រាជធានីភ្នំពេញ៖ កម្មការនីម្នាក់ត្រូវក្រុមចោរប្រើល្បិចចាស់កំរឹលដោយយកកញ្ចប់មាសក្លែងក្លាយមកទំលាក់ចោលអោយជនរងគ្រោះឃើញហើយក៍នាំគ្នាគៀបសីុយករបស់របរអស់ពីខ្លួនហើយនាំគ្នាគេចខ្លួនបាត់។ ហេតុការណ៍នេះបានកើតឡើងកាលពីវេលាម៉ោង7និង00នាទីថ្ងៃទី8 ខែឧសភា ឆ្នាំ2014 នៅចំណុចមុខផ្សារសាំមហាន់ ស្ថិតក្នុងភូមិទួលសង្កែ សង្កាត់ទួលសង្កែ ខណ្ឌឬស្សីកែវ រាជធានីភ្នំពេញ។ នារីរងគ្រោះដែលត្រូវក្រុមចោរប្រើល្បិចទំលាក់យោងបោកយកទ្រព្យសម្បត្តិអស់ពីខ្លួននោះឈ្មោះ ឈុន សុភា ភេទស្រី អាយុ27ឆ្នាំមុខរបរកម្មការនីរោងចក្រលឹម ឡាញ ស្នាក់នៅផ្ទះជួលជិតវត្តទួលសង្កែ សង្កាត់ទួលសង្កែ ខណ្ឌឬស្សីកែវ រាជធានីភ្នំពេញ។
បើតាមការរៀបរាប់ពីកម្មការនីរោងចក្រដែលជានារីរងគ្រោះបានអោយដឹងថា៖ មុនពេលកើតហេតុនាងបានដើរទៅធ្ើការដូចសព្វមួយដងលុះមកដល់មុខផ្សាសាំមហាន់ មានស្ត្រីម្នាក់បានជិះម៉ូតូពីមុខគាត់ហើយបានជ្រុសកញ្ចប់មួយដែលមានរុំក្រណាត់ពណ៍ក្រហមហើយគាត់ហើយគាត់ក៍បានរើសស្រែកប្រាប់ស្ត្រីរូបនោះតែស្ត្រីរូបនោះមិនបានឮហើយបានជិះម៉ូតូទៅបាត់ស្រាប់តែពេលនោះមានស្ត្រី2នាក់បានដើរមកជិតគាត់ហើយក៍បានទះស្មាគាត់និងបបួសគាត់ចែករបស់ដែលរើសបាន
នោះពេលដែលស្ត្រី2នាក់នោះបានទះស្មារបស់គាត់ពេលនោះគាត់ហាក់ដូចមានអារម្មណ៍ថា មិនសូវដឹងខ្លួនហើយក៍ត្រូវបានស្ត្រី2នាក់នោះហៅម៉ូតូឌុបជិះនាំគាត់ទៅក្រោយមន្ទីពេទ្យIU ស្ថិតក្នុងភូមិភ្នំពេញថ្មី សង្កាត់ភ្នំពេញថ្មី ខណ្ឌសែនសុខ រាជធានីភ្នំពេញ ពេលដែលគាត់កំពុងតែជិះម៉ូតូជាមួយស្ត្រី2នាក់នោះបានពាក់កណ្ដាលផ្លូវស្រាប់តែស្ត្រីដែលជាក្រុមជើងល្អនោះបានបញ្ជារអោយគាត់ដោះខ្សែក ចិញ្ចៀន និងកាបូបលុយរបស់គាត់ៗក៍បានធ្វើតាមដោយមិនដឹងខ្លួនពេលដែលក្រុមស្ត្រីជើងល្អ
រូបនោះបានរបស់របររបស់គាត់ហើយស្រាប់តែស្ត្រីទាំង2នាក់នោះបានអោយគាត់ចុះពីលើម៉ូតូដោយទុកគាត់ចោលក្នុងដីឡូមួយកន្លែងហើយពួកគេក៍បាននាំគ្នាជិះម៉ូតូគេចខ្លួនបាត់ស្រមោលប្រហែលជា1ម៉ោងក្រោយមកគាត់ហាក់មានអារម្មណ៍ដឹងខ្លួនវិញពេលនោះទើបគាត់ដឹងថា គាត់ត្រូវគេដាក់ថ្នាំយកទ្រព្យសម្បត្តិគាត់ក៍បានទូរសព្ទហៅបងប្អូនរបស់គាត់មកដឹកត្រឡប់យកទៅផ្ទះវិញហើយគាត់ក៍បានទៅដាក់ពាក្យបណ្ដឹងនៅប៉ុស្តិ៍ទួលសង្កែ។
ទ្រព្យសម្បត្តិដែលត្រូវក្រុមចោរប្រើល្បិចទំលាក់យោងដាក់ថ្នាំយកទៅបានសំរេចនោះមានខ្សែកផ្លាក់ទីន1ខ្សែទម្ងន់3ជី ចិញ្ចៀនមាស1វ៉ងទម្ងន់3ជី លុយដុល្លាចំនួន300ដុល្លារនិង កាតគ្រីម៉ូតូចំនួន1។ គួរបញ្ចាក់ថា៖ បទល្មើសជាច្រើនកំពុងតែចាប់ផ្ដើមកក្រើកឡើងជាបន្តបន្ទាប់ទៀតហើយនៅក្នុងទឹកដីសង្កាត់ទួលសង្កែ ខណ្ឌឬស្សីកែវ ជាពិសេសកន្លែងលេងល្បែង
ដែលតំរៀបគ្នាជាជួរនៅលើផ្លូវរថភ្លើងកំពុងតែផ្កើនដល់សមត្តកិច្ចទៀតផងគេពុំឃើញមានសមត្តកិច្ចណាចុះទៅបង្គ្រាប់ឡើយប្រជាពលរដ្ធមានការភ័យខ្លាច់យ៉ាងខ្លាំងបន្ទាប់ពីឃើញសង្កាត់របស់ខ្លួនកំពុងតែមានបទល្មើសកើតឡើងជាបន្តបន្ទាប់ហើយគ្នាសមត្តកិច្ចណាហានបង្គ្រាប់នោះទេ៕ 
