ខេត្តពោធិ៍សាត់៖ នៅវេលាមោ៉ង៤និង១០នាទីល្ងាចថ្ងៃទី០៦ ខែធ្នូ ឆ្នាំ២០១៥ ក្នុងភួមិក្បាលដំរី ឃុំអន្សាចំបក់ ស្រុក្រគរនខេត្តពោធិ៍សាត់ ត្រង់ចំនុចព្រំប្រទល់ ខេត្តកំពង់ឆ្នាំងនិងខេត្តពោធិ៍សាត់ កម្លាំងចម្រុះស្រុកក្រគរចាប់បានរថយន្តដឹកបទល្មើសឈើក្រញូង មួយគ្រឿង យកមកកាន់អធិការដ្ឋានដើម្បីប្រគល់ឲ្យរដ្ឋបាលព្រៃឈើ។
បើតាមកម្លាំងចម្រុះបង្ក្រាបបទល្មើសនៅចំនុចខាងលើនេះបានឲ្យដឹងនៅល្ងាចមោ៉ង០៥ថ្ងៃខាងលើនេះថា មានកម្លាំងសម្ងាត់មួយបានផ្ដល់ព័ត៍មានដ៍ជាក់លាក់ប្រាប់ឲ្យកម្លាំងចម្រុះយើងដឹងថា មានរថយន្តមួយគ្រឿងប្រភេទកាមរីព័ណ៍ស្លាបក្អែក សេរីឆ្នាំ៩៩ ពាក់ស្លាកលេខ2C – 74-43 បានកំពុងផ្ទុកបទល្មើសប្រភេទឈើក្រញូង ចរាចរណ៍លើផ្លូវជាតិលេខ៥ក្នុងទិសដៅពីលិចទៅកើត ដោយអ្នកជិះក្នុងរថយន្តប្រុសគ្នា០៤នាក់ ។
សមត្ថកិច្ចដដែលនោះបន្តថា៖ ភ្លាមនោះកំលាំងយើងក៍បានចាំស្ទាក់រថយន្តភិនភាគខាងលើ រថយន្តនោះក៍បានបោះពួយមកពីលិចមែន ប៉ុន្តែពួកគេហាក់បីដូចជាដឹងមុន មកដល់ចំនុចខាងលើចម្ងាយប្រមាណជា២០០មែ៉ត្រជា ង ពួកគេទាំង៤នាក់ប្រុសៗក៍នាំគ្នាឈប់ទុករថយន្តចោល បោលចូលព្រៃគេចខ្លួនអស់កម្លាំង យើងដើរទៅជិតពិនិត្យមើលខាងក្រោយ គូថរថយន្តឃើញសុទ្ធតែឈើក្រញូងដំុកំណាត់តូចៗ រូចក៍ចាប់បញ្ជូនមកអធិការដ្ឋាននគរបាលស្រុកក្រគរ ដើម្បីវាស់ថ្លឹងប្រគល់ឲ្យរដ្ឋបាលព្រៃឈើ ហើយបង្ករសំណុំរឿងទៅតុលាកា ។
ដោយព៍ត៍មានចុងក្រោយនៅមោ៉ង០៦ល្ងាចមុននេះពីសមត្ថកិច្ចទីនោះប្រាប់អ្នកឆ្លើយឆ្លងព័ត៍មានយើងឲ្យដឹងថា ចំនួនឈើក្រញូងដែលចាប់បាន ប្រមាណជា ៣០០គីឡូក្រាម៕
