បន្ទាយមានជ័យ : ពលរដ្ឋនិងក្រុមអាជីវករដែលដឹកទំនិញពីក្រុងប៉ោយប៉ែត ទៅតាមបណ្តាស្រុកក្រុងនិងបណ្តាខេត្តផ្សេងៗ បានធ្វើការរិះគន់ទៅលើគយចល័តខេត្តចំណុចផ្លូវ៥០ សង្កាត់និមិត្ត ក្រុងប៉ោយប៉ែត ខេត្តបន្ទាយមានជ័យ ថារាល់ការដឹកទំនិញមិនថាមាន ឬគ្មានពន្ធ ទេសុទ្ធតម្រូវអោយបង់លុយក្បាល់ឡានថ្លៃបាយនិងបង់លុយប្រចាំខែសម្រាម់រងយន្តដឹកទំនិញគេចពន្ធ ។
ក្រុមអាជីវករដែលរកសីុបង់ពន្ធខាងលើបានអោយដឹងទៀតថា សព្វថ្ងៃពួកគាត់រកស៊ីមិនសូវបានចំណេញប៉ុន្មានទេ ព្រោះត្រូវបង់លុយថ្លៃក្បាល់ឡានឬថ្លៃបាយទើបអាចទៅបានតែបើឈ្មួនរកសីុគេចពន្ធវិញត្រូវបង់ជាជើងឬបង់ជាខែអោយក្រុមគយចល័តខេត្តដែលឈរជើងចំនុចផ្លូវ៥០ ទើបពំុមានការបង្ក្រាបនិងគ្មានការឈប់ត្រួកពិនិត្យ។ការអោយពួកគាត់បង់លុយគ្រប់ពេលដឹកទំនិញ ដែលការបង់នេះអាចបង់ជាខែក៏បាន ពី១៥០ទៅ២០០ដុល្លាក្នុងមួយខែ ឬបង់ជាចំនួនជើងរថយន្តក៏បាន ដែលតម្លៃត្រូវបង់គឺអាស្រ័យលើចំនួនជើងបានដឹក ហើយការបង់នេះដែរអាចមកបង់ផ្ទាល់នៅស្នាក់ការគយចល័តផ្លូវ៥០ក៏បានឬវេតាមវីងក៏បាន ។ ក្រៅពីការបង់ខាងលើ ការបង់ថ្លៃបាយទឹកពេលត្រួតពិនិត្យឯកសារ ពីមួយមឺុនទៅ២មឺុនរៀតាមរថយន្តតូចធំទោះបីជាទំនិញរបស់ពួកគាត់បង់ពន្ធរួចក៏ដោយ ។
គួររំឮថា កន្លងមកលោក គោស៊ុំ សារឿត ០អភិបាលខេត្តបន្ទាយមានជ័យ បានធ្វើការហាមប្រាមដល់អាជ្ញាធរមានសមត្ថកិច្ចមិនអោយមានការដាក់កុងត្រូលជជុះជំរិតទាប្រាក់ពីប្រជាពលរដ្ឋ ព្រោះការដាក់កុងត្រូលជជុះនេះវាជាអំពើរខុសច្បាប់ ។ហើយចំពោះកុងត្រូលគយដែលកន្លងមកមានច្រើនកន្លែងលោកបានអោយបង្រួមអោយមានតែមួយ។
ចំពោះបញ្ហានេះវិញគ្រាន់តែតាមផ្លូវជាតិលេខ៥ពីប៉ោយប៉ែតមកទីរួមខេត្តបន្ទាយមានជ័យប្រវែងផ្លវ៤៥គីឡូមែ៉ត្រមានកុងត្រូលជជុសរបស់គយចល័តខេត្តដែលធ្វើសកម្មភាពយកលុយពីឈ្មួញដឹកទំនិញគេចពន្ធដល់ទៅបីកន្លែង។
