ខេត្តកំពង់ឆ្នាំង៖ស្ត្រីម្នាក់បានយកក្រមាចងកសម្លាបខ្លួននិងមែកឈើក្បែរគុម្ពឬស្សី រហូតសពមានសភាពស្អុយរលួយបន្ទាប់ពីបានបាត់ខ្លួនពីផ្ទះអស់រយៈពេល៣ថ្ងៃ ទើបក្រុមគ្រួ សារបានរកឃើញនៅម៉ោង២និង១៥នាទីរសៀល ថ្ងៃទី២៥ ខែវិច្ឆិកា ឆ្នាំ២០១៥ នៅភូមិស្រាងខ្ពស់ ឃុំ
ពង្រ ស្រុករលាប្អៀរ ខេត្តកំពង់ឆ្នាំង។ សមត្ថកិច្ច នគរបាលមូលដ្ឋានបានអោយដឹងថា៖ សពស្ត្រីរូបនេះមានឈ្មោះ កែវ សា រិន អាយុ៦០ឆ្នាំ រស់នៅភូមិអណ្តូងពោធ៌ ឃុំពង្រ ស្រុករលាប្អៀរ ខេត្តកំពង់ឆ្នាំង។កាលពីថ្ងៃទី២១ ខែវិច្ឆិកា ឆ្នាំ២១៥ ស្ត្រីរូបនេះបានមកលេងបងប្អូនគាត់នៅភូមិស្រាងខ្ពស់ ឃុំពង្រ ស្រុកលាប្អៀរ លុះដល់ថ្ងៃទី២៣ ខែវិច្ឆិកា នៅវេលាម៉ោង៤ល្ងាច ស្ត្រីរូបនេះបានចេញបាត់ពីផ្ទះបងប្អូន នៅពេលនោះបងប្អូនបាននាំគ្នាដើររកដែរតែរកមិនឃើញឡើយ។
លុះដល់ថ្ងៃទី២៥ វិច្ឆិកា ឆ្នាំ២០១៥ នៅវេលាម៉ោង២និង១៥នាទីរសៀល មានក្មួយស្រីម្នាក់របស់សពស្ត្រីរូបនោះបានទៅមើលទា ហើយពេលដេញទាចុះទឹក ដែលនៅក្បែរគុម្ពឬស្សីនោះ ក៍ស្រាប់តែមានធុំក្លិនស្អុយ ពេលនាងបានដើររកមើល ក៍បានប្រទះឃើញសពស្ត្រីរូបនេះ ចងកសម្លាប់ខ្លួនដោយយកក្រម៉ាចងកទៅនឹងមែកឈើក្បែរដើមឬស្សី ហើ យនាងក៍បាន រត់ទៅប្រាប់អ្នកផ្ទះអោយមកមើល និងក៏បានរាយការណ៍ជូនសមត្ថកិច្ចនគរបាលលដ្ឋាន ដើម្បីមកធ្វើការពិនិត្យសាកសពនៅកន្លែងកើតហេតុ។
ក្រោយពីសមត្ថកិច្ចពិនិត្យសាកសពរួចមកបានសន្និដ្ឋានអោយដឹងថា៖ ស្ត្រីរូបនេះ ពិតជាបានចងកសម្លាប់ខ្លួនឯងពិតប្រាកដមែន ដោយសារតែតូចចិត្តនឹងមានជំងឺប្រចាំកាយក្រីក្រគ្មានលទ្ធភាពព្យាបាល។បន្ទាប់មកសមត្ថកិច្ចក៏បានប្រគល់សពជូនក្រុមគ្រួសារគាតដើម្បីយកទៅធ្វើបុណ្យទានតាមប្រពៃណីនៅក្នុងមូលដ្ឋាន៕
