ឧត្តរមានជ័យ៖ កាលពីវេលាម៉ោង២និង២០នាទី ថ្ងៃទី២ ខែឆ្នូ ឆ្នាំ២០១៥ លោកឧត្តម សេនីយ៍ត្រី ម៉ែន លី ស្នងការនគរបាលខេត្តឧត្តរមានជ័យ បានអញ្ចើញ ចុះមកត្រួតពិនិត្យមើលនិងណែនាំដល់ក្រុមការងារ ខេត្ត ស្រុក ប៉ុស្តិ៍រដ្ឋបាល ជុំវិញការងារ បំពេញ បែបបទ ធ្វើអត្ត
សញ្ញាណប័ណ្ណ សញ្ជាតិខ្មែរគំរូថ្មី ដែលមានចំនួន២ស្រុក គឺ ស្រុកអន្លង់វែនឹងស្រុកត្រពាំងប្រាសាទ។លោកឧត្តមសេនីយ៍ត្រីម៉ែន លី ស្នងការនគរបាលខេត្ត បានណែនាំដល់ សមត្ថកិច្ច ជំនាញដែលចុះមកធ្វើ អត្តសញ្ញាណប័ណ្ណ ជូនប្រជាពលរដ្ឋ ត្រូវចុះឈ្មោះបញ្ជីរ ការបំពេញបែបបទ ផ្ទាងផ្ទត ឲ្យបានច្បាស់លាស់ ការយកភិនភាគ ស្លាកស្នាមនិងយកកំពស់ត្រឹមត្រូវ យកខ្ចៅដៃនិងថតរូប។ល។ក្នុងនោះផងដែរ លោកឧត្តមសេនីយ៍ ម៉ែន លី ស្នងការនគរបាលខេត្ត បានជួបសំណេះសំណាល ជាមួយលោកមេឃុំ មេភូមិនិងប្រជាពលរដ្ឋដែលមក បំពេញបែបបទ ធ្វើអត្តសញ្ញាណប័ណ្ណ នៅទីតាំងផ្ទះរបស់លោកមេភូមិឈើទាលជ្រុំ ឃុំអូរស្វាយ ស្រុកត្រពាំងប្រាសាទ ខេត្តឧត្តរមានជ័យ។លោកស្នងការនគរបាលខេត្ត បានបញ្ចាក់ ប្រាប់ឲ្យដឹងទៀតថា ការដែលកម្លាំងសមត្ថកិច្ច យើងចុះមកធ្វើ អត្តសញ្ញាណប័ណ្ណ សញ្ជាតិខ្មែរគំរូថ្មីនេះ មិនមែនធ្វើ តែមួយស្រុកឫ២ស្រុកនោះទេ គឺធ្វើទូទាំង ខេត្តឧត្តរមានជ័ ក្នុងមួយថ្ងៃៗរាប់រយ រាប់ពាន់នាក់ ដើម្បីបំពេញ តាមតំត្រូវការរបស់ប្រជាពលរដ្ឋ ក៏ដូចតាមបទបញ្ជារបស់អគ្គស្នងការនគរបាលជាតិផងដែរ៕
