(ក្រចេះ)៖ មនុស្ស៣នាក់ស្លាប់ និង២៦នាក់កំពុងសំរាកព្យាបាល នៅមន្ទីពេទ្យសង្ស័យពុលសាច់ឆ្កៃ និងស្រា យ៉ាងហោចណាស់ មានមនុស្សចំនួន៣នាក់ បានស្លាប់បាត់បង់ជីវិត និង២៦នាក់ទៀត កំពុងសំរាកព្យាបាលនៅមណ្ឌលសុខភាពស្នួល សង្ស័យពុលស្រា និងសាច់ឆ្កែ។ ហេតុការណ៍នេះកើតឡើង នៅរសៀលថ្ងៃទី៦ បន្តរហូតមកដល់ថ្ងៃទី០៧ ខែធ្នូ ឆ្នាំ២០១៥នេះ នៅភូមិស្នួលកើត ឃុំស្នួល ស្រុកស្នួល ខេត្តក្រចេះ។
លោក គង់ គឹមនី អភិបាលស្រុកស្នួល បានឲ្យថា ហេតុការណ៍នេះបណ្ដាលមកពីតាចាស់ម្នាក់យកឆ្កែ ដែលបំពុលថ្នាំ មកហូបបណ្ដាលឲ្យពុល តានោះស្លាប់ហើយ។
រហូតមកដល់ថ្ងៃទី០៧ ខែធ្នូនេះ នៅពេលធ្វើបុណ្យសព អ្នកចូលរួមបុណ្យបានយកសាចឆ្កែនោះមកហូបទៀត បណ្ដាលឲ្យពុលស្លាប់បន្ដបន្ទាប់។ សរុបចំនួនអ្នកស្លាប់មានចំនួន៣នាក់ ស្រី២នាក់ និងបុរសម្នាក់ ចំណែកអ្នករងគ្រោះ កំពុងសំរាកព្យាបាល នៅមណ្ឌលសុខភាពមានចំនួន២៦នាក់ ស្រី៩នាក់។
លោក គង់ គឹមនី អភិបាលស្រុកស្នួលបានបន្ដទៀតថា លោកកំពង់ឲ្យកំលាំងជំនាញធ្វើកោសល្យវិច័យទៅលើសាក់សព និងលើស្រា និងសាច់ឆ្កែនោះ៕
