ឧត្តរមានជ័យ៖ កាលពីវេលាម៉ោង៨និង១០នាទី ថ្ងៃទី៣ ខែឆ្នូ ឆ្នាំ២០១៥ ដឹកនាំដោយលោកខាន់ រ៉ាត់ ប្រធានសាខាកាំកុងត្រូល ខេត្តឧត្តរមានជ័យនិងសហការី មន្ទីរកសិកម្មស្រុកបានចុះធ្វើការត្រួតពិនិត្យ នៅទីផ្សារត្រពាំងប្រាសាទ ស្រុកត្រពាំងប្រាសាទ ខេត្តឧត្តរមានជ័យ។លោកខាន់ រ៉ាត់ ប្រធានសាខាកាំកុងត្រូលខេត្ត បានអោយដឹងថា ការដែលកម្លាំងរបស់លោកចុះ មកត្រួតពិនិត្យ ផ្សារត្រពាំងប្រាសាទនេះ ដើម្បីធ្វើការណែនាំដល់ អាជីវករឲ្យយល់ដឹង ពីសុវត្ថិភាព ម្ហូបអាហារ អំពីការដាក់តាំងលក់ អោយមានអនាម័យ និងពន្យល់បង្ហាញពីកាលបច្ឆេទរបស់ ទំនិញ មុននិងទទួលយកមក ដាក់តាំងលក់ ជាក់ស្តែង កម្លាំងរបស់លោកបាន ត្រួតពិនិត្យឃើញ
កំទេច មីកញ្ចប់ សរុបចំនួន១៥០កញ្ចប់និងទឹកអូឈិជ កំប៉ុងចំនួន១៩កំប៉ុងនិងម្សៅទឹកដោះគោ កូនក្មេងចំនួន១កំប៉ុង។លោកខាន់ រ៉ាត់ ប្រធានសាខាកាំកុងត្រូលខេត្ត បានឲ្យដឹងទៀតថា រយះពេលកន្លងមកមានប្រជាពលរដ្ឋជាច្រើននាក់ បានយកទំនិញគ្រឿងហូប ខូចគុណភាព យកទៅដាក់លក់ នៅតាមផ្សារ តាមសាលារៀនដោយពុំបានត្រួតពិនិត្យពី មន្ត្រីកាំកុងត្រូលឡើយចេះ តែដាក់លក់ឲ្យក្មេងហូបយ៉ាង អានាធិបតេយ្យ ក្មេងខ្លះ ក្រោយពីហូបហើយធ្វើឲ្យ រាករូសនិងឈានទៅដល់ខូចសុខភាព នៅថ្ងៃមុខទៀតផង។លោកប្រធានសាខាកាំកុងត្រូលខេត្ត បាននិយាយទៀតថា ចំណែកនៅតាមទីផ្សារវិញមានគេលួចដាក់ របស់ខូចគុណភាពឫហួសឌីលេជាច្រើន ដាក់លក់ ដែលជាហេតុ បណ្តាលឲ្យប្រជាពលរដ្ឋទិញយកទៅ ទទួលទាន ខូចសុនភាព យ៉ាងខ្លាំងទៀផង.នៅក្នុងពេលនោះ. ព្រមទាំងបានធ្វើ កិច្ចសន្យា ជាមួយអាជីវករ រួចធ្វើការណែនាំពីច្បាប់ ស្តីពី សុវត្ថិភាព ម្ហូបអាហារផងដែរ៕
