ខេត្តកំពង់ឆ្នាំង៖អង្គការកម្ពុជាត្រាស្ត គឺជាអង្គការក្រៅរដ្ឋាភិបាលមួយ ដែលមានទីតាំងនៅភ្នំពេញ កំពង់ឆ្នាំងនិង ខេត្តព្រះសីហនុ មជ្ឈមណ្ឌលស្តាលទ្ធភាពពលកម្មខេត្តកំពង់ឆ្នាំង បាននជនពិការមកទទួលសេវាជាច្រើននាក់រហូតដល់បច្ចុប្បន្ន ដោយមិនបង់ថៃ្លសេវាអ្វីឡើយ បើជនពិការចាប់អារម្ម ណ៍សូមអញ្ជើញមក មន្ត្រីអង្គការនឹងជួយស្តារលទ្ធភាពពលកម្មកាយសម្បទាដោយរីករាយ។
លោក ប៉ិន កៅ ប្រធានមណ្ឌលស្តារលទ្ធភាពពលកម្មកាយសម្បទា របស់អង្គការកម្ពុជាត្រាស្ត ខេត្តកំពងឆ្នាំង បានអោយដឹងនៅល្ងាចថៃ្ងទី០៧ ខែធ្នូឆ្នាំ ២០១៥នេះថា៖ លទ្ធផល និងសក ម្មភាពការងារដែលសម្រេចបានក្នុងខែវិច្ឆិកា ឆ្នាំ២០១៥នេះមាន៖ អ្នកពិការដែលបានមកទទួលសេវាកម្មនៅ ម ណ្ឌលស្តារ មនុស្សចាស់ និងកុមារ សរុបចំនួន ១០៤នាក់ ,អ្នកពិការថ្មី មនុស្សចាស់ និងក្មេង សរុប ១២នាក់ , ផ្តល់អវៈយវៈសប្បនិម្មិត មនុស្សចាស់ និងក្មេង សរុប ១៧នាក់ , ផ្តល់អវៈយវៈរណប មនុស្សចាស់ និងក្មេង សរុប ៣១នាក់ , ជួសជុលអវៈយវៈសប្បនិម្មិត និងរណប មនុស្សចាស់ និងក្មេង សរុប ២៥នាក់ ,ផ្តល់រទេះរុញឈើកង់បីធម្មតា មនុស្សចាស់ សរុប ៣នាក់ , ផ្តល់សំភារៈជំនួយសរុប១០នាក់ , ព្យាបាលដោយចលនា សរុប១២០ នាក់ , ផ្តល់ស្បែកជើងដល់អ្នកពិការ សរុប៣៤ នាក់,ផ្តល់ស្រោមជើងដល់អ្នកពិការ សរុប៨៨នាក់, ផ្តល់ស្បែកជើងសំរាប់ក្មេងជើងខ្វេរ សរុប២នាក់ , ទទួលអោយអ្នកពិការស្នាក់នៅក្នុងមណ្ឌល សរុប១២នាក់។
សេវាកម្មផ្នែកអភិវឌ្ឍន៍សហគមន៍ បានចុះស្រាវជ្រាវរកជនពិការតាមសហគមន៍ សំរេចបាន២លើកមនុស្សចូលរួម២៩នាក់ ស្រី៣នាក់ ,ចុះជួសជុលសំភារៈបាន២លើកមនុស្សចូលរួមបាន១៤នាក់ ក្រៅពីនេះជនពិការទៅបានចូលរួមក្នុងពិធីរបស់ខេត្តផ្សេងៗថែមទៀតផង។
លោក ប៉ិន កៅ ប្រធានមណ្ឌលស្តារបានអោយដឹងទៀតថា៖ អង្គការកម្ពុជាត្រាស្ត មានសេវាកម្មស្តារលទ្ធភាពកាយសម្បទាជូនជនពិការដូចជា៖ ផលិតអវៈយវៈសិប្បនិមិ្មត និងរណប ផ្តល់រទះរុញឈើច្រត់គ្រប់ប្រភេទ និងព្យាបាលដោយចលនា ជូនបងប្អូនពិការ នៅទូទាំងខេត្តដោយមិនប្រ កាន់ពូជសាសន៍ និងនិន្នាការនយោបាយអ្វីឡើយ បើចង់ដឹងព័ត៌មានច្បាស់សូមទំនាក់ទំនងជាមួយអង្គការកម្ពុជាត្រាស្តខេត្តកំពង់ឆ្នាំង ដែលមានអាស័យដ្ឋានជាប់និងផ្លូវជាតិលេខ៥ទល់មុខមន្ទីរកិច្ចការនារីខេត្តកំពង់ឆ្នាំង ស្ថិតក្នុងភូមិកណ្តាល សង្កាត់កំពង់ឆ្នាំង ក្រុងកំពង់ឆ្នាំង ឬតាមរយៈទូរស័ព្ទលេខ០២៦៩៨៨ ៦៩១ មន្ត្រីអង្គការនិងស្វាគមន៍ដោយរីករាយ៕
