ខេត្តកំពង់ឆ្នាំង៖ អនុវត្តតាមស្មារតីអង្គប្រជុំរបស់គណៈបញ្ជាការឯកភាពស្រុបបរិបូណ៌ចាប់
ពីថ្ងៃទី២៥ ខែវិច្ឆិកា ឆ្នាំ២០១៥មក ក្រុមការងារចំរុះ១ក្រុមរបស់ស្រុកបរិបូណ៌បានចុះរៀបចំ
សណ្តាប់ធ្នាប់ការលក់ដូរនៅផ្សារមាត់កំពង់ឃុំឆ្នុកទ្រូ ដោយតម្រូវអោយអ្នកលក់ដូរឥវ៉ាន់
មួយចំនួនលើករោងលក់ដូររបស់ខ្លួនតាមមាត់ប្រឡាយខាងលិចផ្សារចេញ ដើម្បីទុកកន្លែងនោះរៀបចំចំណតរថយន្តដឹកជញ្ជូនត្រី និងកសិផលអោយមានសណ្តាប់ធ្នាប់ មានអនាម័យល្អ បរិដ្ឋានល្អ និងមានសុខភាពល្អ។
លោក សុខ សៀម ជំទប់ទី១ឃុំឆ្នុកទ្រូ និងជាប្រធានក្រុមការងារចំរុះបានអោយដឹងនៅព្រឹកថ្ងៃទី២៧ ខែវិច្ឆិកានេះថា៖ អនុវត្តនតាមលិខិតបង្គាប់ការរបស់លោក ឃួន សៅរុំ អភិបាលស្រុកនិងជាប្រធានគណៈបញ្ជាការឯកភាពស្រុកបរិបូណ៌ ចុះថ្ងៃទីទី២០ ខែវិច្ឆិកា ឆ្នាំ២០១៥ បានកំណត់អោយក្រុមការងារចំរុះរៀបចសណ្តាប់ធ្នាប់លក់ដូរនៅផ្សារមាត់កំពង់ឃុំឆ្នុកទ្រូគឺ.១រៀបសណ្តាប់ធ្នាប់តាមដងផ្លូវលំ , ២.រៀបចំមិនអោយមានការលក់ដូរតាមមាត់ប្រឡាយប៉ែកខាងលិចចាប់ពីមុខសាលាឃុំឆ្នុកទ្រូដល់ផ្សារទួលតាវង្ស , ៣.រាល់ការចតរថយន្តដឹកកសិផល និងដឹកផលនេសាទត្រូវចតនៅជួរផ្លូវតែមួយអែបមាត់ប្រឡាយ ដើម្បីកុំអោយទឹកស្អុយធ្លាក់ពីលើរថយន្តដឹកផលនេសាទហូរមកលើផ្លូវលំប៉ះពាល់ដល់ការធ្វើចរាចរណ៍ , ៤.ពិនិត្យនិងណែនាំអ្នកលក់ដូរកុំអោយបោសសំរាមចូលក្នុងប្រឡាយទឹក , ៥.ប្រធានក្រុមការងារត្រូវរាយការណ៍អំពីលទ្ធផលដែលធ្វើបានប្រចាំថ្ងៃនិងបញ្ហាប្រ ឈ ម ជូនទៅគណៈបញ្ជាការឯកភាពស្រុកពិនិត្យនិងដោះស្រាយ។
លោកប្រធានក្រុមការងារបានអោយដឹងទៀតថា៖ ការអនុវត្តផែនការខាងលើនេះក្រុមការងារបានតំរូវអោយអ្នកលក់ដូរ ៥នាក់ លើករោងលក់ដូរចេញពីមាត់ប្រឡាយទៅរកទីតាំងលក់ដូរថ្មី ដើម្បីទុកកន្លែងនោះរៀបចំចំណតរថយន្តដឹកកសិផលនិងផលនេសាទ។ការផ្លាស់ផ្តូររោងលក់ដូរទាំង៥ខាងលើបានលិចឮពាក្យចរចាមអារាមថា៖ ក្រុមការងារចំរុះមិនគិតគូរអាជីវករលក់ដូរក្រីក្រ បែរជាយកកន្លែងពួកគាត់ទៅអោយពួកអ្នកមានលុយ ចតរថយន្តទៅវិញ។
លោកប្រធានក្រុមការងារបានបញ្ជាក់អោយដឹងថា៖ ករណីចោទប្រកាន់នេះមិនមែនជាការពិតឡើយ គឺក្រុមការងារបានអនុវត្តតាមផែនការរៀបចំសណ្តាប់ធ្នាប់លក់ដូរ តាមផែនការរបស់គណៈបញ្ជាការឯកភាពស្រុកតែប៉ុណ្ណោះ ដើម្បីអោយផ្សារមាត់កំពង់ឃុំឆ្នុក
ទ្រូមានសណ្តាប់ធ្នាប់ អនាម័យ និងមានបរិដ្ឋានល្អ ដើម្បីសុខមាភាព និងផលប្រយោជន៍រួមរបស់ប្រជាពលរដ្ឋទូរទៅនៅក្នុងផ្សារឃុំឆ្នុកទ្រូ ស្រុកបរិបូណ៌៕
