ខេត្តតាកែវ៖ នៅព្រឹកថ្ងៃទី៣០ ខែវិច្ឆិកា ឆ្នាំ២០១៥ លោកវរសេនីយ៍ឯក ពៅ លន់ ស្នងការរងទទួលផែនគ្រប់គ្រងធនធានមនុស្ស នៃស្នងការដ្ឋាននគរបាលខេត្តតាកែវ បានដឹកនាំក្រុម ការងាររបស់ស្នងការដ្ឋាននគរបាលខេត្ត សហការជាមួយកម្លាំងជំនាញ នៃអធិការដ្ឋាននគរ បាលស្រុកត្រាំកក់ និងអាជ្ញាធរភូមិ-ឃុំ ចុះចែកអត្តសញ្ញាណប័ណ្ណសញ្ជាតិខ្មែរចំនួន ៦៣០៣ សន្លឹក ប្រុស ២៧៣៦សន្លឹក ជូនប្រជាពលរដ្ឋនៅឃុំលាយបូរ ស្រុកត្រាំកក់ ខេត្តតាកែវ។ ថ្លែងក្នុងឱកាសនោះដែរ លោកវរៈសេនីយ៍ឯក ពៅ លន់ បានផ្តាំផ្ញើដល់ប្រជាពលរដ្ឋដែលបានទទួលអត្តសញ្ញាណប័ណ្ណប្រភេទថ្មីនេះត្រូវចេះថែរក្សាទុកដាក់ឲ្យបានល្អ និងប្រជាពលរដ្ឋដែលគ្រប់អាយុត្រូវធ្វើមិនទាន់បានចុះឈ្មោះធ្វើត្រូវរួសរាន់ទាក់ទង់មន្ត្រីជំនាញតាមរយៈមេភូមិ មេឃុំ និង មេប៉ុស្តិ៍រដ្ឋបាលដើម្បីធ្វើអត្តសញ្ញាណប័ណ្ណថ្មីនេះឲ្យបានគ្រប់ៗគ្នា៕
