យ ២- ឈ្មោះ សេង លឹម ភេទ ប្រុស អាយុ២៤ឆ្នាំ រស់នៅភូមិអូរស្សី. ឃុំផ្អាវ ស្រុកត្រពាំងប្រាសាទ ខេត្តឧត្តរមានជ័យ ក្រៅពីនេះបានដកហូតថ្នាំញៀន(ម៉ាទឹកកក)ចំនួន១កញ្ចប់ធំ ម៉ូតូ១គ្រឿង ម៉ាក ឃ្លីក ពណ៍ ខ្មៅ ផ្លាកលេខភ្នំពេញ១I-០៦-២៦. និងថ្នាំញៀនប្រភេទ ម៉ាទឹកកក មួយកញ្ចប់ធំ។លោកវរសេនីយ៍ត្រី អុិន កាយ អធិការនគរបាលស្រុក បានឲ្យដឹងនៅថ្ងៃទី២៥ ខែវិច្ឆិការ ឆ្នាំ២០១៥នេះថា ជនសង្ស័យត្រូវបាន ឃាត់ខ្លួន ក្នុងអំឡុងពេលសមត្ថកិច្ចចុះប្រតិបត្តិការ ត្រួតពិនិត្យអាវុធជាតិផ្ទុះ ជនសង្ស័បានព្យាយាមគេចបារ៉ាស់ត្រួតពិនិត្យ សមត្ថកិច្ចសង្ស័យក៏ចាប់ឆែកឆេរទើបឃើញថ្នាំញៀន១កញ្ចប់ ក៏ឃាត់ខ្លួនយកទៅសួរនាំនិងកសាងសំណុំរឿងបញ្ជូនទៅតុលាការចាត់ការតាមច្បាប់។គួរបញ្ជាក់ថា ប្រតិបត្តការត្រួតពិនិត្យអាវុធជាតិផ្ទុះនេះត្រូវបានដឹកនាំដោយលោកនៅ សំ ដា រ៉ារិទ្ធ អភិបាលស្រុកត្រពាំងប្រាសាទ លោកមេបញ្ជាការ អ ហ ស្រុក និងអធិការស្រុក ចុះតាមគោលដៅផ្លូវបំបែក ដកហូតបានស្លាកលេខ ខម ម៉ូតូចំនួន២ ឡាន ចំនួន២និងម៉ូកទាហានជាច្រើនប្រភេទផងដែរ៕
