ខេត្តកំពង់ឆ្នាំង៖ ដោយមានការរាយការណ៍ពីប្រជាពលរដ្ឋល្អ ម៉ាស៊ីនថាស់លួចលាក់អាឈើក្នុងព្រៃជាយូ រឆ្នាំ២កន្លែងត្រូវបានក្រុមអ្នកសារ័ត៌មានរកឃើញ និងបានរាយការណ៍ជូនលោកព្រះរាជអាជ្ញាសាលដំបូងខេត្ត បញ្ជារអោយសមត្ថកិច្ចចំរុះចុះមកបង្ក្រាប។ ករណីបង្ក្រាបបទល្មើសព្រៃឈើខាងលើនេះបានធ្វើឡើងនៅវេលម៉ោង១១និង៣០នាទី ព្រឹកថ្ងៃទី០២ ខែធ្នូ ឆ្នាំ២០១៥ ស្ថិតនៅក្នុងព្រៃក្នុងភូមិក្តុល ឃុំក្រាំងស្គារ ស្រុកទឹកផុស ខេត្តកំពង់ឆ្នាំង។
កម្មករស៊ីឈ្នួលអារឈើលួចលាក់ក្នុងទីតាំងខាងលើនេះបានអោយដឹងថា៖ ទីតាំងទី១ដែលមាន
ឈើច្រើនមានម្ចាស់ឈ្មោះ ភន្ត័ ភេទស្រី រស់នៅក្នុងភូមិឃុំខាងលើ។ ទីតាំងទី២ក្រុមអ្នកសារព័ត៌មានបានរុករកឃើញនៅម៉ោង១និង៣០នាទី ដែលមានម្ចស់ឈ្មោះ ភាស់ ភេទស្រី រស់នៅក្នុងភូមិឃុំខាងលើដូចគ្នាដែរ ដែលក្នុងទីតាំងនិមួយៗមានអាច់រណាអារឈើមានកំពស់លិចក្បាល ដែលកម្មករបានបញ្ជាក់ថាពួកគេរកស៊ីអាឈើលួចលាក់នេះជាង២០ឆ្នាំមកហើយ បានសុខណាស់ព្រោះត្រូវគ្នាជាមួយសមត្ថកិច្ច។
ប្រជាពលរដ្ឋនិងអ្នកសារព័ត៌មាននឹកហួសចិត្តនោះ គឺទីតាំងអារឈើលួចលាក់ទាំង២កន្លែងនេះមា នចម្ងាយតែជាង១គីឡូម៉ែត្រពីស្នាក់ការសង្កាត់រដ្ឋបាលព្រៃឈើក្តុល ស្នាក់ការនគរបាលប៉ុសរដ្ឋបាលឃុំគ្រាំងស្គារ និងមានមិនដល់១គីឡូម៉ែត្រផងពីស្នាក់ករមន្ត្រីបរិដ្ឋានការពារដែនជំរកសត្វព្រៃខេត្ត ហើយនៅពេលមានបញ្ជារពីលោក យូ ទិត្យវឌ្ឍនៈ ព្រះរាជអាជ្ញសាលាដំបូងខេត្តអោយចុះមកបង្ក្រាប ពួកគេជាសម ត្ថកិច្ចចំរុះសុទ្ធតែបានឆ្លើយប្រាប់អោយដឹងថា ពួកគេមិនបានដឹងថាមានម៉ាស៊ីនអារឈើនៅទីនេះឡើយ។
សមត្ថកិច្ចចំរុះដែលបានចុះមកត្រួតពិនិត្យក្នុងទីតាំងម៉ាស៊ីនអារឈើទាំង២កន្លែងខាងលើនេះរួមមាន លោក ពារ គឹមហេង នាយផ្នែករដ្ឋបាលព្រៃឈើរមាស លោកនាយសង្កាត់រដ្ឋបាលព្រៃឈើក្តុល កងរា ជអាវធហត្ថស្រុកទឹកផុស នគរបាលស្រុក នគរបាលប៉ុស្តិ និងនគរបាលសេដ្ឋកិច្ចខេត្ត សរុបមានគ្នាជាង១០នាក់។ វត្តុតាងនៃបទល្មើសដែលយើងបានរាប់ឃើញជាក់ស្តែងនៅក្នុងទីតាំងទាំង២ខាងលើនេះមាន ឈើមូលគ្រប់ប្រភេទទាំងតូចទាំងធំសរុបមានចំនួន១៩៥ដើម ម៉ាស៊ីនថាស់ជ្រៀកឈើ២គ្រឿង និងឈើអាររួចជាបន្ទះក្តារ រត និងដៃរណែង សរុបប្រមាណជាង៤ម៉ែត្រគីប ប៉ុន្តែលោកនាយផ្នែករដ្ឋបាលព្រៃឈើរមាស វាស់វែងប៉ាន់ស្មានថាមានប្រមាណជាង១ម៉ែត្រគីបតែប៉ុណ្ណោះ។
លោក ពារ គឹមហេង នាយផ្នែករដ្ឋបាលព្រៃឈើរមាសជាអ្នកដឹកនាំក្រុមសមត្ថកិច្ចចំរុះបានអោយដឹងថា៖ វត្ថុតាងមានម៉ាស៊ីនជ្រៀកឈើ២គ្រឿង និងឈើអាររួច លោកនិងដឹកជញ្ជូនយកទៅរក្សាទុកនៅទីស្នាក់ការផ្នែករដ្ឋបាលព្រៃឈើរមាស កសាងសុំណុំរឿងតាមផ្លូវច្បាប់។ ចំណែកឈើមូល ចំនៀរឈើអារ និងទីតាំងជើងម៉ាស៊ីនជ្រៀក លោកនឹងសុំយោបល់លោកព្រះរាជអាជ្ញាសាលាដំបូងខេត្ត ដុតកំទេចចោលនៅនិងកន្លែង និងបើដឹកយកទៅទុកត្រូវចំណាយលុយច្រើន ទំរាំលក់ឡាយឡុងគឺឈើពុកអស់ហើយ។
សមត្ថកិច្ចចំរុះនិងប្រជាពលរដ្ឋបានអោយដឹងថា៖ ឈើគ្រប់ប្រភេទដែលគេបានដឹកយកមកអារជ្រៀកលួចលាក់នៅក្នុងចំណុចនេះ គឺដើមឈើភាគច្រើនត្រូវបានគេកាប់យកមកពីតំបន់អភិក្សដែនជំរកសត្វព្រៃទឹកធ្លាក់ស្រែអំពិល។ចំណែកមន្ត្រីបរិដ្ឋានតំបន់អភិរក្សម្នាក់នៅក្នុងស្នាក់ការក្តុល បានទទួលស្គា ល់ថាពិតជាមានខ្លះៗមែន ព្រោះតែកម្លាំងក្រុមលោកមានតែ៣នាក់ ឥឡូវត្រូវបានថ្នាក់លើដកយកអាវុធទៅទៀត ហើយកន្លែងការពារតំបន់អភិក្សរាប់ម៉ឺនហិកតា គឺមិនអាចការពារបានទាំងអស់នោះឡើយ៕
