សៀមរាបៈ ប្រជាពលរដ្ឋនៅក្នុងខេត្តសៀមរាប មានមោទនភាពនិងបាន ទទួលសមិទ្ធផលថ្មីមួយទៀតហើយ ក្រោមការវិនោយោគរបស់កូរ៉េខាងជើង នូវសារមន្ទីរសព្វទស្សន៍អង្គរ ដែលបានបង្កប់នូវអត្ថន័យក្លឹមសារ ក្នុងសម័យមហានគរខ្មែរ និងក្រោមការដឹកនាំដោយព្រះមហាក្សត្រខ្មែរ ក្នុងការធ្វើសង្គ្រាមដ៏ក្តៅគគុក ដើម្បីដណ្តើមយកជ័យជំនះ ជាវិសេសនៅក្នុងសារមន្ទីរនេះ បានបញ្ជាក់ពីវប្បធម៌សាសនា និងវិធីជីវិតការរស់នៅរបស់ប្រជាជាតិខ្មែរក្នុងសម័យមហានគរ។
ដោយនៅថ្ងៃនេះ ឯកឧត្តម បណ្ឌិតសភាចារ្យសុខ អាន ឧបនាយកមន្ត្រី រដ្ឋមន្ត្រីទទួលបន្ទុកទីស្តីការគណៈរដ្ឋមន្ត្រី និងជាប្រធាអាជ្ញាធរអប្សរា បានអញ្ជើញជាអធិបតី តំណាងដ៏ខ្ពង់ខ្ពស់សម្តេចអគ្គមហាសេនាបតីតេ ជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា ក្នុងពិធីសម្ពោធដាក់ឲ្យប្រើប្រាស់ជាផ្លូវការ នូវសារមន្ទីរសព្វទស្សន៍អង្គរ ព្រមទាំងអគ្គរាជទូចកូរ៉េ អមដំណើរដោយឯកឧត្តម ថោង ខុន រដ្ឋមន្ត្រីក្រសួង ទេសចរណ៍ ថ្នាក់ដឹកនាំជាច្រើនរូបចូលរួម ស្ថិតនៅទីតាំងអង្គរព្យូងយូ ក្នុងក្រុងសៀមរាប ។
សារមន្ទីរនេះបានសាងសង់ឡើងនៅក្នុងទឹកដីអង្គរ ដើម្បីបង្ហាញនូវអំពីវប្បធម៌ ខ្មែរនាយុកសម័យមហានគរដ៏រុងរឿង ដោយមានការគាំទ្រដ៏មុតមាំរបស់អាជ្ញាធរអប្សរា ចំពោះក្រុមហ៊ុន Mansudas Newtech Corporation Ltd នៃសាធារណៈរដ្ឋប្រជាមានិតប្រជាធិបតេយ្យកូរ៉េបានចុះកិច្ចសន្យារួមគ្នា ជាមួយអាជ្ញាធរអប្សរា បានសាងសង់នៅខែ សីហា ឆ្នាំ ២០១១ និងបានបញ្ចប់នៅឆ្នាំ២០១៥ ចំណាយទឹកប្រាក់២៤លានដុល្លា ដោយប្រើប្រាស់វិចិត្រករ ជាងចម្លាក់ ៦៣នាក់ រួមទាំងជាងចំណានៗ ។
ឯកឧត្តមបណ្ឌិតសភាចារ្យ សុខ អាន បានមានប្រសាសន៍ថា នេះគឺជានិមិត្តរូបនៃការទំនាក់ទំនង មិត្តភាព និងសហប្រតិបត្តិការល្អ រវាងសារធារណៈរដ្ឋប្រជាមានិត ប្រជាធិបតេយ្យកូរ៉េ និងព្រះរាជាណាចក្រកម្ពុជា និងពង្រឹងមិត្តភាពយូអង្វែង និងជាសមិទ្ធផលមួយដែលបានសាងសង់ឡើង បញ្ជាក់ពីរូបចម្លាក់គំនូររស់រវើក ដែលជាលក្ខណៈគំនូរ 3D មើលទៅហាក់បីយើងកំពុងតែនូវក្នុងហេតុកាណ៍នៃមហានគរ ដែលកំពុងតែធ្វើសកម្មភាពសាងសង់អង្គរ និងសង្គ្រាម រួមទាំងការស់នៅ ដោយសារមន្ទីរនេះ ក្រោយក្នុងរយះពេល១០ ទៅ១៥ឆ្នាំ នៅពេលដែលក្រុមហ៊ុនប្រមូលដើមទុនបានហើយ ក្រុមហ៊ុននិងប្រគលសារមន្ទីរនេះជូនដល់ព្រះរាជាណាចក្រកម្ពុជា ដូច្នេះសូមឲ្យបងប្អូនកុំយល់ច្រឡំថា លក់ដីឬជួលដីឲ្យក្រុមហ៊ុនកូរ៉េនោះ ។
ដោយ ប៊ុន រដ្ឋា
