ខេត្តកំពង់ឆ្នាំង៖ ឯកឧត្តម ឈួរ ច័ន្ទឌឿន អភិបាលខេត្ត និងប្រធានរណសិរ្យសាមគ្គីអភិវឌ្ឍន៍មាតុភូមិកម្ពុជាខេត្តកំពង់ឆ្នាំង នៅព្រឹកថ្ងៃទី៣០ ខែវិច្ឆិកា ឆ្នាំ២០១៥ ដើម្បីអបអរថ្ងៃកំណើតរណសិរ្សសាមគ្គីអភិវឌ្ឍន៍មាតុភូមិកម្ពុជា២ធ្នូ បានដឹកនាំក្រុមការងាររបស់ខេត្ត ចុះសួរសុខទុក្ខ ផ្តល់អំ ណោយ និងបានរៀបចំអាហារថ្ងៃត្រង់យ៉ាងឆ្ងាញ់មួយពេល ជូនដល់កុមារកំព្រាចំនួន៤៥ទទួ លទានជាមួយគ្នានៅក្នុងមណ្ឌលកុមារកំព្រាខេត្តកំពង់ឆ្នាំង។
លោក នុត ត្រសុំ ប្រធានមណ្ឌលកមារកំព្រាខេត្តកំពង់ឆ្នាំងបាននិយាយអោយដឹងថា៖ កុ
មារកំព្រានៅក្នុងមណ្ឌលសព្វថ្ងៃមានចំនួន៤៥នាក់ មានស្រី២១នាក់ ក្នុងនោះកុមារដែលបានទទួលការចិញ្ចឹមពីរដ្ឋមានចំនួន១៣នាក់ មានស្រី៧នាក់ ដោយក្នុង១ខែៗរដ្ឋបានឧបត្ថម្ភថវិការ ចំនួន១៥ម៉ឺនរៀល ដោយឡែកអង្គការកុមារអាស៊ីអាស់ស្ពេកាក៏មានជួយឧបត្ថម្ភថវិការក្នុង១ខែៗ១៥ម៉ឺនរៀលផងដែរសំរាប់ដោះស្រាយជីវភាពប្រចាំថ្ងៃ។ ទន្ទឹមនេះដែរមណ្ឌលកុមារកំព្រា
ខេត្តក៏បានទទួលការគាំពារពីមន្ទីរសុខាភិបាលខេត្ត និងមន្ទីរពេទ្យខេត្ត លើកលែងការបង់ថ្លៃសេវាព្យាបាលជម្ងឺ និងការថែទាំសុខភាព ជូនកុមារកំព្រាផងដែរ។
ចំពោះការសិក្សារៀនសូត្រកុមារ២នាក់បានរៀននៅសាលាមតេយ្យ ១៨នាក់រៀននៅបឋ
មសិក្សា ២០នាក់រៀននៅមធ្យមសិក្សា ១នាក់រៀនកាត់ដេរ ២នាក់ពិការរៀនមិនកើត និង២នាក់ទៀតនៅតូចមិនទាន់ចូលរៀន។ លោកប្រធានមណ្ឌលកុមារកំព្រាក៏បានសំណូមពរ និងអំ
ពាវនាវផងដែរ ដល់ឯកឧត្តមអភិបាលខេត្ត ក្រសួងអប់រំ និងលោកនាយកមហាវិទ្យាល័យនានា
នៅក្នុងប្រទេស មេត្តាជួយផ្តល់អាហាររូបករណ៍ដល់ក្មួយៗកុមារកំព្រាដោយក្តីអនុគ្រោះផងចុះ
ដើម្បីផ្តល់ឱកាសអោយពួកគេរៀនសូត្រចាប់យកអាជីបចិញ្ចឹមជីវិតបានល្អទៅអនាគត។
ឯកឧត្តម ឈួរ ច័ន្ទឌឿន នៅក្នុងឱកាសនេះដែរបានផ្តាំផ្ញើដល់ក្មួយៗកុមារកំព្រាទាំងអស់
អោយខិតខំរៀនសូត្រដើម្បីក្លាយខ្លួនជាពលរដ្ឋល្អមានប្រយោជន៍នៅក្នុងសង្គមជាតិ ដោយត្រូវ
ជៀសអោយឆ្ងាយពីគ្រឿងញៀន ក្មេងទំនើង និងត្រូវចេះសាមគ្គីស្រឡាញ់គ្នានៅក្នុងមណ្ឌល។
ដោយឡែកឯកឧត្តមក៏សូមអំពាវនាវផងដែរ ដល់សប្បុរសជនក្នុងខេត្ត តាមមន្ទីរអង្គភាព ព្រះគ្រូចៅអធិការតាមវត្តអារាមនានាក្នុងខេត្ត មេត្តាជួយបរិច្ចាកថវិការឧបត្ថម្ភដល់មណ្ឌលកុមារកំព្រាក្នុងខេត្តផងចុះ ព្រោះថាអត់ពីឪពុកម្តាយគេទៅកុមារកំព្រាទាំងអស់គេសង្ឃឹមលើយើងទាំ
ងអស់គ្នានឹងហើយ។
នៅក្នុងពិធីនេះឯកឧត្តម ឈួរ ច័ន្ទឌឿន និងលោកជំទាវ កែ ច័ន្ទមុនី ជាអ្នកតំណាងរាស្ត្រមណ្ឌលកំពង់ឆ្នាំងបានឧបត្ថម្ភថវិការចំនួន៤០ម៉ឺនរៀលកុមារកំព្រានៅក្នុងមណ្ឌល និងក៏បានរៀបចំអាហារយ៉ាងឆ្ងាញ់មួយពេលថ្ងៃត្រង់ជូនដល់កុមារកំព្រា ដោយទទួលទានរួមគ្នាយ៉ាងជិតស្និតជាមួយក្រុមការងារទាំងអស់ផងដែរ៕
