ខេត្តកំពង់ឆ្នាំង៖ ការអភិវឌ្ឍន៍ខេត្តកំពង់ឆ្នាំប៉ុន្មានឆ្នាំចុងក្រោយនេះមានការរីកចំរើនគួរអោយ
កត់សំគាល់ ក្នុងនោះមានការកសាងផ្លូវកៅស៊ូក្នុងក្រុង ការរៀបចំប្រពន្ធ័អគ្គីសនីតាមទីសាធារណៈ ការរៀបចំសណ្តាប់ធ្នាប់លក់ដូរតាមទីផ្សារ តាមតំបន់ទេសចរណ៍មាត់ទន្លេផ្សារក្រោមបានធ្វើអោយប្រជាពលរដ្ឋក្នុងខេត្តកំពង់ឆ្នាំងមានមោទនៈភាពយ៉ាងខ្លាំង។
ជាក់ស្តែងក្រោមការដឹកនាំរបស់សម្តេចតេជោ ហ៊ុន សែន ជានាយករដ្ឋមន្ត្រីនៃព្រះរាជា
ណាចក្រកម្ពុជា និងដោយមានការយកចិត្តទុកដាក់ដឹកនាំពីសំណាក់ឯកឧត្តម ឈួរ ច័ន្ទឌឿន អភិបាលនៃគណៈអភិបាលខេត្តកំពង់ឆ្នាំង បានធ្វើអោយទីក្រុងកំពង់ឆ្នាំងកំពុងមានមុខមាត់ថ្មីដ៏ស្រស់បំព្រង។ ក្នុងនោះនៅពេលរាត្រីនាថ្ងៃបុណ្យអុំទូកកន្លងមកនេះ សាលាខេត្តកំពង់ឆ្នាំងបានរៀបចំតុបតែងលំអរអគ្គីសនីក្នុងសាលាខេត្ត តាមសួនឧទ្យានក្នុងក្រុង តាមដងផ្លូវសាធារណៈភ្លឺព្រោងព្រាតមិនចាញ់ទីក្រុងមួយចំនួននៅក្នុងប្រទេសកម្ពុជាឡើយ។
មន្ត្រីសាលាខេត្តម្នាក់បានអោយដឹងថា៖ ថ្មីៗនេះសាលាខេត្តកំពង់ឆ្នាំងបានចំណាយថវិ
ការជាង១០០លានរៀល អោយក្រុមហ៊ុនអគ្គីសនីក្នុងខេត្តរៀបចំដងគោមអគ្គីសនីបំភ្លឺតាមផ្លូវ
ក្នុងក្រុងកំពង់ឆ្នាំងចំនួន២ខ្សែគឺ ១ខ្សែពីសាលាខេត្តទៅផ្សារក្រោម និង១ខ្សែទៀតពីបេនឡាន
ផ្សារលើទៅដល់មន្ទីរសុរិយោដីខេត្ត។ ដោយឡែកក្នុងខាងមុខនេះត្រូវរៀបដងគោមអគ្គីសនី១ខ្សែទៀតពីចំណុចស្ថានីយប្រេងឥន្ទៈត្រពាំងគងទៅផ្សារដើមគរ ចុងភូមិម៉ុងបារាំង សង្កាត់ប្អេរ បត់ទៅលើផ្លូវជាតិលេខ៥ចំណុចផ្ទះសំណាក់ផ្កាយព្រឹក ជាប្រយោជន៍សំរាប់អោយរថយន្តបើកបរនៅលើផ្លូវជាតិលេខ៥ បញ្ចៀសចរាចរណ៍ម្តងម្កាលក្នុងពេលអាជ្ញាធរខេត្តប្រារព្វធ្វើបុណ្យជាតិផ្សេងៗនៅសួនច្បារវិមានឯករាជ្យកណ្តាលក្រុងកំពង់ឆ្នាំង។
ឯកឧត្តម ស៊ុន សុវណ្ណរិទ្ធ អភិបាលរងខេត្តកំពង់ឆ្នាំង និងជាប្រធានគណៈកម្មការរៀបចំសណ្តាប់ធ្នាប់ខេត្តកំពង់ឆ្នាំងបានអោយដឹងថា៖ នៅក្នុងឆ្នាំ២០១៦ខាងមុខនេះអាជ្ញាធរខេត្តកំព
ង់ឆ្នាំង នឹងអភិវឌ្ឍន៍តំបន់ទេសចរណ៍មាត់ទន្លេផ្សារក្រោម ដោយមានគំរោងកសាងផ្លូវ១ខ្សែមានប្រវែងជាង២គីឡូម៉ែត្រអោយផុតទឹកទន្លេលិច ពីផ្លូវដាច់ក្នុងភូមិចុងកោះចំណុចកំពង់ផែយឿត្រី ទៅកាន់ចុងភូមិចុងកោះ សង្កាត់ផ្សារឆ្នាំង និងជួសជុលផ្លូវលំអោយទៅជាផ្លូវកៅស៊ូ ពីចុងភូមិចុងកោះ ចេញទៅលើផ្លូវជាតិលេខ៥ចំណុចវត្តខ្សាម សង្កាត់ខ្សាមក្រុងកំពង់ឆ្នាំង។
នៅក្នុងឆ្នាំ២០១៦នេះដែរ ខេត្តមានក៏មានគំរោងអោយក្រុមវិនិយោគទន់ កសាងផ្សារធំមួយកន្លែងនៅចុងភូមិចុងកោះដែលមានតូបលក់ដូរជាង១ពាន់តូប ដើម្បីរៀបចំអោយប្រជាពលរដ្ឋនៅផ្សារឆ្នាំង និងផ្សារក្រោមចូលលក់ដូរ និងរៀបចំសាង់សង់ផ្ទះល្វែង សំរាប់អោយប្រ
ជាពលរដ្ឋរស់នៅលើផ្ទះបណ្តែតទឹកក្នុងទន្លេ ឡើងមកជួលស្នាក់នៅ ឬអាចទិញយកដោយបង់ប្រាក់រំលោះ ដែលគំរោងអភិវឌ្ឍន៍ខាងលើនេះនិងប្រកាស់ជាផ្លូវការនៅដើមឆ្នាំ២០១៦ខាងមុខនេះហើយ៕
