ខេត្តកំពង់ឆ្នាំង៖ នៅក្នុងសាលប្រជុំសាលាខេត្តកំពង់ឆ្នាំង នាព្រឹកថៃ្ងទី២៧ ខែវិច្ឆិកា ឆ្នាំ២០១៥ មានបើកកិច្ចប្រជុំផ្សព្វផ្សាយផែនការណែនាំស្តីពីការរៀបចំកែលំអរសោភ័ណ្ឌភាពដើម្បីត្រៀមលក្ខណៈរៀបចំបុណ្យឆ្លងឆ្នាំសកល និងបុណ្យជ័យជំនៈ៧មករា១៩៧៩, ៧មករា២០១៦ខាង
មុខនេះ អោយមានលក្ខណៈល្អប្រសើរ។កិច្ចប្រជុំនេះប្រព្រឹត្តទៅក្រោមអធិបតីភាពឯកឧត្តម ឈួរ ច័ន្ទឌឿន អភិបាលខេត្តកំពង់ឆ្នាំងដោយមានការអញ្ជើញចូលរួមពីលោកលោកស្រីប្រធានមន្ទីរអង្គភាពជុំវិញខេត្តនិងអភិបាលក្រុង/ស្រុកទាំង៨ចូលរួមផងដែរ។
ឯកឧត្តម ឈួរ ច័ន្ទឌឿន អភិបាលខេត្តកំពង់ឆ្នាំងបានមានប្រសាសន៍ថា៖ ដើម្បីអោយប្រជាពលរដ្ឋបានសប្បាយរីករាយនៅក្នុងឱកាសបុណ្យឆ្លងឆ្នាំសកល និងបុណ្យេជ័យជំនៈ៧មករា១៩៧៩ , ៧មករា២០១៥គឺគ្រប់ស្រុក ក្រុង ក្នុងខេត្ត ត្រូវធ្វើការកែលំអរសោភ័ណ្ឌភាពដោយមានដាក់បណ្តាពាក្យស្លោកចងទង់ជាតិតាំងភ្លើងពណ៌តាមអង្គភាពទីសាធារណៈគ្រប់ទីកន្លែងជាពិសេសត្រូវដាក់ភ្លើងពណ៌នៅតាមផ្លូវសាធារណៈអោយមានភាពស្រស់បំព្រងក្នុងក្រុងកំពង់ឆ្នាំង និងធ្វើអនាម័យអោយមានបរិស្ថានល្អប្រសើរក្នុងក្រុងកំពង់ឆ្នាំងនិងនៅតាមទីសាធារណៈផ្សេងៗក្នុងខេត្ត,។ ដោយត្រៀមរៀបចំទីកន្លែងសំរាប់បាញ់កម្រូច ,រៀបចំតន្ត្រីកំសាន្ត,ត្រៀមរៀបចំការប្រកួតបាល់ទាត់ពានរង្វាន់៧មករាប្រចាំខេត្តកំពង់ឆ្នាំង និងត្រូវធានាសុវត្ថិភាពអោយបានល្អនៅក្នុងឱកាសបុណ្យឆ្លងឆ្នាំសកល និងបុណ្យជ័យជំនៈ៧មករា១៩៧៩.៧មករាឆ្នាំ២០១៦ អោយមានសុវត្ថិភាពនិងស្ថេរភាពល្អជូនប្រជាពលរដ្ឋដើរលេងកំសាន្ត ត្រូវទប់ស្កាត់ចៀសវាងកុំអោយកើតមានអំពើហឹង្សាផ្សេងៗជាពិសេសធ្វើយ៉ាងណាកាត់បន្ថយអោយបាននូវគ្រោះថ្នាក់ចរាចរណ៍។
ឯកឧត្តម ឈួរ ច័ន្ទឌឿន អភិបាលខេត្តកំពង់ឆ្នាំងបានមានប្រសាសន៍ផ្តាំផ្ញើដល់មន្ទីរអង្គភាពពាក់ព័ន្ធនិងអភិបាលក្រុង/ស្រុកក្នុងខេត្ត ដើម្បីអនុវត្តអោយល្អការប្រារព្ធពិធីបុណ្យឆ្លងឆ្នាំសកលនិងបុណ្យជ័យជំនៈ៧មករា១៩៧៩.៧មករាឆ្នាំ២០១៥ និងសំរេចបានជោគជ័យគ្រប់ស្ថាប័នពាក់ព័ន្ធទាំងអស់ ដោយត្រូវត្រៀមលក្ខណៈនិងសហការគ្នាអោយបានជិតស្និត ចាប់ផ្តើមរៀបចំក្រោយពេលប្រជុំនេះទៅដល់ពេលប្រារព្ធពិធីអោយទទួលបានប្រសិទ្ធភាពខ្ពស់ និងធ្វើអោយពិធីមានលក្ខណៈល្អប្រសើរតាមផែនការដែលគណៈបញ្ជាការឯកភាពខេត្តបានដាក់ចុះក្នុងពេលនេះ៕
