ឧត្តរមានជ័យ៖ កាលពីវេលាម៉ោង៩និង៤០នាទីយប់ ថ្ងៃទី៤ ខែធ្នូ ឆ្នាំ២០១៥.ជនរងគ្រោះនិងជនសង្ស័យ បានផឹកសុីជុំគ្នាហើយក៏ឌឺដងដាក់គ្នា ចុះ ឡើងឈ្លោះប្រកែកគ្នា ជនសង្ស័យអត់ទ្រាំពុំបាន ទាញយកដែកឆាបរណា មកចាក់ទៅលើពោះជនរងគ្រោះ ជាច្រើនកន្លែង បណ្តាលឲ្យរងរបួសយ៉ាងធ្ងន់ធ្ង ហើយជនសង្ស័យបានរត់គេចខ្លួនបាត់ ហេតុការនេះ បានកើតឡើងនៅចំណុចភូមិទួលពង្រ ឃុំទំនប់ដាច់ ស្រុកត្រពាំងប្រាសាទ ខេត្តឧត្តរមានជ័យ។លោកវរសេនីយ៍ត្រីអ៊ិន កាយ អធិការនគរបាលស្រុក បានអោយដឹងថា ជនរងគ្រោះដែលត្រូវ ជនសង្ស័យ ចាក់នឹងដែកឆាប រណា នៅពេលផឹកសុីជុំគ្នានោះ មានឈ្មោះខាន់ ផល្លា ភេទប្រុសអាយុ២១ឆ្នាំ រស់នៅភូមិទួលចារ ឃុំទំនប់ដាច់ ស្រុកត្រពាំងប្រាសាទ ហើយត្រូវបានក្រុមគ្រួសារ បញ្ជូនទៅមន្ទីរពេទ្យខេត្តសៀមរាប រហូតដល់ វេលាម៉ោង៦និង០០នាទីព្រឹកថ្ងៃទី៥ ខែ ឆ្នាំដ៏ដែល ទើបដឹង ដំណឹងថា ជនរងគ្រោះ បានស្លាប់នៅក្នុង មន្ទីរពេទ្យខេត្តសៀមរាប ទៅហើយ ចំណែកជនសង្ស័យកំពុង រត់គេចខ្លួន កំលាំងជំនាញអធិការនគរបាលស្រុកយើង កំពុងចុះ ស្រាវជ្រាវរកជនសង្ស័យ យកមកផ្តន្ទាទោស ទៅតាមផ្លូវច្បាប់៕
