ខេតឧត្តរមានជ័យ៖អាជ្ញាធរកម្ពុជាថៃ បានជួបប្រជុំគ្នានៅស្នាក់ការទំនាក់ទំនងកថៃកម្ពុជា ចំនុចច្រកទ្វារអន្តរជាតិ អូស្មាច់ និងឆងចម ខាងទឹកដីថៃ កាលពិវេលាម៉ោង៩និង៣០នាទី ថ្ងៃទី៤ ខែធ្នូ. ឆ្នាំ២០១៥ ក្នុងគោលបំណងពិភាក្សាគ្នាលើរបៀបវរះសំខាន់ចំនួន៤ ដែលជាបញ្ហាប្រឈមប្រចាំថ្ងៃនៅតាមបន្ទាត់ ព្រំដែនចំពោះការរស់នៅប្រកបរបរចិញ្ចឹមជីវិតរបស់ពលរដ្ឋ។ភាគីកម្ពុជាដឹកនាំប្រតិភូចូលរួមប្រជុំដោយលោកឧត្តមសេនីយ៍ទោ លឺ ចាន់តារ៉ា នាយ ផ្នែកសេធិការ លោកឧត្តមសេនីយ៍ទោពៅ អឿន មេបញ្ជាការកងអនុសេនាធំ ៣ នៃវរ: ៤២៥(កពត ៤២). និងភាគី ថៃ ដឹកនាំដោយឯកឧត្តម ឧត្តមសេនីយ៍ទោ ប្រាក់វេត សំឈឺ មេបញ្ជាការកងអនុសេនាធំ ២៦០៨ នៃ.ធ២៦ ឈុតខ្មៅ ថៃ។
កិច្ចប្រជុំនេះគឺគេធ្វើឡើងដើម្បីពិភាក្សាលើរបៀបវរះចំនួន៤ ដែលមានខ្លឹមសារដូចតទៅ ភាគីថៃ បានលើកឡើង ១/អំពីការងារសេដ្ឋកិច្ចចេញ ចូលតាមច្រកទ្វាររវាងភាគីទាំងសងខាងឲ្យដំណើការបាន ល្អ និងជួយសម្រួលដល់ពលរដ្ឋទាំងសងខាងឲ្យបានឆាប់រហ័ស។២/ពង្រឹងកិច្ចសហប្រតិបត្តិការរវាង អង្គភាព ស្ថាប័នពាក់ពន្ធ័ ឲ្យបានល្អរវាងភាគីទាំង២ បើមានបញ្ហាអ្វីត្រូវជួបប្រជុំដោះស្រាយគ្នា។៣/បញ្ហា អ្នកជម្ងឺខាងកម្ពុជាសុំចូលមកទៅព្យាបាល មិនថាយប់ឬថ្ងៃត្រូវជួយអន្តរាគមន៍ឲ្យបានទាន់ពេលវេលា ៤/បញ្ហាប្រជាពលរដ្ឋខ្មែរ លួចឆ្លងដែនខុសច្បាប់ ការជួញដូរគ្រឿងញៀន ការកាប់បំផ្លាញព្រៃតាមតំបន់ ព្រំដែន ត្រូវសហការគ្នាទប់ស្កាត់។បញ្ហាទាំងនេះត្រូវបានឯកភាពគ្នា។
ទន្ទឹមគ្នានោះភាគីកម្ពុជា ក៏បានសំណូមពរដល់ភាគីថៃវិញផងដែរ បើចាប់បានពលរដ្ឋខ្មែរ ឆ្លង ដែនខុសច្បាប់ ចូលកាប់ឈើគ្រញូង ឬទៅធ្វើអ្វីផ្សេងៗក្នុងទឹកដីថៃ សូមសមត្ថកិច្ចថៃកុំបាញ់សម្លាប់ ស្នើសុំឲ្យមានការដោះស្រាយគ្នាទៅតាមផ្លូវច្បាប់៕
